Published on MAPNews (https://www.mapnews.ma/am)

Accueil > ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

31 ⵎⴰⵢⵢⵓ 2021 Version Imprimable
ⵕⵕⴱⴰⵟ - ⵔⴰⴷ ⵉⵎⵓⵏ, ⴰⵙⵙ ⵏ ⵓⴽⵡⴰⵙ ⴰⴷ, ⵢⴰⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵔⴰⴷ ⵉⴹⴼⴰⵕ ⵓⵙⵇⵇⵉⵎ ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ ⵢⴰⵏ ⵓⴼⵙⴰⵔ ⵏ ⵜⵎⴰⵡⵙⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵜⵣⴷⵖⵜ ⴷ ⵜⵙⵔⵜⵉⵜ ⵏ ⵜⵖⵔⵎⵜ ⵅⴼ ⴰⴷⴷⴰⴷ ⵏ ⵉⴳⵔ ⵓⵥⴽⴰⵡ ⴷ ⵜⵣⴷⵖⵜ ⴷⴷⵓ ⵏ ⵓⴱⴰⵢⵢⵓⵕ ⴽⵓⵔⵓⵏⴰ (ⴽⵓⴼⵉⴷ-19) ⴷ ⵜⵉⵏⵥⵕⵉⵏ ⵏ ⵓⵍⴰⵢ 

ⵉⴼⵔⴰ ⵢⵉⵏⵏⴰ  ⵡⵙⵉⵡⴹ ⵎⴰⵙ ⵔⴰⴷ ⵉⵖⵔ ⵓⵙⵇⵇⵉⵎ ⴷⴼⴼⵉⵔ ⴰⴷ ⵢⴰⵏ ⵓⵙⵏⵜⵉ ⵏ ⵓⵙⵍⴳⴰⵏ ⵏ ⵓⵙⵔⵙ ⵏ ⵉⵙⵡⵓⴷⵓⵏ ⵉⵣⵍⵉⵏ ⵙ ⵜⵙⵖⵏⵣⵉⵜ ⵓⵙⵔⵉⴷ ⵏ  ⵉⴳⵓⵎⴰ ⵉⵛⴰⴽⴰⵏ ⴷ ⵙⵢⴰⴼⵓⵏ ⴳ ⵓⵙⴰⵜⵉ ⵏ ⵓⴳⵔⴰⵡ ⴰⵏⴼⵍⴰⵃ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵔⴰⴷ ⵉⵔⵏⴰ ⵓⵙⵇⵇⵉⵎ ⵜⵡⵓⵔⵉⵡⵉⵏ ⵏⵏⵙ ⵙ ⵜⵖⵓⵔⵉ ⵏ ⴽⵕⴰⴹ ⵏ ⵉⵙⵏⵜⵉⵏ ⵏ ⵉⵎⵕⵚⵓⵎⵏ ⴰⵎⵣⴰⵡⵔ ⵉⵣⵍⵉⵏ ⵙ ⵓⵙⵖⵣⵣⵉⴼ ⵏ ⵓⵣⵎⵣ ⵏ ⵓⵣⵣⵉⴳⵔ ⵏ ⵡⴰⴷⴷⴰⴷ ⵏ ⵜⴰⴷⵓⵙⵉ ⴳ ⴰⴽⴽⵯ ⵏ ⵡⴰⴽⴰⵍ ⴰⵏⴰⵎⵓⵔ ⴷⴰⵜ ⵏ ⵓⵙⴼⵙⵔ ⵏ ⴽⵓⵕⵓⵏⴰ -ⴽⵓⴼⵉⴷ 19 ⴷ ⵡⵉⵙⵙ ⵙⵉⵏ ⵉⵣⵍⵉⵏ ⵙ ⵜⵉⵔⵔⴰ ⵏ ⴹⴰⴱⵟ ⴳ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵏ ⴷ ⵡⵉⵙⵙ ⴽⵕⴰⴹ ⵏ ⵜⵙⵏⵙⵉ ⵏ ⴰⵃⴽⴰⵎ ⵏ ⵓⵙⵍⴳⴰⵏ ⵉⵣⵍⵉⵏ ⵙ ⵓⵥⴽⴰⵡ ⴷ ⵓⵙⵍⴳⴰⵏ ⵉⵣⵍⵉⵏ ⵙ ⵜⵉⵣⵓⵣⵏⵉⵏ ⴷ ⵉⴳⵔⴰⵡ ⵏ ⵉⵎⵣⴷⴰⵖⵏ ⴷ ⵓⴱⴹⵓ ⵏ ⵜⵓⵚⴽⴰⵡⵉⵏ ⴷ ⴹⴰⵀⵉⵕ ⴰⵛⵛⵔⵉⴼ ⵉⵣⵍⵉⵏ ⵙ ⵓⵙⵙⵓⵙⵄⵓ ⵏ ⵓⵏⵙⴰ ⵏ ⵉⵣⴽⴽⴰⵏ ⵉⴼⵔⴰⵏⵏ ⵉⵣⵍⵉⵏ ⵙ ⴰⵍⵓⴳ ⵏ ⵜⵙⴰⵡⵔⵜ .

ⵉⵙⵓⵍ ⵉⵏⵏⴰ  ⵓⵙⵉⵡⴹ ⵎⴰⵙ ⵔⴰⴷ ⵉⵙⵣⵔⵉ ⵓⵙⵇⵇⵉⵎ ⴳ ⵜⵖⵓⵔⵉ ⵏ ⵓⵎⵙⴰⵙⴰ-ⴰⵙⵜⴰⵢ ⵏ ⵓⵙⵙⵓⴼⵖ ⵏ ⵓⵎⵓⵍⵉ ⴰⵎⴰⴹⵍⴰⵏ ⵏ ⵜⵥⴹⵕⴰ ⵏ ⵜⴼⵓⴽⵜ ⵔⴰⴷ ⵉⵇⵇⵏ ⵓⵙⵇⵇⵉⵎ ⵜⵡⵓⵔⵉⵡⵉⵏ ⵏⵏⵙ ⵙ ⵓⴹⴼⵕ ⵏ ⵜⵎⵙⵙⵓⵔⵉⵏ ⵏ ⵓⵙⵜⴰⵢ ⴳ ⵉⵏⵙⴰⵏ ⵢⴰⵜⵜⵓⵢⵏ, ⵖⵉⴽ ⵍⵍⵉ ⵢⵏⵏⴰ ⵉⵎⵉⵔ ⵡⵉⵙⵙ 92 ⵙⴳ ⵓⴷⵓⵙⵜⵓⵔ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%A1%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-13