ⵜⴰⵎⵙⵏⴰ : ⵜⵓⵔⵜⵉⵜ ⵜⴰⵎⵇⵕⴰⵏⵜ ⵜⵕⵥⵎ ⵜⴳⴳⵓⵔⵉ ⵏⵏⵙ ⵙ ⵓⵎⴰⴷⴷⵓⴷ

02 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵜⵕⵥⵎ ⵜⵓⵔⵜⵉⵜ ⵏ ⵜⵎⵙⵏⴰ ⵜⴳⴳⵓⵔⵉⵏ ⵏⵏⵙ ⴰⵙⵙ ⵏ ⵓⴽⵕⴰⵙ ⴷⴰⵜ ⵏ ⵉⵎⵣⴷⴰⵖⵏ ⴷ ⵉⵏⵔⵣⴰⴼⵏ ⴰⵎⵎ ⵓⵏⵙⴰ ⴰⵎⴰⵢⵏⵓ ⵍⵍⵉ ⵢⵙⴷⵓⵙⵏ ⵓⵙⵉⵜ ⴰⴷ ⵍⵍⵉ ⵢⵙⴷⴷⵉⴷⵏ ⵓⴷⵖⴰⵔ ⵏ ⵜⵙⴳⴰ ⵢⴰⴷ ⵉⵜⵜⵓⵙⵜⴰⵢⵏ ⴰⵎⵎ ⵉⴳⵔ ⴰⵣⴳⵣⴰⵡ ⴳ ⵓⵙⴰⵜⵉ ⵏ ⵉⵍⵜⵖⵏ ⵏ ⵡⴰⵏⴰⴹ ⵏ ⵓⴳⵔⴰⵡ (ⵍⵄⵓⵎⵕⴰⵏ).

ⵜⵍⵍⴰ ⵜⵓⵔⵜⵉⵜ ⴰⴷ, ⵍⵍⵉ ⵢⵕⵥⵎ ⵓⵏⴱⴱⴰⴹ ⵏ ⵜⵙⴳⴰ ⵏ ⵚⵚⵅⵉⵕⴰⵜ-ⵜⵎⴰⵔⴰ, ⵢⵓⵙⴼ ⴹⴹⵕⵉⵚ, ⵙ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵔⵜ ⵜⴰⵙⵓⵏⵜ ⵏ "ⵍⵄⵓⵎⵕⴰⵏ" ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵕⴰ ⴷ ⵓⴳⵎⴰⵎ ⵏ ⵜⵙⵙⵓⴳⵔⵜ ⵜⴳⵔⴰⵡⵜ ⵏ ⵓⴳⵔⴰⵡ ⴷ ⵉⵙⵜⴰⵢⵏ ⵉⴷⵖⵔⴰⵏⵉⵏ, ⴳ ⵓⴳⵣⵣⵓⵎ ⵏ ⵡⴰⴽⴰⵍ ⵏ 13 ⴰⵀⵉⴽⵜⴰⵔ ⴳ ⵓⵎⵎⴰⵙ ⵏ ⵜⵖⵔⵎⵜ ⵏ ⵜⵎⵙⵏⴰ, ⴷ ⵉⵙⵓⵜⵔ ⴰⵥⵕⴼ ⵏ 25 ⴰⵎⵍⵢⵓⵏ ⵏ ⴷⴷⵔⵀⵎ.

ⵜⵓⵎⵥ ⵜⵓⵔⵜⵉⵜ ⴰⴷ ⴰⵏⵙⴰ ⴰⵊⵓⵖⵔⴰⴼⵉ ⴷ ⵜⴳⴰ ⴰⵏⴰⵡ ⵉⵙⴷⵓⵙⵏ ⴰⵏⵙⴰ ⵏ ⵜⵎⵙⵏⴰ ⴰⵎⵎ ⵜⵖⵔⵎⵜ ⵜⵣⴳⵣⴰⵡⵜ ⴰⵎⵎⴰⵙ ⵏ ⵉⵏⵙⴰⵏ ⵏ ⵓⵣⵣⵓⵣⵏ ⴷ ⵉⵎⴰⵡⵏ ⵏ ⵓⵔⵔⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8E%E2%B5%99%E2%B5%8F%E2%B4%B0-%E2%B5%9C%E2%B5%93%E2%B5%94%E2%B5%9C%E2%B5%89%E2%B5%9C-%E2%B5%9C%E2%B4%B0%E2%B5%8E%E2%B5%87%E2%B5%95%E2%B4%B0%E2%B5%8F%E2%B5%9C-%E2%B5%9C%E2%B5%95%E2%B5%A5%E2%B5%8E-%E2%B5%9C%E2%B4%B3%E2%B4%B3%E2%B5%93%E2%B5%94%E2%B5%89-%E2%B5%8F%E2%B5%8F%E2%B5%99-%E2%B5%99-%E2%B5%93%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7