ⴰⵙⵔⵙ ⵏ ⵓⵖⴰⵡⴰⵙ ⵏ ⵓⴱⵔⵉⴷ ⵏ ⵜⵎⴷⵔⴰⵡⵜ ⴳⵔ "ⵉⵙⵉⵙⴽⵓ" ⴷ "ⵍⴰⵎⴰⴱ"

18 ⴱⵕⴰⵢⵕ 2021 Version Imprimable

ⵕⵕⴱⴰⵟ - ⵉⵎⴰⵏ ⵓⴳⵔⴰⵡ ⵉⵛⵛⴰⵔⵏ ⴳⵔ ⵜⵎⴰⴷⴷⴰⵙⵜ ⵜⴰⵎⵓⵙⵍⵎⵜ ⵏ ⵓⵙⴳⵎⵉ ⴷ ⵜⵎⴰⵙⵙⴰⵏⵉⵏ ⴷ ⵜⴷⵍⵙⴰ (ⵉⵙⵉⵙⴽⵓ) ⴷ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⴰⵙⵙ ⵏ ⵓⴽⵡⴰⵙ ⵖ ⵕⵕⴱⴰⵟ, ⴳ ⵢⴰⵜ ⵜⵙⵎⵓⵏⵉ ⵏ ⵓⵣⴷⵓⵢ ⵉⵥⵍⵉⵏ ⵙ ⵓⵙⵔⵙ ⵏ ⵉⵥⵕⵉⴳⵏ ⵏ ⵓⴱⵔⵉⴷ ⵏ ⵓⵎⵢⴰⵡⴰⵙ ⴳⵔ ⵜⵎⴰⴷⴷⴰⵙⵜ ⴷ ⵜⵙⵏⵓⵕⴰⵢⵜ.

ⵜⴽⵛⵎ ⵜⵙⵎⵓⵏⵉ ⵢⴰⴷ ⴳ ⵓⵙⴰⵜⵉ ⵏ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⴳⵔ ⵙⵏⴰⵜ ⵜⴼⵓⵍⵉⵏ ⵍⵍⵉ ⵙⴳⵎⴹ ⴼⵍⵍⴰⵜ ⴷⴷⵓⴽⵟⵓⵕ ⵙⴰⵍⵎ ⴱⵏ ⵎⵓⵃⵎⵎⴷ ⵍⵎⴰⵍⴽ, ⴰⵏⵎⵀⴰⵍ ⴰⵎⴰⵜⴰⵢ ⵏ "ⵉⵙⵉⵙⴽⵓ", ⴷ ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵉⴷⵔⵉⵙⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ, ⴳ ⴰⵙⵙ ⵡⵉⵙⵙ ⵜⴰⵎ ⵏ ⴼⴱⵕⴰⵢⵕ ⴰⴷ.

ⴳ ⵜⵙⵎⵓⵏⵉ ⵢⴰⴷ ⵉⵜⵜⵓⵙⴽⴰⵔⵏ ⴳ ⵓⵙⵖⵉⵎ ⵏ ⵜⵎⴰⴷⴷⴰⵙⵜ ⵏ "ⵉⵙⵉⵙⴽⵓ", ⵎⴹⴰⴽⴰⵕⵏ ⵉⴳⵎⴰⵎⵏ ⵏ ⵓⴳⵔⴰⵡ ⵅⴼ ⵜⵙⵓⵎⵔⵉⵏ ⵏ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⴼⵓⵍⵉⵏ, ⴷ ⵎⵙⴰⵙⴰⵏ ⴰⴷ ⴱⴷⵓⵏ ⴷⵖⵢⴰ ⴰⵙⵔⵙ ⵏ ⵓⵖⴰⵡⴰⵙ ⵏ ⵓⵣⵣⵉⴳⵔ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵓⵙⵎⵓⵜⵜⴳ ⴷ ⵜⵓⵚⴽⴰ ⵏ ⵜⵥⵉⴹⵕⴰ ⵏ ⵉⵏⵖⵎⴰⵙⵏ ⵙⴳ ⵍⵎⵖⵔⵉⴱ ⴷ ⵉⵡⴰⵏⴽⵏ ⵉⴳⵎⴰⵎⵏ ⵏ ⵍⵉⵙⵉⵙⴽⵓ, ⴷ ⵓⵙⵔⵙ ⵏ ⵓⵖⴰⵡⴰⵙ ⵏ ⵜⵙⵓⵜⵍⵜ ⵜⴰⵙⵓⵎⵏⵜ ⵜⴰⵎⵣⵡⴰⵔⵓⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%94%E2%B5%99-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%93%E2%B4%B1%E2%B5%94%E2%B5%89%E2%B4%B7-%E2%B5%8F-%E2%B5%9C%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B4%B3%E2%B5%94-%E2%B5%89%E2%B5%99%E2%B5%89%E2%B5%99%E2%B4%BD%E2%B5%93-%E2%B4%B7-%E2%B5%8D%E2%B4%B0%E2%B5%8E%E2%B4%B0%E2%B4%B1