ⴽⵓⴼⵉⴷ-19..ⴰⵙⵖⵣⵣⵉⴼ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴰⵔ 10 ⵢⵓⵏⵢⵓ 2021(ⴰⵙⵇⵇⵉⵎ ⵏ ⵜⵏⴱⴰⴹⵜ)

06 ⵎⴰⵢⵢⵓ 2021 Version Imprimable

ⵕⵕⴱⴰⵟ - ⵉⵖⵜⵙ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵢⵎⴰⵏ ⴰⵙ ⵏ ⵓⴽⵡⴰⵙ ⵖ ⵕⵕⴱⴰⵟ ⴰⴷ ⵉⵙⵖⵣⵣⵉⴼ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴳ ⴰⴽⴽⵯ ⵏ ⵡⴰⴽⴰⵍ ⴰⵏⴰⵎⵓⵔ ⴰⵔ 10 ⵢⵓⵏⵢⵓ 2021 ⵖⵉⴽ ⵔⴰⵏⵜ ⵜⵓⴳⴳⴰⵣ ⵏ ⵓⵙⴱⵉⴷⴷ ⵏ ⵓⵙⴼⵙⵔ ⵏ ⵓⴱⴰⵢⵢⵓⵕ ⴽⵓⵕⵓⵏⴰ ⴰⵎⴰⵢⵏⵓ (ⴽⵓⴼⵉⴷ-19).

ⵉⴼⵔⴰ ⵢⵉⵏⵏⴰ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵓⵍⴰⵏ ⴷ ⵓⵙⵍⵎⴰⴷ ⴰⵏⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏ ⴰⵎⵙⵉⵡⵍ ⵙ ⵢⵙⵎ ⵏ ⵜⵏⴱⴰⴹⵜ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ ⴳ ⵢⴰⵏ ⵓⵙⵉⵡⴹ ⵍⵍⵉ ⵢⵖⵕⴰ ⴳ ⵜⵉⵏⴰⵡⵜ ⵏ ⵜⵏⵖⵎⴰⵙⵜ ⴷⴼⴼⵉⵔ ⵏ ⵉⵎⴰⵏ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵎⴰⵙ ⵉⵙⵖⵣⵏ ⵓⵙⵇⵇⵉⵎ ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⴰⵄⴷ ⴷⴷⵉⵏ ⵍⵄⵜⵎⴰⵏⵉ ⵅⴼ ⵓⵙⵏⵜⵉ ⵏ ⵓⵎⵕⵚⵓⵎ ⵡⵉⵙⵙ 2.21.132 ⵍⵍⵉ ⵢⵙⵎⵏⵉⴷ ⵓⵎⴰⵡⵙⴰⵙ ⵏ ⵓⴳⵏⵙⵓ ⵉⵔⴰⵏ ⴰⵙⵖⵣⵣⵉⴼ ⵏ ⵓⵣⵎⵣ ⵏ ⵓⵣⵣⵉⴳⵔ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴳ ⴰⴽⴽⵯ ⴰⴽⴰⵍ ⴰⵏⴰⵎⵓⵔ ⵙⴳ ⴰⴽⵕⴰⵙ 10 ⵎⴰⵢⵢⵓ 2021 ⴳ ⵜⵙⵔⴰⴳⵜ ⵏ 06:00 ⵏ ⵜⴷⴳⴳⵯⴰⵜ ⴰⵔ ⵓⴽⵡⴰⵙ 10 ⵢⵓⵏⵢⵓ 2021 ⴳ ⵜⵙⵔⴰⴳⵜ ⵏ 06:00 ⴷⴼⴼⵉⵔ ⵏ ⵜⴷⴳⴳⵯⴰⵜ.

ⵉⵙⵓⵍ ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵓⵙⵏⵜⵉ ⵏ ⵓⵎⵕⵚⵓⵎ ⵢⵓⵛⴽⴰⵏ ⵜⵉⵔⴰⵜ ⵏ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵏ ⵜⵔⵏⵓⵏⵜ ⵏ ⵜⵔⵡⵉ ⴷ ⵉⵎⴰⴽⵏ ⵏ ⵉⵙⵡⵓⴷⴷⵓⵏ ⵉⵜⵜⵢⴰⵎⵣⵏ ⴷⴰⵜ ⵏ ⵓⵙⴼⵙⵔ ⵏ ⵓⴱⴰⵢⵢⵓⵕ "ⴽⵓⴼⵉⴷ-19".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%BD%E2%B5%93%E2%B4%BC%E2%B5%89%E2%B4%B7-19%E2%B4%B0%E2%B5%99%E2%B5%96%E2%B5%A3%E2%B5%A3%E2%B5%89%E2%B4%BC-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B5%8D-%E2%B4%B0%E2%B4%B7%E2%B5%93%E2%B5%99%E2%B4%B0%E2%B5%8F-%E2%B4%B0%E2%B5%94-10-%E2%B5%A2%E2%B5%93%E2%B5%8F%E2%B5%A2%E2%B5%93-2021%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C