ⵢⵉⵡⵉ ⵓⵎⵔⵣⵓ ⴰⵎⵖⵔⴰⴱⵉ ⵎⵓⵃⵎⵎⴷ ⵎⵛⴱⴰⵍ ⵜⴰⵙⵎⵖⵓⵔⵜ ⵏ ⵓⴳⵍⵍⵉⴷ ⴼⴰⵢⵚⴰⵍ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵜⵙⴽⵍⴰ

11 ⴱⵕⴰⵢⵕ 2021 Version Imprimable

ⵕⵕⵢⴰⴹ - ⵉⵙⴳⵓⵔⴰ ⵓⵏⴳⵔⴰⵡ ⵏ ⵜⵙⵎⵖⵓⵔⵜ ⴰⴳⵍⴷⵓⵏ ⴼⴰⵢⵚⵍ ⴳ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ ⵉⴹⵍⵍⵉ ⴳ ⵜⴷⴳⴳⵯⴰⵜ ⵏ ⵓⴽⵕⴰⵙ ⵉⵙⵎⴰⵡⵏ ⵏ ⵡⵉⵏⵏⴰ ⵢⵉⵡⵉⵏ ⵜⴰⵙⵎⵖⵓⵔⵜ ⵏ ⵓⵙⴳⴳⵯⴰⵙ 2021 ⴳ ⵉⵙⵎⵍⵏ ⵏ ⵙⵎⵎⵓⵙⵜ ⵉⵍⵍⴰ ⴳⵉⵙⵏ ⴰⵎⵔⵣⵓ ⴰⵎⵖⵔⴰⴱⵉ ⵎⵓⵃⵎⵎⴷ ⵎⵛⴱⴰⵍ ⴳ ⴰⵢⵢⴰⵡ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵜⵙⴽⵍⴰ .

ⵉⵏⵏⴰ ⴰⵏⴳⵔⴰⵡ ⴳ ⵢⴰⵏ ⵓⵙⵉⵡⴹ ⵎⴰⵙ ⵓⴳⵔⴰⵡ ⵏ ⵉⵙⵜⴰⵢⵏ ⵏ ⵜⵙⵎⵖⵓⵔⵜ ⴰⴳⵍⵍⵉⴷ ⴼⴰⵢⵚⴰⵍ ⴳ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵜⵙⴽⵍⴰ ⴳ ⵓⵙⴳⵓⵎ "ⴱⴰⵍⴰⵖⴰ ⵜⴰⵎⴰⵢⵏⵓⵜ" ⵜⵖⵜⵙ ⴰⴷ ⵜⴼⴽⴰ ⵜⴰⵙⵎⵖⵓⵔⵜ ⴳ ⵓⵙⴳⴳⵯⴰⵙ ⴰⴷ ⵉ ⵎⴰⵙⵙ ⵎⵓⵃⵎⵎⴷ ⵎⵛⴱⴰⵍ ⴰⵙⵍⵎⴰⴷ ⴳ ⵜⵖⵉⵡⵏⵜ ⵏ ⵜⵙⴽⵍⴰ ⴷ ⵉⵎⴰⵙⵙⵏ ⵉⵏⴼⴳⴰⵏⵉⵏ ⵜⴰⵙⴷⵉⵡⵜ ⵄⴱⴷ ⵍⵎⴰⵍⴽ ⵙⵙⵄⴷⵉ ⴳ ⵜⵉⵟⵡⴰⵏ " ⵎⴰⵢⴰⴷ ⵉⴳⴰⵏ ⴱⴰⴱ ⵏ ⵓⵙⵏⵜⵉ ⴰⵎⴰⵙⵙⵏ ⵉⵣⴷⵉⵏ ⴳ ⴰⴽⴽⵯ ⵏ ⵜⵡⵓⵔⵉⵡⵉⵏ ⵏⵏⵏⵙ ⵅⴼ ⴰⵙⴳⵓⵎ ⵏ ⵜⵙⵎⵖⵓⵔⵜ" .

ⵜⵙⵓⵍⵍ ⵜⵏⵏⴰ ⵓⵏⴳⵔⴰⵡ ⵍⵍⵉ ⵢⵙⵙⵉⵅⴼ ⴰⴳⵍⴷⵓⵏ ⵅⴰⵍⵉⴷ ⴼⴰⵢⵚⴰⵍ ⴰⵎⵛⵛⵉⵡⴰⵕ ⵏ ⵓⵅⴷⴰⵎ ⵏ ⵍⵃⴰⵔⴰⵎⴰⵢⵏ ⴰⵛⵛⵔⵉⴼ ⴰⴳⵍⴷⵓⵏ ⵏ ⵜⵙⴳⴰ ⵏ ⵎⴰⴽⴽⴰ ⵜⴰⵎⵓⴽⴰⵔⴰⵎⵜ ⵎⴰⵙ ⵜⵡⵓⵔⵉⵡⵉⵏ ⵏ ⵓⵙⵍⵎⴰⴷ ⵎⵛⴱⴰⵍ " ⵜⴼⴽⴰ ⵢⴰⵜ ⵜⴱⵉ ⴷ ⵙⵎⴰⵢⵏⵓ ⴷ ⵜⴰⵜⵔⴰⵜ ⵙⴳ ⵜⵉⵥⵉⵕⵜ ⴷ ⵜⵙⵏⵙⵉ ⴷ ⵜⵔⴰ ⴰⴷ ⵜⵓⵇⵇⵏⴰ ⵏ ⵓⵔⵣⵣⵓ ⴱⴰⵍⴰⵖⴰ ⴷ ⵉⴳⵔⵏ ⵏ ⵜⵙⴽⵍⴰ ⴷ ⵜⵓⵍⵜⴰⵢⵜ ⴷ ⴰⵎⵢⴰⵡⴰⴹ ⴷ ⴰⵙⴱⵉⴷⴷ ⵜⵉⵥⵕⵉ ⴷ ⵉⵎⴰⴽⵏ ⵏ ⵍⴱⴷⵓ ⵏ ⵉⵏⴰⵡ ⴱⵍⴰⵖⴰ ⴰⵄⵕⴰⴱ ⴷ ⴰⵜⵔⴰⵔ ⴷⴷⵓ ⵏ ⵜⴰⵏⴰⵢⵜ ⵢⵓⵙⵄⵏ ⵉⵇⵇⵉⵎ ⵏ ⵜⵖⵔⵉ ⵏ ⵙⵎⴰⵢⵏⵓ " .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%A2%E2%B5%89%E2%B5%A1%E2%B5%89-%E2%B5%93%E2%B5%8E%E2%B5%94%E2%B5%A3%E2%B5%93-%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%8E%E2%B5%9B%E2%B4%B1%E2%B4%B0%E2%B5%8D-%E2%B5%9C%E2%B4%B0%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%8F-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%BC%E2%B4%B0%E2%B5%A2%E2%B5%9A%E2%B4%B0%E2%B5%8D-%E2%B5%8F-%E2%B5%9C%E2%B5%93%E2%B5%9C%E2%B5%8D%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%84%E2%B5%95%E2%B4%B0%E2%B4%B1%E2%B5%9C-%E2%B4%B7-%E2%B5%9C%E2%B5%99%E2%B4%BD%E2%B5%8D%E2%B4%B0