Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ, ⵉⵙⵙⵉⵅⴼ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ ⴳ ⵓⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ, ⵉⵙⵙⵉⵅⴼ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ ⴳ ⵓⵢⵢⵓⵔ ⵏ ⵕⵎⴹⴰⵏ

11 ⵢⵓⵍⵢⵓⵣ 2013 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⴽⵡⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ ⵏ ⵓⵢⵢⵓⵔ ⵏ ⵕⵎⴹⴰⵏ.

ⵉⵙⵎⵓⵙⵙⵓ ⵜⴰⵎⵙⵙⵉⵔⴷⵜ ⴰⴷ ⵎⴰⵙⵙ ⵃⵎⴷ ⵜⵓⴼⵉⵇ, ⴰⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵎⵙⴰⵔⵜⵉⵏ ⵏ ⵍⵉⵙⵍⴰⵎ, ⵅⴼ ⵓⵙⴳⵓⵎ « ⵜⴰⵎⵓⵔⵉ ⵏ ⵉⵎⵖⵔⴰⴱⵉⵢⵏ ⴰⵎⵎⴰⵙ ⵏ ⵓⵎⵣⵔⵓⵢ ».

ⵉⵏⵏⴰ ⵎⴰⵙⵙ ⵜⵓⴼⵉⵇ ⵉⵙ ⵢⴰⴳⵍ ⵓⴼⵔⴰⵢ ⵏ ⵜⵎⵓⵔⵉ ⴷ ⵉⵎⵊⵕⵉⵏ ⵉⵎⵣⵔⴰⵢⵏ, ⵓⵔⴷ ⵉⴳⵉ ⴽⵔⴰ ⵏ ⵡⴰⵡⴰⵍ ⵢⵓⵔⴰⵏ. ⴰⵎⵎⴰⵙ ⵏ ⵍⵎⵖⵔⵉⴱ, ⵉⵎⵊⵕⵉⵏ ⴰⴷ ⵙⵏⴼⵍⵏ ⵜⴰⵎⴰⴳⵉⵜ ⵜⴰⵏⴰⵎⵓⵔⵜ ⴳ ⵉⴳⵔ ⴰⵙⵔⵜⴰⵏ ⴷ ⴰⵏⴰⵎⵓⵏ ⴷ ⴰⴷⵍⵙⴰⵏ.


ⵉⵔⵏⵓ ⵢⵏⵏⴰ ⵉⵙ ⵉⴱⴰⵢⵏ ⴰⴼⵔⴰⵢ ⵏ ⵜⵎⵓⵔⵢ ⵢⴰⴷ ⴳ ⵎⵏⵏⴰⵡ ⵏ ⵉⵎⴷⵢⴰⵏⵏ, ⵣⵓⵏⴷ ⵜⵓⵣⵍⵜ ⵏ ⴰⵏⴱⴰⵣ ⵏ ⴱⵕⵕⴰ ⴷ ⵓⵙⴱⴷⴷⵉ ⵏ ⵉⵙⴷⵉⴷⵉⵏ ⵉⴳⵯⵏⵙⴰⵏⵏ ⵉ ⵡⴳⵣⵣⵓⵎ ⴰⵏⴰⵎⵓⵔ ⴷ ⵜⴰⵎⴰⴳⵉⵜ ⴷ ⵜⵏⴼⵔⵓⵜ.


ⵉⴱⵉⴷⴷ ⵎⴰⵙⵙ ⵜⵓⴼⵉⵇ ⴰⵎⵎⴰⵙ ⵏ ⵉⵣⵎⵣⵏ ⵉⵎⵙⴷⴷⵓⵔⵏ ⴳ ⵓⵎⵣⵔⵓⵢ ⵏ ⵍⵎⵖⵔⵉⴱ, ⵣⵓⵏⴷ ⵓⴽⵓⴷ ⵍⵍⵉ ⵢⵣⵡⴰⵔⵏ ⵍⵉⵙⵍⴰⵎ ⴰⵔ ⵉⵎⵓⵡⴰⵃⵃⵉⴷⵉⵢⵏ (ⵍⵍⵉ ⵙⴰⵙⵜⵡⴰⵏ ⵜⵉⵎⵔⵙⵍⵜ ⵏ ⵓⵡⴰⵏⴽ ⵏ ⵍⵎⵖⵔⵉⴱ) ⴷ ⵓⴽⵓⴷ ⵏ ⵉⵎⴰⵔⵉⵏⵉⵏ ⴷ ⵉⵡⴰⵟⵟⴰⵙⵉⵏ (ⵍⵍⵉ ⴳⴰⵏ ⵓⵙⵎⵙⴰⵙⴰ ⵏ ⵓⵡⴰⵏⴽ) ⴷ ⵓⴽⵓⴷ ⵏ ⵉⵙⵄⴷⵉⵢⵏ ⴷ ⵉⵄⴰⵍⴰⵡⵉⵢⵏ (ⵙⴷⵓⵙ ⵏ ⵓⵡⴰⵏⴽ).


ⵅ ⵖⵉⴽⴰⵏⵏ, ⵉⴳⴰ ⵢⴰⴷⵍⵍⵉ ⵍⵎⵖⵔⵉⴱ ⵢⴰⵏ ⵓⵎⵙⴽⴰⵔ ⴰⵎⵙⴷⴷⵓⵔ ⴰⵎⵎⴰⵙ ⵏ ⵓⵡⵏⴰⴹ ⵏⵏⵙ, ⵜⵍⴽⵎ ⵜⵉⴼⴰⵡⵜ ⵏⵏⵙ ⴰⵔ ⵍⴰⵏⴷⴰⵍⵓⵙ ⴷ ⵉⴷⵖⴰⵔⵏ ⵏ ⵉⵡⵓⵜⵜⴰ ⵏ ⵉⴼⴼⵓⵙ ⴷ ⵍⵇⴱⵍⵜ, ⵎⴰⵢⴰⴷ ⵉⵏⵏⴰ ⵎⴰⵙⵙ ⵜⵓⴼⵉⵇ.


ⵉⵎⵍⴰ ⵓⵙⴽⵜⵉ ⴰⵎⵣⵔⴰⵢ ⴰⴷ ⵜⵉⵙⵉⵍⴰ ⵍⵍⵉ ⵏⴱⴹⵏ ⴰⵎⵓⵏ ⵏⵏⵖ ⴰⵔ ⵖⵉⵍ ⴰⴷ, ⵎⴰⵢⴰⴷ ⵉⴳⴰⵏ  ⴰⵏⴳⵔⴰⵡ ⴰⵙⵔⵜⴰⵏ ⵓⴳⵉⵍ ⴷ ⵜⵉⵎⵔⵙⵍⵜ ⵏ ⵍⵉⵎⴰⵕⴰ ⵏ ⵉⵎⵓⵎⵏⵏ ⴷ ⵜⵡⴰⴱⵉⵜ ⵉⵙⴳⴷⴰⵏ ⴷ ⵜⴰⵏⵓⵎⵉⵏ ⵏ ⵜⵎⵓⵔⵉ, ⵖⵉⴽⵍⵍⵉ ⵜⵎⵍⴰ ⵜⵓⵣⵍⵜ ⵏ ⵓⵏⴱⴰⵣ ⵏ ⴱⵕⵕⴰ (ⵜⴰⵙⵓⵜ ⵜⵉⵙⵙ 16) ⴷ ⵜⴰⵡⴰⴷⴰ ⵜⴰⵣⴳⵣⴰⵡⵜ ⵍⵍⵉ ⵏⵏⵔ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵜⵉⵕⵃⵎ ⵕⴱⴱⵉ.


ⴳ ⵓⵣⵎⵣⵣⵓ ⵢⴰⴷ, ⵣⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⵎⵏⵏⴰⵡ ⵏ ⵍⵄⵓⵍⴰⵎⴰ ⵏ ⵓⵎⴰⴹⵍ ⵓⵙⵍⵉⵎ, ⵓⴽⴰⵏ ⵉⴼⴽⴰ ⵎⴰⵙⵙ ⵃⵎⴷ ⵜⵓⴼⵉⵇ, ⴰⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵎⵙⴰⵔⵜⵉⵏ ⵏ ⵍⵉⵙⵍⴰⵎ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵢⴰⵜ ⵜⴰⴼⵍⵡⵉⵜ ⵏ ⵓⴽⵛⵛⵓⴹ ⵢⵓⵔⴰ ⴳⵓⵙ ⵍⵇⵓⵕⴰⵏ ⵍⴽⴰⵔⵉⵎ, ⵉⵙⴽⵔ ⵜ ⵓⵏⴰⵥⵓⵕ ⴰⵎⵖⵔⴰⴱⵉ ⵎⵓⵃⵎⵎⴷ ⵍⵎⵄⵍⵎⵉⵏ.

Dernière modification : 11 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B4%B3-%E2%B5%93%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F#comment-0