ⵉⵎⴹⴰⴽⴰⵕⵏ ⴳⵔ ⵎⴰⵙⵙ ⴱⵓⵕⵉⵟⴰ ⴷ ⵜⴽⵏⵉⵜ ⵏⵏⵙ ⵜⴰⵊⴰⵎⴰⵢⴽⵉⵜ

19 ⵎⴰⵢⵢⵓ 2021 Version Imprimable

ⵕⵕⴱⴰⵟ - ⵉⵙⴽⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⵉⴹⵍⵍⵉ ⴰⵙⵙ ⵏ ⵓⵙⵉⵏⴰⵙ ⵉⵎⴹⴰⴽⴰⵔⵏ ⵙ ⵜⴰⵜⵉⵇⵏⵉⵜ ⵏ ⵍⴼⵉⴷⵢⵓ ⴷ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⵙⴱⴱⴰⴱⵜ ⵜⴰⴱⵕⵕⴰⵏⵉⵜ ⵜⴰⵊⴰⵎⴰⵢⴽⵉⵜ ⵎⴰⵙⵙⴰ ⴽⴰⵔⵎⵉⵏⴰ ⵊⵓⵏⵙⵓⵏ ⵙⵎⵉⵜ .

ⵉⵏⵏⴰ ⵢⴰⵏ ⵓⵡⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⴰⵙⵙ ⵏ ⵓⴽⵕⴰⵙ ⵎⴰⵙ ⵎⵍⴰⵏ ⵙⵉⵏ ⵉⵎⴰⵡⵙⴰⵙⵏ ⵉⴳⵔⵏ ⵏ ⵜⵓⵙⵇⵇⵏⵉⵏ ⵉⵙⵉⵏⵔⴰⵏ ⵍⵍⵉ ⵙⵏⵏⵜ ⴰⴷⵃⵉ ⴰⴼⵓⵍⴽⵉ ⴳ ⵓⵙⴳⴳⵯⴰⵙ 2016 ⴷ ⵙⴷⵉⴷⵏ ⵜⵉⵔⴰⵜ ⵏⵏⵙⵉ ⵉⵛⵛⴰⵔⵏ ⵏ ⵓⵙⴷⵓⵙ ⵏ ⵏⵏⵙⵏⵜ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⴼⵓⵙ ⵉⵔⵡⵉ ⵎⴰⵢⴰⴷ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴳ ⵓⵙⴰⵜⵉ ⴷⵖ ⵙⵎⵖⵔⵏ ⵙⵏⴰⵜ ⵜⴼⵓⵍⵉⵏ ⵓⵍⴰⵢ ⵉⵍⵍⴰⵙ ⵙⴳ ⵓⵙⴳⵎⴹ ⴳ ⵓⵙⴳⴳⵯⴰⵙ 2019 ⵏ ⵓⵖⴰⵡⴰⵙ ⵏ ⵓⴱⵔⵉⴷ 2020-2022 ⴷ ⵙⴷⴷⵉⴷⵏ ⵎⴰⵙ ⵉⵅⵚⴰ ⵏ ⵓⵙⴷⵓⵙ ⵏ ⵓⵍⴰⵢ ⴷ ⵓⵎⵢⴰⵡⴰⵙ ⵉⴳⵔⴰⵏ ⵙⴰⵍⴰⵡⴰⵏ ⴰⴽⴽⵯ ⴳ ⵉⴳⵔⵏ ⵏ ⵜⵙⴱⴱⴰⴱⵜ ⴷ ⵜⵏⴼⵍⴰⵃⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95%E2%B5%8F-%E2%B4%B3%E2%B5%94-%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B4%B7-%E2%B5%9C%E2%B4%BD%E2%B5%8F%E2%B5%89%E2%B5%9C-%E2%B5%8F%E2%B5%8F%E2%B5%99-%E2%B5%9C%E2%B4%B0%E2%B5%8A%E2%B4%B0%E2%B5%8E%E2%B4%B0%E2%B5%A2%E2%B4%BD%E2%B5%89%E2%B5%9C%C2%A0