ⵙⵍⴰ :ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵥⵕⵓ ⴰⵎⵣⵡⴰⵔⵓ ⵏ ⵢⴰⵏ ⵓⴷⴷⵉⵙ ⴰⴷⵍⵙⴰⵏ ⴷ ⴰⵎⵙⵙⵓⴳⵓⵔ ⵏ ⵜⵎⴰⵡⴰⵙⵜ ⵏ ⵍⵃⴰⴱⵓⵙ

12 ⵢⵓⵍⵢⵓⵣ 2013 Version Imprimable

ⵙⵍⴰ - ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵙⵍⴰ ⴰⵥⵕⵓ ⴰⵎⵣⵡⴰⵔⵓ ⵏ ⵢⴰⵏ ⵓⴷⴷⵉⵙ ⴰⴷⵍⵙⴰⵏ ⴷ ⴰⵎⵙⵙⵓⴳⵓⵔ ⵏ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵉⵎⵙⴰⵔⵉⵏ ⵏ ⵍⵉⵙⵍⴰⵎ.

ⵜⴰⵎⵙⴰⵙⵜⵍⵜ ⵏ ⵓⵙⵏⵜⵉ ⴰⴷ ⵜⵍⴽⵎ 56 ⵏ ⵓⵎⵍⵢⵓⵏ ⵏ ⴷⴷⵔⵀⵎ.

ⵔⴰⴷ ⵉⵜⵜⵓⵚⴽⴰ ⴰⴷⴷⵉⵙ ⴰⴷ ⴳ 24 ⵏ ⵓⵢⵢⵓⵔ, ⴷ ⵔⴰⴷ ⵢⴰⵎⵥ ⵏ ⵢⴰⵜ ⵜⵉⵔⵉⵡⵜ ⵏ 8.700 ⵎⵉⵜⵔⵓ ⴰⵎⴽⴽⵓⵥ (6.750 ⵎⵉⵜⵔⵓ ⴰⵎⴽⴽⵓⵥ ⵉⵖⵎⵙⵏ). ⵔⴰⴷ ⵉⵟⵟⴼ ⵢⴰⵏ ⵉⴼⵔ ⴰⵎⵙⵙⵓⴳⵓⵔ ⴳ ⵎⴰⵏⵉ ⵔⴰⴷ ⵢⵍⵉ ⵡⵙⵖⵉⵎ ⵏ ⵓⵙⵇⵇⵉⵎ ⴰⴷⵖⵔⴰⵏ ⵏ ⵍⵄⵓⵍⴰⵎⴰ ⴷ ⵜⴰⵎⵓⵔⴰⵢⵜ ⵜⴰⵙⴳⴰⵡⴰⵏⵜ ⵏ ⵜⵎⵙⴰⵔⵜⵉⵏ ⵏ ⵍⵉⵙⵍⴰⵎ ⴷ ⵏⵏⵉⴹⴰⵕⴰ ⵏ ⵍⵃⴰⴱⵓⵙ ⵓⵍⴰ ⵢⴰⵏ ⵉⴼⵔ ⴰⴷⵍⵙⴰⵏ ⴳ ⵎⴰⵏⵉ ⵜⵍⵍⴰ ⵢⴰⵜ ⵜⴰⴷⴰⵍⴰ ⵏ ⵜⵉⵏⴰⵡⵜ ⵉⵟⵟⴰⴼⵏ 300 ⵏ ⵉⵏⵙⴰⵏ ⴷ ⵢⴰⵜ ⵜⴰⵙⴷⵍⵉⵙⵜ ⴷ ⵢⴰⵜ ⵜⴰⴷⴰⵍⴰ ⵏ ⵓⴷⴷⵓⵔ ⴷ ⵎⵏⵏⴰⵡ ⵏ ⵜⵉⴷⵉⵍⴰ ⵏ ⵜⵉⵖⵔⵉ ⴷ ⵜⴰⵙⵏⵎⴰⵍⴰⵢⵜ.

ⵔⴰⴷ ⵉⴳ ⵓⴷⴷⵉⵙ ⴰⴷⵍⵙⴰⵏ ⴷ ⴰⵎⵙⵙⵓⴳⵓⵔ ⵏ ⵍⵃⴰⴱⵓⵙ ⵏ ⵙⵍⴰ ⵢⴰⵏ ⵓⵙⴰⵢⵔⴰⵔ ⵉⴼⵓⵍⴽⵉⵏ ⵏ ⵓⵙⵓⴷⵙ ⵏ ⵜⵙⴽⴰⵏⵜⵉⵏ ⵉⵙⴳⴷⴰⵏ ⴷ ⵉⴷⵍⵙⴰⵏ ⵍⵍⵉ ⵢⵥⴹⴰⵕⵏ ⴰⴷ ⵉⵙⴷⵓⵙ ⵜⵉⴼⴰⵡⵜ ⵏ ⵜⵎⵏⴱⴰⴹⵜ ⴷ ⵜⴰⵎⵔⵏⵉⵡⵜ ⵏ ⵜⵙⵓⴳⵔⵜⵉⵏ ⵍⵍⵉ ⵜⵟⵟⴰⴼ ⴷ ⴰⵙⵡⵓⴷⴷⵓ ⵏ ⵡⴰⴷⴰⵙ ⵏ ⵜⵎⵙⴰⵔⵜⵉⵏ ⵏ ⵓⵙⴳⴷ.

ⴰⵙⵓⴼⵖ ⵏ ⵓⴷⴷⵉⵙ ⵢⵓⵛⴽⴰⴷ ⴳ ⵓⵙⴰⵜⵉ ⵏ ⵢⴰⵜ ⵜⴰⵙⵜⵔⴰⵜⵉⵊⵉⵜ ⵏ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵉⵎⵙⴰⵔⵉⵏ ⵏ ⵍⵉⵙⵍⴰⵎ ⵍⵍⵉ ⵢⵔⴰⵏ ⴰⴷ ⵜⵚⴽⵓ ⵉⴷⴷⵓⵙⵏ ⵢⴰⴹⵏⵉⵏ ⴳ ⵎⵏⵏⴰⵡ ⵏ ⵜⵎⴷⵉⵏⵜⵉⵏ ⵏ ⵜⴳⵍⴷⵉⵜ ⵣⵓⵏⴷ ⵓⵊⴷⴰ ⴷ ⵟⴰⵏⵊⴰ ⴷ ⴹⴹⴰⵕⵍⴱⵉⴹⴰ ⴷ ⵎⵕⵕⴰⴽⵯⵛ ⴷ ⵜⴰⵔⵓⴷⴰⵏⵜ ⴷ ⵎⵉⴷⵍⵜ ⴷ ⵛⴼⵛⴰⵡⵏ ⴷ ⵜⵉⵏⵖⵉⵔ ⴷ ⵅⵔⵉⴱⴳⴰ ⴷ ⴱⵔⴽⴰⵏ ⴷ ⴷⴷⴰⵅⵍⴰ ⴷ ⵏⵏⴰⴹⵓⵕ ⴷ ⵜⴰⵡⵔⵉⵔⵜ ⴷ ⵙⵉⴷⵉ ⴱⵏⵏⵓⵕ ⴷ ⴱⵏⵙⵍⵉⵎⴰⵏ.

Dernière modification : 12 ⵢⵓⵍⵢⵓⵣ 2013

Source URL: https://www.mapnews.ma/am/activites-royales/%E2%B5%99%E2%B5%8D%E2%B4%B0-%E2%B5%89%E2%B5%99%E2%B5%94%E2%B5%99-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%A5%E2%B5%95%E2%B5%93-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F-%E2%B5%A2%E2%B4%B0%E2%B5%8F-%E2%B5%93%E2%B4%B7%E2%B4%B7%E2%B5%89%E2%B5%99-%E2%B4%B0%E2%B4%B7%E2%B5%8D%E2%B5%99%E2%B4%B0%E2%B5%8F-%E2%B4%B7-%E2%B4%B0%E2%B5%8E%E2%B5%99%E2%B5%99%E2%B5%93%E2%B4%B3%E2%B5%93%E2%B5%94-%E2%B5%8F-%E2%B5%9C%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C#comment-0