ⵉⵏⵙⴰⵏ ⵉⵎⴰⵣⵉⵖⵏ ⵙ "ⵜⴼⵉⵏⴰⵖ" : ⵉⵣⵎⵣⵏ ⵉⴳⴳⵓⵜⵏ ⵅⴼ ⵓⵙⴷⵓⵙ ⵏ ⵜⵉⵍⵉⵜ

09 ⵎⴰⵕⵚ 2021 - par : ⵢⵓⵔⴰ ⵜ : ⵍⵎⵚⵟⴰⴼⴰ ⵄⵢⵢⴰⵛ Version Imprimable

ⵕⵕⴱⴰⵟ - ⵏⴷⴷⵔ ⴳ ⵓⵣⵎⵣ ⵏ ⵜⵏⵖⵎⴰⵙⵜ ⵍⵍⵉⵖ ⴳⴳⵓⵜⵏ ⵉⵏⵖⵎⵉⵙⵏ, ⵙⵡⴰ ⵡⵉⵏⵏ ⵉⴼⵓⵍⴽⵉ ⵏⵖⴷ ⵉⵙⴽⵔⴽⵉⵙⵏ, ⵍⵍⵉ ⴷ ⵢⵓⵛⴽⴰⵏ ⵙⴳ ⴽⵔⴰ ⵢⴳⴰⵜⵜ ⵜⵙⴳⴰ. ⴳ ⵓⵙⴰⵜⵉ ⵢⴰⴷ, ⵍⵍⴰⵏ ⵉⵏⵙⴰⵏ ⵉⵍⵉⴽⵟⵕⵓⵏⵉⵏ ⵉⵎⴰⵣⵉⵖⵏ, ⵍⵍⵉ ⴰⵔ ⵣⵣⵔⵉⵏ ⵉⵏⵖⵎⵉⵙⵏ ⵙ ⵉⵙⴽⴽⵉⵍⵏ ⵏ ⵜⴼⵉⵏⴰⵖ, ⵎⵇⵇⴰⵕ ⵍⵍⵉⵖ ⴷⵔⵓⵜⵏ, ⴷ ⵔⴰⵏ ⴰⴼ ⴰⴼⵉⵏ ⴰⵏⵙⴰ ⵏⵏⵙⵏ ⴳ ⵉⵏⵙⴰⵏ ⵉⴷⵍⵙⴰⵏ ⴷ ⵉⵏⵖⵎⴰⵙⵏ ⵉⵏⴰⵎⵓⵔⵏ.

ⵎⵇⵇⴰⵕ ⵍⵍⵉⵖ ⵜⴳⴰ ⵜⵓⵜⵍⴰⵢⵜ ⵜⵎⴰⵣⵉⵖⵜ ⵜⴰⵎⴰⵢⵏⵓⵜ ⴳ ⵓⵙⵡⵉⵔ ⴰⵜⵉⴽⵏⵓⵍⵓⵊⵉ, ⵍⵍⴰⵏⵜ ⵜⵓⴳⴳⴰⵣ ⵍⵍⵉ ⵔⴰⵏⵜ ⴰⴷ ⵙⵔⵙⵏⵜ ⵜⵉⵔⵔⴰ ⵜⴰⵏⴰⵡⴰⵢⵜ ⵏ ⵜⵎⴰⵣⵉⵖⵜ ⵙⴳ ⵙⴳ ⵓⵙⴳⴳⵯⴰⵙ ⵏ 2003, ⴰⵎⵎ ⵉⵙⵏⵜⵉⵏ ⵏ ⵓⵙⴽⵍ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⵉⵔⴰⵏ ⴰⴷ ⴼⴽⵉⵏ ⵉ ⵜⵓⵜⵍⴰⵢⵜ ⴰⴷ ⴰⵏⵙⴰ ⴳ ⵓⵙⵉⵡⵔ ⵏ ⵜⵉⵜⵉⵇⵏⵉⵏ ⵜⵉⵜⵔⴰⵔⵉⵏ.

ⵜⵉⵙⵏⵉⵏ ⴰⵎⵎ "ⵜⵉⴼⵉⵏⴰⵖ ⵙ ⵜⴼⵔⴰⵔⵜ" ⴷ "ⴰⵎⴰⴹⴰⵍ ⴰⵎⴰⵣⵉⵖ" ⵉⴹⴼⴰⵕⵏ ⵉ ⵡⵖⵎⵉⵙ "ⴰⵎⴰⴹⴰⵍ ⴰⵎⴰⵣⵉⵖ", ⴷ "ⵎⴰⴱ ⴰⵎⴰⵣⵉⵖ" ⵉⴹⴼⴰⵕⵏ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵎⴰⴱ), ⵔⴰⵏ ⴽⵓⵍⵍⵓ ⴰⴷ ⴰⵡⵉⵏ ⴰⵙⵖⵏ ⴰⴽⴽⵯ ⵉⵎⵇⵇⵓⵕⵏ ⵏ ⵉⵎⵖⵔⵉⵏ ⵉⵙⴰⵡⴰⵍⵏ ⵙ ⵜⵎⴰⵣⵉⵖⵜ ⵏⵖⴷ ⵓⵍⵍⴰ ⵡⵉⵏⵏ ⵍⵍⵉ ⵓⵔ ⵜ ⵉⵙⴰⵡⴰⵍⵏ, ⴰⴼ ⴰⴷ ⵙⵙⵏⵏ ⵜⵓⵙⵙⵏⴰ ⵜⵎⴰⵣⵉⵖⵜ ⵙ ⵉⵙⴽⴽⵉⵍⵏ ⵉⵜⴰⵔⴰⵔⵏ ⴷ ⵉⵙⵉⴳⵍⵏ ⵏⵏⵙ "ⵜⵉⴼⵉⵏⴰⵖ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8F%E2%B5%99%E2%B4%B0%E2%B5%8F-%E2%B5%89%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%8F-%E2%B5%99-%E2%B5%9C%E2%B4%BC%E2%B5%89%E2%B5%8F%E2%B4%B0%E2%B5%96-%E2%B5%89%E2%B5%A3%E2%B5%8E%E2%B5%A3%E2%B5%8F-%E2%B5%89%E2%B4%B3%E2%B4%B3%E2%B5%93%E2%B5%9C%E2%B5%8F-%E2%B5%85%E2%B4%BC-%E2%B5%93%E2%B5%99%E2%B4%B7%E2%B5%93%E2%B5%99-%E2%B5%8F-%E2%B5%9C%E2%B5%89%E2%B5%8D%E2%B5%89%E2%B5%9C