ⴰⵙⵙⵓⵙⵄⵓ ⵏ ⵓⵙⵎⵉⵍ ⵉⵡⵜⵜⴰⵙⵏ ⵙ ⵓⴳⵣⵣⴰⵢ ⵎⴳⴰⵍ "ⴽⵓⴼⵉⴷ-19" ⵎⵔⴰ ⴰⴷ ⵉⵃⴱⵓ ⵉⵏⵎⵓⵔⵉⵏ ⵉⵟⵟⴰⴼⵏ ⴳⵔ 55 ⴷ 60 ⵓⵙⴳⴳⵯⴰⵙ (ⵜⴰⵎⴰⵡⴰⵙⵜ)

26 ⵉⴱⵔⵉⵔ 2021 Version Imprimable

ⵕⵕⴱⴰⵟ - ⵜⵙⴳⵓⵔⴰ ⵜⵎⴰⵡⴰⵙⵜ ⵏ ⵜⴷⵓⵙⵉ, ⴳ ⵍⴱⴷⵓ ⵏ ⴰⵙⴽⴽⴰ ⵏ ⵓⵙⵉⵏⴰⵙ, ⴰⴷ ⵜⵙⵙⵓⵙⵄⵓ ⵓⵙⵎⵉⵍ ⵏ ⵉⵡⵜⵜⴰⵙⵏ ⵙ ⵓⴳⵣⵣⴰⵢ ⴰⵏⴰⵎⵓⵔ ⵎⴳⴰⵍ "ⴽⵓⴼⵉⴷ-19" ⵎⵔⴰ ⴰⴷ ⵉⵃⴱⵓ ⵜⵏⴰⵎⵓⵔⵉⵏ ⴷ ⵉⵏⵎⵓⵔⵏ ⵉⵟⵟⴰⴼⵏ ⴳⵔ 55 ⴷ 60 ⵓⵙⴳⴳⵯⴰⵙ.

ⵜⴼⵔⴰ ⵜⵏⵏⴰ ⵜⵎⴰⵡⴰⵙⵜ, ⴳ ⵢⴰⵏ ⵓⵙⵉⵡⴹ ⵉⴼⴼⵖⵏ ⴰⵙⵙ ⵏ ⵓⵢⵏⴰⵙ, ⵎⴰⵙ ⵜⴽⵛⵎ ⵜⵎⵀⵍⴰ ⵏ ⵓⴳⵣⵣⴰⵢ ⴰⴷ ⴳ ⵓⵙⴰⵜⵉ ⵏ ⵓⵎⵣⵣⵉⵣⵍ ⴰⵏⴰⵎⵓⵔ ⵏ ⵓⴳⵣⵣⴰⵢ ⵎⴳⴰⵍ ⵏ ⵓⴼⵉⵔⵓⵙ "ⴽⵓⵕⵓⵏⴰ" ⴰⵎⴰⵢⵏⵓ, ⴷ ⵜⵖⵕⴰ ⴰⴽⴽⵯ ⵉⵏⵎⵓⵔⵏ ⴷ ⵜⵏⵎⵓⵔⵉⵏ ⵙⴳ ⵉⵙⵎⵍⵏ ⵉⵡⵜⵜⴰⵙⵏ ⴰⴷ ⵔⵏⵓⵏ ⵓⵍⵜⵖ ⵏⵏⵙⵏ ⴳ ⵜⵙⵡⴰⵔⵜ ⵜⴰⵏⴰⵎⵓⵔⵜ ⵜⴰⵎⵇⵕⴰⵏⵜ ⴰⴷ, ⴷ ⴰⵙ ⵓⵣⵏⵏ ⵢⴰⵜ ⵜⴱⵔⴰⵜ ⵉⵎⵥⵥⵉⵏ ⵙ ⵓⵟⵟⵓⵏ ⴰⴼⴰⴱⵓⵕ 1717 ⵏⵖⴷ ⴰⵎⵎⴰⵙ ⵏ ⵜⵡⵡⵓⵔⵜ ⴰⴼ ⴰⴷ ⵙⵙⵏⵏ ⴰⵏⵎⵓⵇⵇⴰⵔ ⴷ ⴰⵏⵙⴰ ⴰⵍⵉⴽⵟⵕⵓⵏⵉ ⵏ ⵓⴳⵣⵣⴰⵢ ⵉⵥⵍⵉⵏ ⴳⵉⵙⵏ : "www.liqahcorona.ma".

ⵜⵙⵓⵍ ⵜⵏⵏⴰ ⵜⵎⴰⵡⴰⵙⵜ ⵏ ⵜⴷⵓⵙⵉ ⵎⴰⵙ ⵉⵅⵚⵚⴰ ⴰⴷ ⵉⵔⵏⵓ ⵡⴼⴰⵔⴳ ⵏ ⵉⵎⴰⴽⵏ ⵏ ⵓⵃⵟⵟⵜⵓ ⴷⴰⵜ ⵏ ⵓⴱⴰⵢⵢⵓⵕ ⴰⴷ, ⵎⵔⴰ ⴰⴷ ⵜⵉⵍⵉ ⵜⴷⵔⴰⵡⵜ ⵉⵄⵍⴷⵏ ⴷⴰⵜ ⵏ ⵜⵓⴳⴳⴰⵣ ⵏ ⵓⵙⴱⵉⴷⴷ ⵏ ⵓⵙⴼⵙⵔ ⵏ ⵓⴼⵉⵔⵓⵙ, ⵙⵍⴰⵡⴰⵏ ⴰⴽⴽⵯ ⴷⴼⴼⵉⵔ ⵍⵍⵉⵖ ⵏⴰⵢⵏⵏⵜ ⵜⵍⵖⴰⵜⵉⵏ ⵜⵉⵎⴰⵢⵏⵓⵏ ⴳ ⵜⵎⴰⵣⵉⵔⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%99%E2%B5%93%E2%B5%99%E2%B5%84%E2%B5%93-%E2%B5%8F-%E2%B5%93%E2%B5%99%E2%B5%8E%E2%B5%89%E2%B5%8D-%E2%B5%89%E2%B5%A1%E2%B5%9C%E2%B5%9C%E2%B4%B0%E2%B5%99%E2%B5%8F-%E2%B5%99-%E2%B5%93%E2%B4%B3%E2%B5%A3%E2%B5%A3%E2%B4%B0%E2%B5%A2-%E2%B5%8E%E2%B4%B3%E2%B4%B0%E2%B5%8D-%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B5%8E%E2%B5%94%E2%B4%B0-%E2%B4%B0%E2%B4%B7-%E2%B5%89%E2%B5%83%E2%B4%B1%E2%B5%93-%E2%B5%89%E2%B5%8F%E2%B5%8E%E2%B5%93%E2%B5%94%E2%B5%89%E2%B5%8F-%E2%B5%89%E2%B5%9F%E2%B5%9F%E2%B4%B0%E2%B4%BC%E2%B5%8F-%E2%B4%B3%E2%B5%94-55-%E2%B4%B7