Published on MAPNews (https://www.mapnews.ma/am)

Accueil > "ⴰⵎⵕⵉⴽ", ⵜⴰⵎⵙⵎⵓⵏⵜ ⵜⴰⵎⴰⵣⵉⵖⵜ ⵜⴰⵎⵣⵡⴰⵔⵓⵜ ⴳ ⵍⵎⵖⵔⵉⴱ ⵜⴳⵔⴰⵡⵍ

"ⴰⵎⵕⵉⴽ", ⵜⴰⵎⵙⵎⵓⵏⵜ ⵜⴰⵎⴰⵣⵉⵖⵜ ⵜⴰⵎⵣⵡⴰⵔⵓⵜ ⴳ ⵍⵎⵖⵔⵉⴱ ⵜⴳⵔⴰⵡⵍ

25 ⴱⵕⴰⵢⵕ 2021 - par : = ⵢⵓⵔⴰ ⵜ : ⵎⵚⵟⴰⴼⴰ ⵙⵙⴳⵏⴼⵍ = Version Imprimable
ⵕⵕⴱⴰⵟ - ⵉⴳⴰ ⵡⴳⵔⴰⵡ ⵏ ⵍⵎⵖⵔⵉⴱ ⵏ ⵉⵙⵉⴳⴳⵍⵏ ⴷ ⵉⵙⵏⴼⵍⵏ ⵏ ⵜⵓⵙⵙⵏⴰ (ⴰⵎⵕⵉⴽ) ⵜⴰⵏⵎⴰⵍⴰⵢⵜ ⵓⴳ ⵉⴳⴰⵏ ⵜⵎⵏⴱⴰⴹⵜ ⵜⴰⵎⴰⵣⵉⵖⵜ ⵜⴰⵎⵣⵡⴰⵔⵓⵜ ⴳ ⵍⵎⵖⵔⵉⴱ, ⴷ ⵜⵓⵙⵙⴰⵏⵏ ⴱⴰⵀⵔⴰ, ⴳ ⵉⵙⴳⴳⵯⴰⵙ ⵉⵖⵣⵣⵉⴼⵏ ⵍⵍⵉⵖ ⵜⵍⵍⴰ, ⴰⵎⵎⴰⵙ ⵏ ⵓⵙⴷⵓⵙ ⵏ ⵜⵎⴰⴳⵉⵜ ⵜⴰⵏⴰⵎⵓⵔⵜ ⵉⴱⵉⴷⴷⵏ ⵅⴼ ⵓⵎⵢⴰⵏⴰⵡ.

ⵉⵍⵓⵍ ⵓⴳⵔⴰⵡ ⵏ ⵍⵎⵖⵔⵉⴱ ⵏ ⵉⵙⵉⴳⴳⵍⵏ ⴷ ⵉⵙⵏⴼⵍⵏ ⵏ ⵜⵓⵙⵙⵏⴰ ⴳ ⵏⵓⵡⴰⵏⴱⵉⵔ 1968 ⵙ ⵜⵙⵏⵜⴰⵢⵜ ⵏ ⵓⵎⵇⵕⴰⵏ ⵏ ⵓⵎⵓⵙⵙⵓ ⴰⴷⵎⵙⴰⵏ ⴰⵎⴰⵣⵉⵖ ⴰⵎⵖⵔⴰⴱⵉ, ⵉⴳⵍⵍⵉⵏ ⴱⵕⴰⵀⵉⵎ ⴰⵅⵢⵢⴰⵟ. ⵎⴰⵛ ⴳ ⵉⵙⴳⴳⵯⴰⵙⵏ ⵉⵣⵔⵉⵏ ⴰⴷ, ⵓⵔ ⵙⵓⵍ ⴱⴰⵀⵔⴰ ⵜⴱⴰⵢⵏ ⵜⵡⵓⵔⵉ ⵏ ⵜⵎⵙⵎⵓⵏⵜ ⴰⴷ. 

ⴳ ⵢⴰⵜ ⵜⵙⴳⵓⵔⵉ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵉⵏⵏⴰ ⵡⵏⵙⵙⵉⵅⴼ ⵏ "ⴰⵎⵕⵉⴽ", ⵄⵉⵎⴰⴷ ⵎⵏⵢⴰⵔⵉ, ⵎⴰⵙ ⴰⵙⴽⵉ ⵢⴰⴷ ⵢⵛⵓⴽⴰⴷ ⴷⴼⴼⵉⵔ ⵏ ⵎⵏⵏⴰⵡ ⵏ ⵜⵎⵓⴽⵔⵉⵙⵉⵏ ⵍⵍⵉ ⵢⵙⵙⵏ "ⴰⵎⵕⵉⴽ" ⴷⴼⴼⵉⵔ ⵍⵍⵉⵖ ⵉⵎⵕⵕⵉⴹ ⵓⵏⵙⵙⵉⵅⴼ ⵏⵏⵙ ⵉⴳⵍⵍⵉⵏ ⴱⵕⴰⵀⵉⵎ ⴰⵅⵢⵢⴰⵟ ⴷ ⵉⴼⴼⵖ ⵙⴳ ⵓⵏⵙⴰ ⴰⴳⴷⵓⴷⴰⵏ ⵙⴳ ⵓⵙⴳⴳⵯⴰⵙ ⵏ 2010.

ⵎⵇⵇⴰⵕ ⵍⵍⵉⵖ ⵍⵍⴰⵏ ⵜⵎⵓⴽⵔⵉⵙⵉⵏ ⴷⴼⴼⵉⵔ ⵏ ⵉⵙⴽⴽⵉⵏ ⵓⵔ ⵉⵃⵍⴰⵏ ⴰⴷ, ⵉⵥⴹⴰⵕ "ⴰⵎⵕⵉⴽ" ⴰⴷ "ⵉⵇⵇⴰⵎⴰ ⴰⵎⵎⴰⵙ ⵏ ⵉⵣⵎⵣⵏ ⵉⴷⴷⵓⵔⵏ ⵉ ⵡⵎⵓⵙⵙⵓ ⴰⵎⴰⵣⵉⵖ", ⵎⴰ ⵢⴰⴷ ⵙⵓⵍ ⵉⵏⵏⴰ ⵎⴰⵙ ⵎⵏⵢⴰⵕⵉ.

ⴱⵍⴰ ⵏ ⵖⵉⴽⴰⵏ, ⵉⵙⵎⴰⵢⵏⵓ "ⴰⵎⵕⵉⴽ" ⴰⵙⴷⵓⵙ ⵏ ⵜⵏⵙⵙⵉⵅⴼⵜ ⵏⵏⵙ, ⵍⵍⵉⵖ ⵉⵙⵜⴰ ⴰⵙⵉⵔⴰ ⴰⵏⴰⵎⵓⵔ ⴰⵎⴰⵢⵏⵓ ⵏⵏⵙ ⴳ ⴽⵟⵓⴱⵕ 2020 ⴳ ⵕⵕⴱⴰⵟ, ⵎⴰ ⵢⴰⴷ ⵉⵙⵎⴰⵏⵏ ⵉⵄⵔⵔⵉⵎⵏ ⴷ ⵉⵙⴰⵜⵉⵏ ⴷ ⵎⵛⵜⴰ ⵏ ⵉⵏⴼⴳⴰⵏ ⵉⵜⵜⵢⵓⵙⵙⴰⵏⵏ ⵏ ⵜⵎⵙⵎⵓⵏⵜ. 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B5%95%E2%B5%89%E2%B4%BD-%E2%B5%9C%E2%B4%B0%E2%B5%8E%E2%B5%99%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%9C%E2%B4%B3%E2%B5%94%E2%B4%B0%E2%B5%A1%E2%B5%8D