ⵉⵏⵏⴰ ⵄⴱⴷⵕⵕⵥⵥⴰⵇ ⵙⵓⵎⴰⵃ ⴰⵎⵎⴰⵙ ⵏ ⵢⴰⵏ ⵓⵙⴰⵢⵙ ⴳ ⵓⵙⴰⵔⵓ "Maghreb TV" ⵎⴰⵙ "ⵉⴳⴰ ⵍⵃⴰⵍ ⵢⴰⵏ ⵍⵉⵜⵜⵉⵀⴰⵎ ⵓⵔ ⵉⵍⴽⵉⵏ ⴰⴷ ⵉⵙⴽⵔⴽⵉⵙ, ⴰⵛⴽⵓ ⵉⴳⴰ "ⵄ.ⴰ." ⴰⴳⵎⴰⵎ ⴳ ⵓⵎⵓⵙⵙⵓ ⵙⴳ ⵓⵙⴳⴳⵯⴰⵙ ⵏ 1981 ⴷ ⵉⵙⴽⵔ ⵎⵏⵏⴰⵡ ⵏ ⵜⵓⵇⵇⵏⵉⵏ ⵜⵓⵙⵔⵉⴷⵉⵏ ⴷ ⵉⵏⵙⵙⵉⵅⴼⵏ ⵏ ⵓⵎⵓⵙⵙⵓ".
ⵉⵏⵏⴰ ⵙⵓⵍ ⵓⵏⵙⵙⵉⵅⴼ ⴰⵊⵉⵀⴰⴷⵉ ⵉⵣⵔⵉⵏ ⵎⴰⵙ ⵉⵎⴰⴳⴳⴰⵔ "ⵄ.ⴰ." ⴳ ⴱⵔⵓⴽⵙⵉⵍ ⵍⵍⵉⵖ ⵢⴰⴷⵍⵍⵉ ⵉⵙⵡⵓⴷⴷⴰ "ⵄ.ⴰ." ⵢⴰⵜ ⵜⵙⴷⵍⵉⵙⵜ ⵜⵉⵙⵍⴰⵎⵉⵜ.
ⵉⵔⵏⴰ ⵢⵏⵏⴰ ⵎⴰⵙ "ⵉⴼⴽⴰ ⵢⴰⵜ ⵜⴰⴷⵍⵍⵉ ⵍⴰⵎⵉⵔ ⵏⵏⵖ, ⵏⵏⵄⵎⴰⵏⵉ, ⵉⵇⴰⵕⵉⴹⵏ ⴳ 1983 ⴰⴼ ⴰⴷ ⵉⵕⵥⵎ ⵢⴰⵜ ⵜⵙⴷⵍⵉⵙⵜ ⵜⵉⵙⵍⴰⵎⵉⵜ ⴳ ⴱⵔⵓⴽⵙⵉⵍ, ⴰⴼ ⴰⴷ ⵜⴼⴽ ⴰⵏⵏⴰⵍ ⴰⵣⵔⴼⴰⵏ ⵉ ⵓⵎⵓⵙⵙⵓ", ⵉⵏⵏⴰ ⵙⵓⵍ ⵎⴰⵙ "ⵄ.ⴰ." ⴰⴷ ⵉⴼⴽⴰⵏ ⵍⵉⵙⵎ ⵏ "ⵎⴰⴽⵜⴰⴱⴰⵜ ⵏⵏⵓⵕ" ⵉ ⵜⵙⴷⵍⵉⵙⵜ ⴰⴷ ⵍⵍⵉ ⵢⵜⵜⵓⵙⴽⴰⵔⵏ ⴳ ⵎⵓⵍⴰⵎⴱⵉⴽ, ⴳ ⵜⵎⴰⵥⵓⵏⵜ ⵜⴰⴱⵍⵊⵉⴽⵉⵜ.
ⵉⵏⵏⴰ ⵙⵓⵎⴰⵃ ⵎⴰⵙ ⵉⵎⴰⴳⴳⴰⵔ "ⵄ.ⴰ." ⴳ 2000 ⴳ ⵟⴰⵏⵊⴰ, ⵉⵔⵏⴰ ⵢⵏⵏⴰ ⵎⴰⵙ "ⴳ ⵓⵙⴳⴳⵯⴰⵙ ⵍⵍⵉ ⵜ ⵉⴹⴼⴰⵕⵏ, ⵉⵣⵔⵉ ⴷⴰⵔⵉ ⴳ ⵜⴳⵎⵎⵉ ⵏⵓ ⴳ ⴱⵔⴽⴰⵏ, ⵍⵍⵉⵖ ⵉⵢⵢⵉ ⵢⴼⴽⴰ ⵙⵙⵍⴰⵃ : ⵢⴰⵜ ⵜⵎⵓⴽⵃⵍⵉⵜ "ⴽⴰⵍⴰⵛⵏⵉⴽⵓⴼ" ⴷ ⵙⵉⵏ ⵍⴼⵔⴰⴷⴰ ⴷ ⴷⴷⴰⵅⵉⵔⴰ ⵏⵏⵙⵏ".
ⵉⵏⵏⴰ ⵙⵓⵍ ⵎⴰⵙ ⵉⵎⵎⴰⴳⴳⴰⵔ ⵢⴰⵜ ⵜⴽⵍⵉⵜ ⵢⴰⴹⵏⵉⵏ ⴷ "ⵄ.ⴰ." ⴳ ⵓⵙⴳⴳⵯⴰⵙ ⵏ 2004, ⵎⴰⵛ ⵢⵓⴳⴰ ⴰⴷ ⴷⴰⵔⵜ ⵢⴰⵎⵥ ⵙⵙⵍⴰⵃ ⵉⵎⴰⵢⵏⵓⵏ ⴰⵛⴽⵓ "ⴰⵔ ⵢⴰⴷⵍⵍⵉ ⵉⵜⵎⵎⵓⵜ ⵓⵎⵓⵙⵙⵓ ⵏⵏⵖ". ⵎⴰⵛ ⵉⵏⵏⴰ ⵉⵙ ⴷⴰⵔⵜ ⵢⵓⵎⵥ 7000 ⵓⵕⵓ ⵏ ⵉⵇⵇⴰⵕⵉⴹⵏ ⵍⵍⵉ ⵢⴰⵜ ⵉⴼⴽⴰ "ⵄ.ⴰ." ⴰⵎ ⵜⴼⵓⵍⵜ ⵏ ⵎⴰⴷ ⵜⵙⵙⴽⵛⴰⵎ ⵜⵙⴷⵍⵉⵙⵜ "ⵏⵏⵓⵕ" ⴳ ⴱⵔⵓⴽⵙⵉⵍ.