Published on MAPNews (https://www.mapnews.ma/am)

Accueil > ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

15 ⵎⴰⵕⵚ 2021 Version Imprimable
ⵕⵕⴱⴰⵟ - ⵔⴰⴷ ⵉⵎⵓⵏ, ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ, ⵢⴰⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵔⴰⴷ ⵉⵖⵔ ⵓⵙⵇⵇⵉⵎ, ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙⵏ ⵢⴰⵏ ⵓⵙⵏⵜⵉ ⵏ ⵓⵙⵍⴳⴰⵏ ⵉⴳⴳⵔⵏ ⵉ ⵜⵓⴽⴽⵔⴰ ⵏ ⵡⴰⴽⴰⵍ ⴰⴳⴷⵓⴷⴰⵏ ⵉⴹⴼⴰⵕⵏ ⵉ ⵓⵡⴰⵏⴽ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⴰⴷ ⵎⴰⵙ ⵔⴰⴷ ⵉⵔⵏⵓ ⵡⵙⵇⵇⵉⵎ ⵜⵡⵓⵔⵉⵡⵉⵏ ⵏⵏⵙ ⵙ ⵜⵖⵓⵔⵉ ⵏ ⴽⵕⴰⴹ ⵏ ⵉⵙⵏⵜⵉⵏ ⵏ ⵉⵎⵕⵚⵓⵎⵏ, ⴰⵎⵣⵡⴰⵔⵓ ⵉⵥⵍⵉ ⵙ ⵓⵣⵎⵎⴻⵎ ⴰⵙⴱⴱⴰⴱ ⵉⵍⵉⴽⵟⵕⵓⵏⵉ ⵙ ⵓⵙⵔⵙ ⵏ ⵜⵍⴳⴰⵎⵉⵏ ⵉⵥⵍⵉⵏ ⵙ ⵜⵎⵙⵙⴰⵔⵉⵏ ⴳ ⵓⴱⵔⵉⴷ ⵉⵍⵉⴽⵟⵕⵓⵏⵉ.

ⴰⵎⵎⴰⵙ ⵡⵉⵙⵙ ⵙⵉⵏ ⵉⵥⵍⵉ ⵙ ⵓⵙⵏⴼⵍ ⵏ ⵓⵎⵕⵚⵓⵎ ⵅⴼ ⵜⵖⴰⵡⵙⴰ ⵏ ⵜⵙⵏⵙⵉ ⵏ ⵓⵙⵍⴳⴰⵏ ⵉⵥⵍⵉⵏ ⵙ ⵜⵙⵙⵏⵉⴷ ⵏ ⵉⵙⴰⴳⵎⵏ, ⴷ ⵡⵉⵙⵙ ⴽⵕⴰⴹ ⵙ ⵜⵙⵏⵙⵉ ⵏ ⵓⵎⵕⵚⵓⵎ ⵏ ⵓⵙⵍⴳⴰⵏ ⵏ ⵓⵙⵔⵙ ⵏ ⵉⵙⵡⵓⴷⵓⵏ ⵉⵙⵍⴳⵏⵏ ⵙ ⵎⴷⴷⵏ ⵉⵜⵜⵡⵡⵓⵔⵉⵏ ⴷ ⵓⵍⵜⵖ ⵏ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵉⵙⴳⵓⵔⵉⵏ ⴷ ⴽⵔⴰ ⵏ ⵉⵎⵙⵡⵓⵔⵉⵏ ⵉⵙⵎⴰⵍⵏ ⴷ ⵎⴷⴷⵏ ⵓⵔ ⵉⵏⴼⵓⵔⵏ ⴷⴰⵔ ⵜⴼⵏⵉⵇⵜ ⵏ ⵉⵕⵥⴰⵏ ⵙⴳ ⵜⵍⴽⴰⵎⵉⵏ ⵏ ⵓⵙⴼⵙⵔ ⵏ ⵓⴱⴰⵢⵢⵓⵕ ⴽⵓⵕⵓⵏⴰ (ⴽⵓⴼⵉⴷ-19), ⵎⴰⴷ ⵉⵥⵍⵉⵏ ⵙ ⵉⴳⵔ ⵓⵙⵎⵍ ⵉⵥⵍⵉⵏ ⵙ ⵜⵙⵉⵎⵔⵉⵏ.

ⵔⴰⴷ ⵉⵇⵇⵏ ⵓⵙⵇⵇⵉⵎ ⵜⵡⵓⵔⵉⵡⵉⵏ ⵏⵏⵙ ⵙ ⵓⴹⴼ ⵏ ⵜⵎⵙⵙⵓⵔⵉⵏ ⵏ ⵓⵙⵜⴰⵢ ⴳ ⵉⵏⵙⴰⵏ ⵢⴰⵜⵜⵓⵢⵏ, ⵖⵉⴽ ⵍⵍⵉ ⵢⵏⵏⴰ ⵉⵎⵉⵔ ⵡⵉⵙⵙ 92 ⵙⴳ ⵓⴷⵓⵙⵜⵓⵔ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%A1%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-9