Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ, ⵉⵙⵙⵉⵅⴼ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵏⴰⵜ ⴳ ⵓⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ, ⵉⵙⵙⵉⵅⴼ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵏⴰⵜ ⴳ ⵓⵢⵢⵓⵔ ⵏ ⵕⵎⴹⴰⵏ

13 ⵢⵓⵍⵢⵓⵣ 2013 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵏⴰⵜ ⵏ ⵓⵢⵢⵓⵔ ⵏ ⵕⵎⴹⴰⵏ.

ⵉⵙⵎⵓⵙⵙⵓ ⵜⴰⵎⵙⵙⵉⵔⴷⵜ ⴰⴷ ⵛⵉⵅ ⵛⴰⵡⵇⵉ ⵄⵍⵍⴰⵎ, ⵍⵎⵓⴼⵜⵉ ⵏ ⵜⴳⴷⵓⴷⴰⵏⵜ ⵜⴰⵄⵕⴰⴱⵜ ⵏ ⵎⵉⵚⵕⴰ, ⵅⴼ ⵓⵙⴳⵓⵎ « ⵜⴰⵙⵇⵇⵏⵜ ⴳⵔ ⵍⵎⵓⵄⴰⵎⴰⵍⴰⵜ ⴷ ⵜⵉⵖⴰⵔⵉⵡⵉⵏ ».

ⵉⵏⵏⴰ ⵛⵉⵅ ⵛⴰⵡⵇⵉ ⵄⵍⵍⴰⵎ ⵉⵙ ⵓⵛⴽⴰⵏ ⵔⵔⵓⵙⵓⵍ ⵏ ⵔⴱⴱⵉ ⴰⴼⴰⴷ ⴰⴷ ⵎⵍⵏ ⵉ ⵎⴷⴷⵏ ⵜⵉⵖⴰⵔⵉⵡⵉⵏ ⵉⵛⵏⴰⵏⵉⵏ. ⴼ ⵖⵉⴽⴰⵏⵏ, ⵉⴼⴽⴰ ⵍⵉⵙⵍⴰⵎ ⵢⴰⵏ ⵓⴷⵖⴰⵔ ⵉⵎⵇⵇⵓⵕⵏ ⵉ ⵜⵉⵖⴰⵔⵉⵡⵉⵏ ⵍⵍⵉ ⴳⴰⵏ ⵜⴰⵙⵉⵍⴰ ⵏ ⵛⵛⴰⵔⵉⵄⴰ.

ⵉⵔⵏⵓ ⵢⵏⵏⴰ ⵉⵙ ⵉⵏⵏⴰ ⵍⵇⵓⵕⴰⵏ ⵡⵍⴰ ⵍⵄⵓⵍⴰⵎⴰ ⵉⵙ ⵢⵉⵡⵉ ⵡⵎⵢⴰⵙⵙⴰ ⵍⵍⵉ ⵢⵍⵍⴰⵏ ⴳⵔ ⵍⵎⵓⵄⴰⵎⴰⵍⴰⵜ ⵉⵥⵕⴼⴰⵏ ⴷ ⵜⵉⵖⴰⵔⵉⵡⵉⵏ ⵢⴰⵏ ⵓⵎⵙⴰⵙⴰ ⴳⵔ ⵜⴰⵙⵢⴰⴼⵓⵜ ⴷ ⵜⴰⵏⵙⵎⵓⵔⵜ.

ⴰⵙⵉⴽⵉ ⵏ ⵉⵜⵉⴳⵏ ⴷ ⵜⵉⵖⴰⵔⵉⵡⵉⵏ ⴰⵔⴷ ⵉⵜⵜⴰⵡⵉ ⵜⴰⵎⵔⵏⵉⵡⵜ ⵏ ⴽⵓⵍⵍⵓ ⵎⴰ ⵢⵅⵛⵏⵏ, ⵣⵓⵏⴷ ⵜⴰⴽⵏⵏⴹⵜ ⵜⴰⵙⵔⵜⴰⵏⵜ ⴷ ⵜⴰⵏⴰⵎⵓⵏⵜ ⴷ ⵓⵔⴽⴽⵯⵉⴷ ⴷ ⵓⵙⵙⵉⴽⵉ ⵏ ⵓⵎⵙⵓⵔⵓⴼ.

ⴰⵎⵎⴰⵙ ⵏ ⵜⵉⵎⵉⵣⴰⵔ ⵍⵍⵉ ⵓⵔ ⴳⵉⵏ ⵉⵎⵓⵙⵍⵎⵏ, ⵣⵓⵏⴷ ⵡⵉⵍⵍⵉ ⵏ ⵜⴰⴳⵓⵜ ⵍⵍⵉ ⵓⵔ ⵙⵙⵉⵏ ⵜⵉⵖⴰⵔⵉⵡⵉⵏ ⵏ ⵍⵉⵙⵍⴰⵎ ⴰⵛⴽⵓ ⴹⴼⴰⵕⵏ ⵉⵜⵉⴳⵏ ⵉⵎⴰⵜⵜⵉⵡⵏ, ⵉⴳⴳⵓⵜ ⵓⴱⴽⴽⵉⴹ ⴷ ⵜⵉⵙⵙⴰⵙⵜⵉⵏ ⵜⴷⴰⵎⵙⴰⵜⵉⵏ ⴷ ⵉⵥⵕⴼⴰⵏ, ⵎⴰⵢⴰⴷ ⵉⵏⵏⴰ ⵛⵉⵅ ⵄⵍⵍⴰⵎ.

ⵅ ⵖⵉⴽⴰⵏⵏ ⴰⴷ ⵙⴰⵡⴰⵍⵏ ⵉⵡⵏⴳⵉⵎⵏ ⵏ ⵜⵎⵉⵣⴰⵔ ⴰⴷ ⵅⴼ ⴰⴷⵡⴰⵍ ⵙ ⵉⵜⵉⴳⵏ ⵜⵉⵖⴰⵔⵉⵡⵉⵏ.

ⵍⵍⵉⵖ ⵜⵎⵎⴰ ⵜⴰⵎⵙⵙⵉⵔⴷⵜ ⴰⴷ, ⵉⵣⵣⵓⵍ ⵛⵉⵅ ⵛⴰⵡⵇⵉ ⵄⵍⵍⴰⵎ, ⵍⵎⵓⴼⵜⵉ ⵏ ⵜⴳⴷⵓⴷⴰⵏⵜ ⵜⴰⵄⵕⴰⴱⵜ ⵏ ⵎⵉⵚⵕⴰ, ⴷ ⵎⵏⵏⴰⵡ ⵏ ⵍⵄⵓⵍⴰⵎⴰ ⵏ ⵓⵎⴰⴹⵍ ⴰⵎⵓⵙⵍⵎ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ.

ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⵎⴰⵙⵙ ⵃⵎⴷ ⵜⵓⴼⵉⵇ, ⴰⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵎⵙⴰⵔⵜⵉⵏ ⵏ ⵍⵉⵙⵍⴰⵎ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵙⵓⵙⵔ ⵏ ⵍⵇⵓⵕⴰⵏ « ⵍⵎⵓⵚⵃⴰⴼ ⵍⵎⵓⵃⵎⵎⴰⴷⵉ» ⵍⵍⵉ ⵖⵕⴰⵏ ⵎⵏⵏⴰⵡ ⵏ ⵟⵟⵍⴱⴰ.

 

Dernière modification : 13 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8F%E2%B4%B0%E2%B5%9C-%E2%B4%B3-%E2%B5%93%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F#comment-0