ⴰⵣⵣⵉⴳⵔ ⵏ ⵜⵙⵓⵔⴰⴼ ⵏ ⵓⵙⴳⴳⵓⵣ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ..ⵉⵖⵕⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴼⴰⴷ ⵏ ⵜⵜⵓⵖⵡⵍ ⵏ ⵜⵙⴰⵡⵔⵉⵏ ⵜⵉⵙⵜⵔⴰⵜⵉⵊⵉⵏ ⵉⵣⵡⵓⵔⵏ

21 ⵉⴱⵔⵉⵔ 2021 Version Imprimable

ⵕⵕⴱⴰⵟ - ⵉⵖⵕⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⵙⵄⴷ ⴷⴷⵉⵏ ⵍⵄⵜⵎⴰⵏⵉ ⴰⴼⴰⴷ ⵉⵍⵉⵏ ⵜⵓⴳⴳⴰⵣ ⴷ ⵓⵎⵎⵓⵙⵓ ⵏ ⴰⴽⴽⵯ ⵜⵥⴹⵕⵉⵏ ⵏ ⵓⵙⵔⵙ ⵏ ⴰⵃⴽⴰⵎ ⵏ ⵓⵙⵍⴳⴰⵏ ⴰⵎⵙⵙⴷⵓⵙ 16-26 ⵉⵣⵍⵉⵏ ⵙ ⵓⵣⵣⵣⵉⴳⵔ ⵏ ⵜⵙⵓⵔⴰⴼ ⵏ ⵓⵙⴳⴳⵓⵣ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⴰⵖⴰⵡⵍ ⵏ ⵜⵙⴰⵡⵔⵉⵏ ⵉⵣⵡⵓⵔⴰ ⵍⵍⵉ ⵍⵍⴰⵏⵜ ⴳⵉⵙ ⴳ ⵉⵅⴼⵏ ⵏⵏⵙⵏ ⵉⵙⴱⵢⵏ ⵏ ⵎⵛⵜⴰ ⵏ ⵉⴹⵕⵉⵚⵏ ⵏ ⵓⵣⵔⵉⴼ ⴷ ⵉⵙⵍⴳⴰⵏ ⵉⵅⵚⵚⴰⵏ ⴰⴷ ⵜⵎⵓⵏ ⴷ ⴰⵃⴽⴰⵎ ⵏ ⵓⵙⵍⴳⴰⵏ ⵓⵍⴰ ⴰⵙⴷⴰⵡ ⵏ ⵉⵙⵉⴷⴼ ⵏ ⵜⵓⵜⵍⴰⵢⵜ ⵏ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⴰⵙⵎⵎⵓⵜⴳ ⴷ ⵓⵔⵣⵣⵓ ⴰⵎⴰⵙⵙⵏ .

ⵉⵏⵏⴰ ⵎⴰⵙⵙ ⵍⵄⵜⵎⴰⵏⵉ ⵍⵍⵉ ⵉⵙⴰⵡⵍ ⴳ ⵢⴰⵜ ⵜⵙⴳⵓⵔⵉ ⵍⵍⵉⵖ ⵉⵙⵙⵉⵅⴼ ⵉⴹⵍⵍⵉ ⴰⵙⵙ ⵏ ⵓⵙⵉⵏⴰⵙ ⵖ ⵕⵕⴱⴰⵟ ⵓⴳⵔⴰⵡ ⴰⵎⵖⵍⴰⵍ ⵉⵜⵜⵓⵙⵎⴳⴰⵍⵏ ⵏ ⵓⴹⴼⴰⵕ ⴷ ⵓⵙⵓⵜⴳ ⵏ ⵓⵣⵣⵉⴳⵔ ⵏ ⵜⵙⵓⵔⴰⴼ ⵏ ⵓⵙⴳⴳⵓⵣ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵎⴰⵙ ⵜⴰⵙⴰⵡⵔⵜ ⵉⴷⵓⵔ ⵔⴰⴷ ⵉⵖⵔⵉ ⵓⴳⵔⴰⵡ ⵏ ⵜⵖⴰⵡⵙⵉⵡⵉⵏ ⵜⵉⵣⵔⴼⴰⵏ ⵉⵙⵎⵔⵙⵏ ⵉⵜⵜⵓⵙⴽⴰⵔⵏ ⴷⴰⵔ ⵏ ⵓⴳⵔⴰⵡ ⴰⵎⴰⵡⵙⴰⵙ ⵉⵏⵏⴰ ⵙⵓⵍ ⵉ ⴰⴳⵎⴰⵎⵏ ⵏ ⵉⴳⴳⵯⴰⵏ ⵉⴳⵍⴰ ⵜⵎⵜⵡⵉⵏ ⵍⵍⵉ ⵙⵓⵊⴷⵏ ⵜⵉⵔⵔⴰ ⵜⴰⵎⵖⵍⴰⵍⵜ ⴷ ⴰⵙⴳⴷⴷ ⵏⵏⵙ ⴷ ⵉⵙⵎⵓⵔⵏ ⵏⵏⵙⵏ ⵍⵍⵉ ⵔⴰⴷ ⵜⵜⵢⴰⵎⵣⵏ ⵏ ⵓⵙⵎⵓⵊⴷ ⵏ ⵜⵍⴳⴰⵎⵜ ⵏ ⵜⵏⵙⵙⵉⵅⵜ ⵜⴰⵎⵖⵍⴰⵍⵜ ⵏ ⵓⵡⵖⴰⵡⴰⵙ ⴰⵏⴱⴰⴹ ⵉⵙⵉⴷⴼⵏ .

ⵉⵔⵏⴰ ⵢⵉⵏⵏⴰ ⵎⴰⵙ ⵜⴼⵍⴰⵡⵉⵜ ⵏ ⵜⵏⵙⵙⵉⵅⴼⵜ ⵔⴰⴷ ⵜⵜⵓⵣⵕⵉ ⵏ ⵉⵙⵖⵍⵏ ⵉⵜⵜⵢⵓⵎⵣⵏ ⴳ ⵜⵎⵀⵍⴰ ⵏ ⵓⵎⵓⵏ ⴷ ⵓⴹⴼⴰⵕ ⴷ ⵓⵣⴷⵓⵢ ⴳ ⵜⵡⵓⵔⵉ ⵜⴰⴷⵍⵙⴰⵏⵜ ⵏ ⵓⴳⵔⴰⵡ ⴰⴷ ⵉⵖⵕⴰ ⵓⵙⵇⵇⵉⵎ ⴰⵏⴼⵍⵍⴰ ⵏ ⵓⵙⴳⵎⵉ ⴷ ⴰⵙⵎⵎⵓⵜⴳ ⴷ ⵓⵔⵣⵣⵓ ⴰⵎⴰⵙⵙⵏ ⵓⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⴷⵍⵙⴰ ⵜⴰⵎⴰⵣⵉⵖⵜ ⵙ ⵓⵎⴰⵔⵉ ⵙⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵓⵜⵍⴰⵢⵉⵏ ⴷ ⵜⴷⵍⵙⴰ ⵜⴰⵎⵖⵔⴰⴱⵉⵜ ⴷ ⵓⵏⵏⴰⵍ ⵏ ⵜⵓⴳⴳⴰⵣ ⵏ ⵉⴳⵔⵏ ⵜⵓⵏⴱⴰⴹⵉⵏ ⵓⵍⴰ ⴰⵙⵎⵏⵉⴷ ⵏ ⵉⵔⵉⵎ ⵉⵍⵍⴰⵏ ⴳ ⵉⴳⵔ ⵏ ⵓⵎⵏⵣⴰⵢ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%A3%E2%B5%A3%E2%B5%89%E2%B4%B3%E2%B5%94-%E2%B5%8F-%E2%B5%9C%E2%B5%99%E2%B5%93%E2%B5%94%E2%B4%B0%E2%B4%BC-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%93%E2%B5%A3-%E2%B5%8F-%E2%B5%9C%E2%B5%93%E2%B5%9C%E2%B5%8D%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C%E2%B5%89%E2%B5%96%E2%B5%95%E2%B4%B0-%E2%B5%A1%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B4%BC%E2%B4%B0%E2%B4%B7-%E2%B5%8F-%E2%B5%9C%E2%B5%9C%E2%B5%93%E2%B5%96%E2%B5%A1%E2%B5%8D-%E2%B5%8F