ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹⴹⵏ ⵢⴰⵜⵜⵓⵢⵏ ⴱⴰⵀⵔⴰ ⵏⵏⵙ ⴰⴷ ⵜⵓⵣⵏ ⵜⵉⵡⵉⵙⵉ ⵜⴰⵏⴼⴳⴰⵏⵜ ⵏ ⵓⵖⴰⵡⵍ ⵉ ⵢⴼⵍⵉⵚⵟⵉⵏⵉⵏ ⵏ ⵖⵣⵣⴰ ⴷ ⵓⴳⵎⵎⴰⴷ ⵏ ⵜⴳⵓⵜ

14 ⵎⴰⵢⵢⵓ 2021 Version Imprimable

ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ, ⵉⵏⴹⵏ ⵢⴰⵜⵜⵓⵢⵏ ⴱⴰⵀⵔⴰ ⵏⵏⵙ ⴰⴷ ⵜⵓⵣⵏ ⵜⵉⵡⵉⵙⵉ ⵜⴰⵏⴼⴳⴰⵏⵜ ⵏ ⵓⵖⴰⵡⵍ ⵉ ⵢⴼⵉⵍⵉⵚⵟⵉⵏⵉⵏ ⵏ ⵖⵣⵣⴰ ⴷ ⵓⴳⵎⵎⴰⴷ ⵏ ⵜⴳⵓⵜ, ⵎⴰ ⵢⴰⴷ ⵉⵏⵏⴰ ⴰⵙⵙ ⵏ ⵓⵙⵉⵎⵡⴰⵙ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⴱⵕⵕⴰ.

ⵍⵍⴰⵏ ⴳ ⵜⵡⵉⵙⵉ ⵢⴰⴷ 40 ⵟⵓⵏ ⵏ ⵉⵢⴰⴼⵓⵏ ⵉⵎⵙⴰⴷⵓⵔⵏ ⴷ ⵉⵙⴰⴼⴰⵔⵏ ⵏ ⵓⵖⴰⵡⵍ ⴷ ⵉⴼⵕⵚⴰⴹⵏ, ⵎⴰ ⵢⴰⴷ ⵜⵏⵏⴰ ⵜⵎⴰⵡⴰⵙⵜ, ⵜⵔⵏⵓ ⵜⵏⵏⴰ ⵎⴰⵙ ⵜⵡⵉⵙⵉ ⵢⴰⴷ ⵔⴰⴷ ⵜⴷⴷⵓ ⴰⵎⵎⴰⵙ ⵏ ⵜⵉⵍⴰⵍⵉⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ.

ⵜⵓⵛⴽⴰⴷ ⵜⵖⵜⴰⵙⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ, ⵜⴽⵛⵎ ⴳ ⵓⵙⴰⵜⵉ ⵏ ⵓⵏⵏⴰⵍ ⵉⵔⵏⴰⵏ ⵏ ⵜⴳⵍⴷⵉⵜ ⵉ ⵜⵖⵜⴰⵙⵜ ⵜⴰⴼⵉⵍⵉⵚⵟⵉⵏⵉⵜ ⴷ ⵜⴱⴷⴰⴷⵜ ⵉⵔⵏⴰⵏ ⴷ ⵓⴳⵎⴰⵎ ⴰⴼⵉⵍⵉⵚⵟⵉⵏⵉ ⴰⴳⵎⴰ, ⵎⴰ ⵢⴰⴷ ⵉⵏⵏⴰ ⵓⵙⵉⵡⴹ.

ⵜⵇⴰⵎⵎⴰ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵍⵍⵉ ⵢⵙⵔⵙⵏ ⵜⵖⴰⵡⵙⴰ ⵜⴰⴼⵉⵍⵉⵚⵟⵉⵏⵉⵜ ⴳ ⵓⵏⵙⴰ ⵢⴰⵜⵜⵓⵢⵏ, ⵜⵣⴷⵉ ⴷ ⵓⵙⵓⴼⴼⵖ ⵏ ⵢⴰⵏ ⵓⴼⵙⵙⴰⵢ ⵏ ⵙⵉⵏ ⵉⵡⴰⵏⴽⵏ ⵉⴷⴷⵔⵏ ⵢⴰⵏ ⵜⴰⵎⴰ ⵏ ⵢⴰⵏ, ⵙ ⵜⵓⴳⵉ ⵏ ⵢⴰⵏ ⵓⵡⴰⵏⴽ ⴰⴼⵉⵍⵉⵚⵟⵉⵏⵉ ⴳ ⵉⵡⵜⵜⵓⵏ ⵏ 4 ⵢⵓⵏⵢⵓ 1967 ⵙ ⵍⵇⵓⴷⵙ ⵏ ⵍⵇⴱⵍⵜ ⴰⵎ ⵜⵎⴰⵥⵓⵏⵜ.

Dernière modification : 14 ⵎⴰⵢⵢⵓ 2021

Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%8F%E2%B4%B9%E2%B4%B9%E2%B5%8F-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B4%B1%E2%B4%B0%E2%B5%80%E2%B5%94%E2%B4%B0-%E2%B5%8F%E2%B5%8F%E2%B5%99-%E2%B4%B0%E2%B4%B7-%E2%B5%9C%E2%B5%93%E2%B5%A3%E2%B5%8F-%E2%B5%9C%E2%B5%89%E2%B5%A1%E2%B5%89%E2%B5%99%E2%B5%89-%E2%B5%9C%E2%B4%B0%E2%B5%8F%E2%B4%BC%E2%B4%B3%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B5%8D-%E2%B5%89