"ⴰⵎⵖⴰⵕ" ⵏ ⵓⵎⵙⵙⵓⴼⵖ ⴱⵓⵛⵄⵉⴱ ⵍⵎⵙⵄⵓⴷⵉ ⵢⵉⵡⵉ ⵜⴰⵙⵎⵖⵓⵔⵜ "ⵍⴼⵉⵍⵎ ⵓⵏⵜⵉⵎ ⴰⵎⵓⴼⴰⵢ ⵙ ⵜⵓⵜⵍⴰⵢⵜ ⵜⴰⴱⵕⵕⴰⵏⵉⵜ" ⴳ ⵓⵏⵎⵓⴳⴳⵯⴰⵔ ⴰⵎⴰⴹⵍⴰⵏ ⵏ ⴰⵢⵜ ⵙⵙⵉⵏⵉⵎⴰ ⴳ ⵍⵓⵏⴹⵓⵏ"

24 ⵎⴰⵕⵚ 2021 Version Imprimable

ⵕⵕⴱⴰⵟ - ⵢⵉⵡⵉ ⵍⴼⵉⵍⵎ ⵏ ⵓⵜⵉⵎ "ⴰⵎⵖⴰⵕ" ⵏ ⵓⵎⵙⵙⵓⴼⵖ ⴰⵎⵖⵔⴰⴱⵉ ⴱⵓⵛⵄⵉⴱ ⵍⵎⵙⵄⵓⴷⵉ ⵜⴰⵙⵎⵖⵓⵔⵜ "ⵍⴼⵉⵍⵎ ⵏ ⵓⵜⵉⵎ ⴰⵎⵓⴼⴰⵢ ⵙ ⵜⵓⵜⵍⴰⵢⵜ ⵜⴰⴱⵕⵕⴰⵏⵉⵜ" ⴳ ⴰⵏⵎⵓⴳⴳⵯⴰⵔ ⴰⵎⴰⴹⵍⴰⵏ ⵏ ⴰⵢⵜ ⵙⵙⵉⵏⵉⵎⴰ ⴳ ⵍⵓⵏⴹⵓⵏ 2021, ⵍⵍⵉ ⵢⵜⵜⵓⵙⵏⵎⴰⵍⴰⵏ ⵙⴳ 15 ⴰⵔ 19 ⵎⴰⵕⵚ ⴰⴷ.

ⵉⵏⵏⴰ ⵍⵎⵙⵄⵓⴷⵉ, ⴳ ⵢⴰⵜ ⵜⵙⴳⵓⵔⵉ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵎⴰⵙ ⵍⴼⵉⵍⵎ "ⴰⵎⵖⴰⵕ" (2020) ⵉⵙⴰⵡⵍ, ⴳ ⵍⴰⵃⵡⴰⵍ ⵏ 61 ⵜⵓⵙⴷⵉⴷⵜ, ⵅⴼ ⵓⵢⴷⴰ ⴰⴷⵍⵙⴰⵏ ⴰⵎⵖⵔⴰⴱⵉ ⴳ ⵜⵏⴼⴳⴰⵏⵜ "ⴰⵎⵖⴰⵕ" ⵍⵍⵉ ⵢⵙⴽⴰⵔⵏ ⵎⵛⵜⴰ ⵏ ⵜⵍⴰⵍⵉⵏ ⵏ ⵓⴼⵙⵙⴰⵢ ⵏ ⵜⵎⵓⴽⵔⵉⵙⵉⵏ ⵏ ⵎⴷⴷⵏ ⴷ ⵓⴱⴹⵓ ⵏ ⵓⵎⵏⵣⴰⵖ ⵉⵛⵇⵇⴰⵏ ⴳ ⵉⵙⵡⵉⵔⵏ ⵏ ⵜⴷⵎⵙⴰ ⴷ ⵜⵎⵙⵎⵓⵏⵜ.

ⵉⵏⵏⴰ ⵙⵓⵍ ⵍⵎⵙⵄⵓⴷⵉ ⵎⴰⵙ ⵍⴼⵉⵍⵎ ⵓⵜⵉⵎ ⵉⵙⵎⵏⵉⴷ ⵓⵍⴰ ⵜⵓⴷⵔⵜ ⵜⴰⵡⴰⵙⴰⵏⵜ ⵏ ⵎⴷⴷⵏ ⵉⵙⵏⵡⴰⵏ ⴷ ⵓⵔ ⵉⵙⵏⵡⴰⵏ, ⴷ ⵜⴼⵍⵙⴰⴼⵜ ⵏ ⵜⵓⴷⵔⵜ ⴰⵎⵎⴰⵙ ⵏ ⵜⵏⵥⵓⵥⵜ ⵏ "ⵓⵎⵖⴰⵕ", ⵎⴰ ⵢⴰⴷ ⵉⴳⴰⵏ ⵓⵔⴳⴰⵣ ⵉⵄⴷⵍⵏ ⴷ ⴰⵎⵣⵔⴼⴰⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B5%96%E2%B4%B0%E2%B5%95-%E2%B5%8F-%E2%B5%93%E2%B5%8E%E2%B5%99%E2%B5%99%E2%B5%93%E2%B4%BC%E2%B5%96-%E2%B4%B1%E2%B5%93%E2%B5%9B%E2%B5%84%E2%B5%89%E2%B4%B1-%E2%B5%8D%E2%B5%8E%E2%B5%99%E2%B5%84%E2%B5%93%E2%B4%B7%E2%B5%89-%E2%B5%A2%E2%B5%89%E2%B5%A1%E2%B5%89-%E2%B5%9C%E2%B4%B0%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%8D%E2%B4%BC%E2%B5%89%E2%B5%8D%E2%B5%8E-%E2%B5%93%E2%B5%8F%E2%B5%9C%E2%B5%89%E2%B5%8E-%E2%B4%B0%E2%B5%8E%E2%B5%93%E2%B4%BC%E2%B4%B0%E2%B5%A2-%E2%B5%99-%E2%B5%9C%E2%B5%93%E2%B5%9C%E2%B5%8D%E2%B4%B0%E2%B5%A2%E2%B5%9C