ⵡⵊⴷⴰ: ⴰⴼⵙⵙⴰⵢ ⵏ ⵢⴰⵜ ⵜⵖⵔⴰⵙⵜ ⵜⴰⴱⵔⵙⴳⴳⵯⴰⴷⵜ ⵉⵙⵎⴰⵏⵏ ⴽⴽⵓⵥ ⵏ ⵉⴼⵔⴷⵉⵙⵏ ⵉⵣⴷⵉⵏ ⴷ ⵎⴰ ⵎⵓ ⵢⵙⵎ "ⴰⵡⴰⵏⴽ ⵓⵙⵍⵉⵎ" (ⴰⵙⵉⵔⴰ ⴰⵏⴰⵎⵎⴰⵙ ⵏ ⵓⵙⴰⴳⴳⵯ ⴰⵣⵔⴼⴰⵏ)

25 ⵎⴰⵕⵚ 2021 Version Imprimable

ⵡⵊⴷⴰ - ⵉⵥⴹⴰⵕ ⵓⵙⵉⵔⴰ ⴰⵏⴰⵎⵎⴰⵙ ⵏ ⵓⵙⴰⴳⴳⵯ ⴰⵣⵔⴼⴰⵏ, ⵍⵍⵉ ⵢⴹⴼⴰⵕⵏ ⵉ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵉⴹⴰⴼ ⵏ ⵡⴰⴽⴰⵍ ⴰⵏⴰⵎⵓⵔ, ⴰⴷ ⵉⴼⵙⵉ, ⴳ ⵜⴼⴰⵡⵜ ⵏ ⴰⵙⵙ ⴰⴷ ⵏ ⵓⴽⵡⴰⵙ, ⵢⴰⵜ ⵜⵖⵔⴰⵙⵜ ⵜⴰⴱⵔⵙⴳⴳⵯⴰⴷⵜ ⵉⵙⵎⴰⵏⵏ ⴽⴽⵓⵥ ⵏ ⵉⴼⵔⴷⵉⵙⵏ ⵉⵟⵟⴰⴼⵏ ⴳⵔ 24 ⴷ 28 ⵓⵙⴳⴳⵯⴰⵙ ⴷ ⵉⵜⵎⵓⵙⵙⵓⵏ ⴳ ⵜⵖⵔⵎⵜ ⵏ ⵡⵊⴷⴰ ⴷ ⵉⵣⴷⵉⵏ ⴷ ⵎⴰ ⵎⵓ ⵢⵙⵎ "ⴰⵡⴰⵏⴽ ⵓⵙⵍⵉⵎ".

ⵉⵏⵏⴰ ⵓⵙⵉⵔⴰ ⴰⵏⴰⵎⵎⴰⵙ ⵏ ⵓⵙⴰⴳⴳⵯ ⴰⵣⵔⴼⴰⵏ, ⴳ ⵢⴰⵏ ⵓⵙⵉⵡⴹ, ⵎⴰⵙ ⵜⵓⵛⴽⴰⴷ ⵜⵎⵀⵍⴰ ⵢⴰⴷ ⴳ ⵓⵙⴰⵜⵉ ⵏ ⵜⵔⵏⵓⵜ ⵏ ⵜⵓⴳⴳⴰⵣ ⵉⵜⵜⵓⵙⴽⴰⵔⵏ ⴰⴼ ⴰⴷ ⵉⴽⴽⵯⵙ ⵉⵎⵉⵣⵉ ⴰⴱⵔⵙⴳⴳⵯⴰⴷ ⴷ ⴼⵙⵉⵏ ⵉⵙⴷⵓⵙⵏ ⵉⵟⵟⵕⴼⵏ ⵉⵔⴰⵏ ⴰⴷ ⵓⵜⵏ ⴰⵏⴳⵔⴰⵡ ⴰⵎⴰⵜⴰⵢ ⴷ ⵜⵏⴼⵔⵓⵜ ⴷ ⵓⴳⵣⵣⵓⵎ ⵏ ⵜⴳⵍⴷⵉⵜ.

ⵉⵏⵏⴰ ⵡⵙⵉⵡⴹ ⵎⴰⵙ ⵜⴼⵙⵉ ⵜⵖⵔⴰⵙⵜ ⵜⴰⴱⵔⵙⴳⴳⵯⴰⴷⵜ ⴰⴷ ⴷ ⴱⴷⴷⵏ ⵜⵖⴰⵡⵙⵉⵡⵉⵏ ⵉⵟⵟⵕⴼⵏ ⵍⵍⵉ ⴰⵔ ⵜⵃⵢⵢⴰⵍ ⴰⴷ ⵜⵙⴽⵔ, ⴷⴼⴼⵉⵔ ⵏ ⵓⵣⴷⴷⵓⵢ ⵉⵎⵇⵇⵓⵕⵏ ⵉⵙⵎⴰⵏⵏ ⴳⵔ ⵜⵏⴰⴼⵓⵜⵉⵏ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵉⵍⵍⵓⵍⵏ ⵏ ⵜⵏⵖⵎⴰⵙⵜ ⵜⴰⵎⴰⵔⵉⴽⴰⵏⵉⵜ, ⵎⴰ ⵢⴰⴷ ⵉⵎⵍⴰⵏ ⵢⴰⵜ ⵜⴽⵍⵉⵜ ⵢⴰⴹⵏⵉⵏ ⴰⴷⴷⵓⵔ ⵏ ⵓⵎⵢⴰⵡⴰⵙ ⴰⵎⴰⴹⵍⴰⵏ ⴳ ⵓⵙⴱⵉⴷⴷ ⵏ ⵉⵎⵉⵣⵉⵏ ⵉⴱⵔⵙⴳⴳⵯⴰⴷⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%A1%E2%B5%8A%E2%B4%B7%E2%B4%B0-%E2%B4%B0%E2%B4%BC%E2%B5%99%E2%B5%99%E2%B4%B0%E2%B5%A2-%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B5%96%E2%B5%94%E2%B4%B0%E2%B5%99%E2%B5%9C-%E2%B5%9C%E2%B4%B0%E2%B4%B1%E2%B5%94%E2%B5%99%E2%B4%B3%E2%B4%B3%E2%B5%AF%E2%B4%B0%E2%B4%B7%E2%B5%9C-%E2%B5%89%E2%B5%99%E2%B5%8E%E2%B4%B0%E2%B5%8F%E2%B5%8F-%E2%B4%BD%E2%B4%BD%E2%B5%93%E2%B5%A5-%E2%B5%8F-%E2%B5%89%E2%B4%BC%E2%B5%94%E2%B4%B7%E2%B5%89%E2%B5%99%E2%B5%8F-%E2%B5%89%E2%B5%A3%E2%B4%B7%E2%B5%89%E2%B5%8F-%E2%B4%B7-%E2%B5%8E%E2%B4%B0-%E2%B5%8E%E2%B5%93-%E2%B5%A2%E2%B5%99%E2%B5%8E-%E2%B4%B0%E2%B5%A1%E2%B4%B0%E2%B5%8F%E2%B4%BD