ⵉⵔⵣⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵓⵏⴳⵔⴰⵡ ⵏ ⵓⵙⵉⵣⴷⴳ ⵏ ⵓⴳⵎⵎⴰⴹ ⴰⵥⵍⵎⴰⴹ ⵏ ⴱⵓⵔⴳⵔⴰⴳ ⴷ ⵡⵉⵏ ⵓⴳⴰⵔⵓ ⴰⵟⵍⴰⵏⵜⵢ

17 ⵢⵓⵍⵢⵓⵣ 2013 Version Imprimable

ⵕⵕⴱⴰⵟ - ⵉⵔⵣⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵜⴳⵔⴰⵡⵜ ⵜⴰⵖⵔⵎⴰⵏⵜ ⵢⵄⵇⵓⴱ ⵍⵎⵏⵚⵓⵕ (ⵜⴰⵎⵏⴱⴰⴹⵜ ⵏ ⵕⵕⴱⴰⵟ), ⵉ ⵢⴰⵏ ⵓⵏⴳⵔⴰⵡ ⵏ ⵓⵙⵉⵣⴷⴳ ⵏ ⵓⴳⵎⵎⴰⴹ ⴰⵥⵍⵎⴰⴹ ⵏ ⴱⵓⵔⴳⵔⴰⴳ ⴷ ⵡⵉⵏ ⵓⴳⴰⵔⵓ ⴰⵟⵍⴰⵏⵜⵢ.

ⴰⵙⵏⵜⵉ ⵢⴰⴷ, ⵍⵍⵉ ⵢⴳⴰⵏ ⴰⵜⵉⴳ ⵏⵏⵙ ⵓⴳⴳⴰⵔ ⵏ 950 ⵓⵎⵍⵢⵓⵏ ⵏ ⴷⴷⵔⵀⵎ, ⵉⵙⴽⵔ ⵙ ⵓⵎⵓⵏ ⵜⴰⵎⵙⵜⴳⴳⴰⵔⵜ ⵏ ⵓⵙⵡⵓⴷⴷⵓ ⴰⵎⴰⵔⵉ ⵏ ⵜⵉⵏⴰⴼⵓⵜⵉⵏ ⵏ ⴹⴹⵓ ⴷ ⵡⴰⵎⴰⵏ ⴷ ⵓⵙⵉⵣⴷⴳ ⵏ ⵜⵉⵎⴷⵉⵏⵉⵏ ⵏ ⵕⵕⴱⴰⵟ ⵙ ⵙⵍⴰ « ⵕⵉⴹⴰⵍ ».

ⴰⵎⵎⴰⵙ ⵏ ⵓⵙⵏⵜⵉ ⵢⴰⴷ, ⵜⵜⵓⵚⴽⴰ ⵢⴰⵏ ⵓⵙⵔⵙ ⵏ ⵓⵙⵎⴽⵍ ⵏ ⴷⴰⵜ, ⵍⵍⵉ ⵢⵕⵥⵎ ⵓⴳⵍⵍⵉⴷ ⴳ ⵓⵣⵎⵣⵣⵓ ⵢⴰⴷ.
ⵜⵍⴽⵎ ⵜⵥⵥⵉⴹⵕⴰ ⵏ ⵓⵙⵎⴽⵍ ⵏ ⵓⵙⵔⵙ ⵢⴰⴷ 520.000 ⴰⵎⵉⵜⵔⵓ ⴰⵎⵓⴽⵄⵄⴰⴱ ⴳ ⵡⴰⵙⵙ, ⵍⵍⵉ ⵔⴰⴷ ⵉⵔⴰⵔ ⵉ ⵢⵙⵙⴰⵔⵏ ⵏ 1.5 ⵓⵎⵍⵢⵓⵏ ⵏ ⵎⴷⴷⵏ.

ⴱⵍⴰ ⵏ ⵓⵙⵉⵣⴷⴳ ⴰⴷ, ⵜⵙⵙⵏⵜⵉ « ⵕⵉⴹⴰⵍ » ⵜⵉⵡⵓⵔⵉⵏ ⵏ ⵉⵎⵉⵔⵉ ⴷ ⵡⵉⵏ ⵓⵙⴷⵓⵙ ⵏ ⵓⵥⵟⵟⴰ ⵏ ⵓⵙⵎⵓⵏ ⵏ ⵡⴰⵎⴰⵏ ⵉⵙⵙⵎⵔⵙⵏ ⴳ ⵜⵉⵎⴷⵉⵏⵉⵏ ⵏ ⵕⵕⴱⴰⵟ ⴷ ⵜⵎⴰⵔⴰ ⵍⵍⵉ ⵢⵍⴽⵎ ⴰⵜⵉⴳ ⵏⵏⵙ 658 ⵓⵎⵍⵢⵓⵏ ⵏ ⴷⴷⵔⵀⵎ, ⵡⵍⴰ ⵢⴰⵏ ⵓⵥⵍⵎⴰⴹ ⵍⵍⵉ ⵜ ⵉⵔⵡⴰⵙⵏ ⴳ ⵓⴳⵎⵎⴰⴹ ⴰⴼⴰⵙⵙⵉ ⵏ ⴱⵓⵔⴳⵔⴰⴳ ⴷ ⵡⵉⵏ ⵏ ⵓⴳⴰⵔⵓ ⴰⵟⵍⴰⵏⵜⵢ (ⵙⵍⴰ ⴷ ⴱⵓⵇⵏⴰⴷⵍ).

Dernière modification : 17 ⵢⵓⵍⵢⵓⵣ 2013

Source URL: https://www.mapnews.ma/am/activites-royales/%E2%B5%89%E2%B5%94%E2%B5%A3%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89-%E2%B5%93%E2%B5%8F%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%93%E2%B5%99%E2%B5%89%E2%B5%A3%E2%B4%B7%E2%B4%B3-%E2%B5%8F-%E2%B5%93%E2%B4%B3%E2%B5%8E%E2%B5%8E%E2%B4%B0%E2%B4%B9-%E2%B4%B0%E2%B5%A5%E2%B5%8D%E2%B5%8E%E2%B4%B0%E2%B4%B9-%E2%B5%8F-%E2%B4%B1%E2%B5%93%E2%B5%94%E2%B4%B3%E2%B5%94%E2%B4%B0%E2%B4%B3-%E2%B4%B7-%E2%B5%A1%E2%B5%89%E2%B5%8F-%E2%B5%93%E2%B4%B3%E2%B4%B0%E2%B5%94%E2%B5%93#comment-0