ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⴰⵎⵎⴰⵙ ⵏ ⵡⴰⵙⵙ ⵏ ⵓⵏⵀⵍⵍⴰ ⴰⵏⵢⵉⵎⴰⵏ ⵏ ⵉⴼⵇⵇⵉⵕⵏ ⴷ ⵉⵎⵜⵔⵓⴳⵏ ⴳ ⵚⵚⴱⵉⵟⴰⵕ ⵏ ⵕⵕⴰⵥⵉ ⴳ ⵙⵍⴰ

11 ⵢⵓⵍⵢⵓⵣ 2013 Version Imprimable

ⵙⵍⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ, ⵢⴰⵏ ⴰⵎⵎⴰⵙ ⵏ ⵡⴰⵙⵙ ⵏ ⵓⵏⵀⵍⵍⴰ ⴰⵏⵢⵉⵎⴰⵏ ⵏ ⵉⴼⵇⵇⵉⵕⵏ ⴷ ⵉⵎⵜⵔⵓⴳⵏ, ⵍⵍⵉ ⵜⵙⵙⵓⴼⵖ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙ ⵙⵎⵎⵓⵙ ⵏ ⵜⴰⴱⴷⴰⴷⵜ ⴳ ⵚⵚⴱⵉⵟⴰⵕ ⵏ ⵕⵕⴰⵥⵉ ⴳ ⵙⵍⴰ.

ⵔⴰⴷ ⵉⴼⴽ ⵓⵎⵎⴰⵙ ⴰⵎⴰⵢⵏⵓ ⴰⴷ, ⵍⵍⵉ ⵢⵙⵎⴰⵏⵏ ⵢⴰⵏ ⴰⵙⵙⴰⵔⵓ ⵏ 5.5 ⵓⵎⵍⵢⵓⵏ ⵏ ⴷⴷⵔⵀⵎ, ⵢⴰⵏ ⵓⵖⴰⵡⴰⵙ ⵏ ⵡⴰⵙⵙ ⵏ ⵓⵙⴰⵙⴼⵔ ⴷ ⵓⴹⴼⴼⵓⵕ ⴷ ⵓⵏⵢⴰⵍⴽⴰⵎ ⵉⴳⴰⵏ ⵉ ⵢⴼⵇⵇⵉⵕⵏ ⵉⵎⴰⴹⵓⵏⵏ ⵙ ⵉⵔⵡⴰⵢⵏ ⵜⴰⵏⵢⵉⵎⴰⵏⵜⵉⵏ.

ⵔⴰⴷ ⵉⴼⴽ ⵙⵓⵍ ⵓⵎⵎⴰⵙ ⴰⴷ ⵢⴰⵜ ⵜⴰⵙⵉⵍⴰ ⵏ ⵓⵙⵎⵓⵜⵜⴳ ⴰⴽⴰⴷⵉⵎⵉ ⴷ ⵉⵎⵙⴽⵔ ⴳ ⵉⴳⵔ ⵏ ⵓⵏⵀⵍⵍⵏⴰ ⴰⵏⵢⵉⵎⴰⵏ ⵏ ⵉⴼⵇⵇⵉⵕⵏ ⴷ ⵉⵎⵜⵔⵓⴳⵏ.

ⵢⵓⵎⵥ ⵓⵎⵎⴰⵙ ⵏ ⵡⴰⵙⵙ ⵏ ⵓⵏⵀⵍⵍⴰ ⴰⵏⵢⵉⵎⴰⵏ ⵏ ⵉⴼⵇⵇⵉⵕⵏ ⴷ ⵉⵎⵜⵔⵓⴳⵏ ⵢⴰⵏ ⵓⵙⴰⵢⵔⴰⵔ ⵉⵖⵎⵙⵏ ⵏ 1.100 ⵓⵎⵉⵜⵔⵓ ⴰⵎⴽⴽⵓⵥ, ⵉⵟⵟⴰⴼ ⵢⴰⵏ ⵓⵙⴳⵏⴰⴼ ⵏ ⵡⴰⵙⵙ ⵉⴳⴰⵏ ⵉ ⵡⵎⵛⴰⵡⴰⵕ ⴰⵙⴰⴼⴰⵔ ⴷ ⴰⵏⵢⵉⵎⴰⵏ ⴷ ⵎⵏⵏⴰⵡ ⵏ ⵜⵣⵇⵇⴰⵢⵏ ⵏ ⵓⵎⵓⵙⵙⵓ ⵏ ⵜⵉⴳⵎⵉ ⵏ ⵜⵓⵙⵙⵏⴰ ⴷ ⵉⵊⵉⵊⵊⵉ ⴰⴳⴰⵎⴰⵏ ⴷ ⵉⵊⵉⵊⵊⵉ ⴰⵏⵢⵉⵎⴰⵏ ⴷ ⵉⵊⵉⵊⵊⵉ ⵙ ⵓⵥⴰⵡⴰⵏ ⴷ ⵓⵏⵀⵍⵍⴰ ⴷ ⵓⵙⴳⵓⵏⴼⵓ ⵓⵍⴰ ⵎⵏⵏⴰⵡ ⵏ ⵉⵙⴰⵢⵔⴰⵔⵏ ⵏ ⵜⵣⴷⵓⵖⵜ ⴷ ⵉⵎⵓⵙⵙⵓⵏ ⵏ ⵓⵔⴰⵔ.

ⵉⵎⵙⵙⵓⴳⵔ ⵚⵚⴱⵉⵟⴰⵕ ⵏ ⵕⵕⴰⵥⵉ ⵉⵎⵔⵙⵍⵜ ⵜⴰⵎⴰⵢⵏⵓⵜ ⴰⴷ ⴷ ⵓⵏⵏⴰⵍ ⵏ ⵜⴰⵎⵙⵎⵓⵏⵜ ⵙⵉⵍⴰ.

ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉ ⵜⴰⵎⵙⵎⵓⵏⵜ ⵉⵙⵡⵓⴷⴷⵓⵏ ⵏ ⵓⵎⵎⴰⵙ ⴰⴷ ⵢⴰⵏ ⵟⵟⵓⴱⵉⵙ ⵉⵎⵥⵥⵉⵢⵏ, ⵍⵍⵉ ⵢⴳⴰⵏ ⵜⵉⴽⴽⵉ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙ ⵙⵎⵎⵓⵙ ⵏ ⵜⴰⴱⴷⴰⴷⵜ, ⵎⴰⵢⴰⴷ ⵉⴳⴰⵏ ⴰⵜⵉⴳ ⵏⵏⵙ 500.000 ⵏ ⴷⴷⵔⵀⵎ.

Dernière modification : 11 ⵢⵓⵍⵢⵓⵣ 2013

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%A1%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%8F%E2%B5%80%E2%B5%8D%E2%B5%8D%E2%B4%B0-%E2%B4%B0%E2%B5%8F%E2%B5%A2%E2%B5%89%E2%B5%8E%E2%B4%B0%E2%B5%8F-%E2%B5%8F-%E2%B5%89%E2%B4%BC%E2%B5%87%E2%B5%87%E2%B5%89%E2%B5%95%E2%B5%8F-%E2%B4%B7-%E2%B5%89%E2%B5%8E%E2%B5%9C%E2%B5%94%E2%B5%93%E2%B4%B3%E2%B5%8F-%E2%B4%B3#comment-0