ⵉⵙⴼⵓⴳⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⴰⵙⵙ ⴰⴳⵔⵖⵍⴰⵏ ⵏ ⵜⵎⵖⴰⵕⵜ ⴷⴷⵓ ⵏ ⵓⴱⵓⵔⵣ "ⴰⵙⵏⴼⵍⵓⵍ ⴰⴷⵍⵙⴰⵏ ⴰⵎⴰⵣⵉⵖ ⵙⴳ ⵜⵙⴳⴰ ⵏ ⵜⵡⵜⵎⵜ"

08 ⵎⴰⵕⵚ 2021 Version Imprimable

ⵕⵕⴱⴰⵟ - ⵉⵙⴼⵓⴳⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⵙⵙ ⵏ ⵓⵢⵏⴰⵙ, ⴰⵙⵙ ⴰⴳⵔⵖⵍⴰⵏ ⵏ ⵜⵎⵖⴰⵕⵜ ⴷⴷⵓ ⵏ ⵓⴱⵓⵔⵣ "ⴰⵙⵏⴼⵍⵓⵍ ⴰⴷⵍⵙⴰⵏ ⴰⵎⴰⵣⵉⵖ ⵙⴳ ⵜⵙⴳⴰ ⵏ ⵜⵡⵜⵎⵜ", ⴳ ⵓⵙⴰⵜⵉ ⵏ ⵓⴼⴰⵔⴽ ⵏ ⵉⵎⴰⴽⵏ ⵏ ⵓⵃⵟⵓ ⵉⵜⵜⵓⴹⴼⴰⵕⵏ ⴷⴰⵜ ⵏ ⵓⵙⴼⵙⵔ ⵏ ⵓⴱⴰⵢⵢⵓⵕ "ⴽⵓⵕⵓⵏⴰ".

ⵉⵔⴰ ⵓⵙⴼⵓⴳⵍⵓ ⵢⴰⴷ, ⵍⵍⵉ ⵢⵎⴰⵏⵏ ⴷ ⴰⵙⵙ ⵏ 8 ⵎⴰⵕⵚ ⴷ ⵍⵍⵉ ⵢⵎⵢⴰⵔ ⵓⵙⵉⵏⴰⴳ ⴰⴷ ⵉⵙⴽⴰⵔ ⴽⵔⴰ ⵢⴳⴰⵜⵜ ⵓⵙⴳⴳⵯⴰⵙ, ⴰⴷ ⵉⵙⵙⵏ ⵙ ⵜⵓⴳⴳⴰⵣ ⵍⵍⵉ ⴰⵔ ⵙⴽⴰⵔⵏⵜ ⵜⵎⵖⴰⵔⵉⵏ ⴳ ⵜⵡⵓⵔⵉⵡⵉⵏ ⵏⵏⵙⵏⵜ.

ⵜⵙⵏⵓⴱⴳ ⵜⵙⵓⵜⵍⵜ ⵏ ⵓⵙⴳⴳⵯⴰⵙ ⴰⴷ ⵜⴰⴽⴰⴷⵉⵎⵉⵜ ⴷ ⵜⵙⵍⵎⴰⴷⵜ ⵜⴰⵎⵙⴷⴰⵡⵉⵜ ⵎⴰⵙⵙⴰ ⵄⵉⵛⴰ ⴱⵍ ⵄⵕⵄⴱⵉ, ⵍⵍⵉ ⵢⵜⴰⵡⵙⵙⴰⵏⵏ ⵙ ⵜⵓⴳⴳⴰⵣ ⵏⵏⵙ ⵅⴼ ⵜⵏⴰⴼⵓⵜ ⵏ ⵜⵎⵖⴰⵕⵜ ⴳ ⵉⴳⵔ ⴰⴽⴰⴷⵉⵎⵉ ⵓⵍⴰ ⴰⵙⴳⵎⴰⵏ. ⵜⵜⵓⵙⵎⵖⴰⵔⵏⵜ ⵙⵓⵍ ⴳ ⵜⴼⵓⴳⵍⴰ ⵢⴰⴷ ⵜⵉⵏⴰⵥⵓⵕⵉⵏ ⴷ ⵜⵉⵙⵎⴰⴷⵢⴰⵏⵉⵏ ⵙⴰⵄⵉⴷⴰ ⵉⴱⵓⴷⴰ, ⴷ ⵎⵔⵢⵎ ⵙⵙⴰⵍⵎⵉ, ⴷ ⵜⵓⵔⵉⵢⵢⴰ ⴱⵓⵀⴰⵍⵉ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%93%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B0%E2%B5%99%E2%B5%99-%E2%B4%B0%E2%B4%B3%E2%B5%94%E2%B5%96%E2%B5%8D%E2%B4%B0%E2%B5%8F-%E2%B5%8F-%E2%B5%9C%E2%B5%8E%E2%B5%96%E2%B4%B0%E2%B5%95%E2%B5%9C-%E2%B4%B7%E2%B4%B7%E2%B5%93-%E2%B5%8F-%E2%B5%93%E2%B4%B1%E2%B5%93%E2%B5%94%E2%B5%A3-%E2%B4%B0%E2%B5%99%E2%B5%8F%E2%B4%BC%E2%B5%8D%E2%B5%93%E2%B5%8D