Published on MAPNews (https://www.mapnews.ma/am)

Accueil > ⴰⵕⵥⵥⵓⵎ ⵏ "ⵢⵓⵏⵉⵙⴽⵓ" ⵉ ⵜⵎⵔⴰⵡⴰⵏⵜ ⵏ ⵍⵎⵓⵃⵉⵟⴰⵜ : ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⴷⴷⵓⵔ ⵉⵎⵇⵇⵓⵕⵏ ⵉ ⵜⵡⵡⵓⵔⵉ ⵍⵍⵉ ⵢⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵖⴰⵡⵙⴰ ⵢⴰⴷ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⴰⵕⵥⵥⵓⵎ ⵏ "ⵢⵓⵏⵉⵙⴽⵓ" ⵉ ⵜⵎⵔⴰⵡⴰⵏⵜ ⵏ ⵍⵎⵓⵃⵉⵟⴰⵜ : ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⴷⴷⵓⵔ ⵉⵎⵇⵇⵓⵕⵏ ⵉ ⵜⵡⵡⵓⵔⵉ ⵍⵍⵉ ⵢⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵖⴰⵡⵙⴰ ⵢⴰⴷ

03 ⴱⵕⴰⵢⵕ 2021 Version Imprimable
ⴱⴰⵔⵉⵣ - ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⴰⵙⵙ ⵏ ⵓⴽⵕⴰⵙ, ⴷⴰⵜ ⵏ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵢⵎⴰⵏⵏ ⵏ ⵓⵙⴳⵎⵉ ⴷ ⵜⵎⴰⵙⵙⴰⵏⵜ ⴷ ⵜⵓⵙⵙⵏⴰ (ⵢⵓⵉⵙⴽⵓ), ⴰⴷⴷⵓⵔ ⵉⵎⵇⵇⵓⵕⵏ ⵉ ⵜⵡⵡⵓⵔⵉ ⵍⵍⵉ ⵢⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⵖⴰⵡⵙⵉⵡⵉⵏ ⵏ ⵓⵏⵣⵡⵉ ⴷ ⵏ ⵓⵏⵡⴰⴹ.

ⴰⵎⵎⴰⵙ ⵏ ⵢⴰⵜ ⵜⵉⵏⴰⵡⵜ ⵉⵣⵔⵉⵏ ⴳ ⵢⴰⵜ ⵜⵉⵏⴰⵡⵜ ⵏ ⵓⴼⵉⴷⵢⵓ ⵏ ⵓⵙⵡⵉⵔ ⵢⴰⵜⵜⵓⵢⵏ ⵉⵙⵙⵓⴼⵖⵏ ⵜⴰⵎⵔⴰⵡⴰⵏⵜ ⵏ ⵜⵎⵜⵜⴰ ⵢⵎⴰⵏⵏ ⵏ ⵜⵎⴰⵙⵙⴰⵏⵉⵏ ⵏ ⵍⵎⵓⵃⵉⵟⴰⵜ ⵉⵄⵍⴷⵏ ⵉ ⵜⴳⵎⵉ ⵜⴰⵙⵓⵍⴰⵏⵜ, ⵜⵣⵓⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ "ⵜⴰⵙⵏⵜⴰⵢⵜ ⵉⴼⵓⵍⴽⵉⵏ ⴰⴷ", ⵉⵣⴷⵉⵏ ⴷ "ⵢⵓⵏⵉⵙⴽⵓ", ⵍⵍⵉ "ⵢⵎⵍⴰⵏ ⵜⵓⵙⵙⵏⴰ ⵙ ⵜⵉⵍⴰⵍⵜ ⵏ ⵍⵎⵓⵃⵉⵟⴰⵜ ⴳ ⵓⵎⵣⵔⵓⵢ ⵏⵏⵖ, ⴷ ⵜⵓⴷⴷⵓⵔⵜ ⵏⵏⵙⵏ ⵖⵉⵍ ⴰⴷ ⴷ ⵖ ⵉⵎⴰⵍ ⵏ ⵜⵏⴼⴳⴰⵏⵜ".

ⵜⵏⵏⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵎⴰⵙ ⵍⵎⵓⵃⵉⵟⴰⵜ ⵃⴹⴰⵏ ⵜⴰⵎⴰⵅⵉⵔⵜ ⵜⴰⵢⵍⴰⵏⵜ ⵉⵎⵇⵇⵓⵕⵏ ⵍⵍⵉ ⵓⵔⵜⴰ ⵢⵜⵜⵓⵙⵙⴰⵏⵏ ⴱⴰⵀⵔⴰ, ⴷ ⵜⵔⵏⴰ ⵜⵏⵏⴰ ⵎⴰⵙ ⵍⵎⵓⵃⵉⵟⴰⵜ ⴳⴰⵏ, ⴼ ⵖⵉⴽⴰⵏⵏ, ⴰⵢⴷⴰ ⴰⴳⴷⵓⴷⴰⵏ ⵉⵛⵛⴰⵔⵏ ⵏ ⵜⵏⴼⴳⴰⵏⵜ ⵉⵃⵜⴰⵊⵊⴰⵏ ⵢⴰⵏ ⵓⵙⵢⴰⴼⴰ ⴰⵙⵓⵍⴰⵏ, ⴰⵎⵙⵜⴳⴳⴰⵔ ⴷ ⴰⵣⵔⴼⴰⵏ. 

ⴳ ⵓⵙⵜⴰⵉ ⵢⴰⴷ ⴰⴼ ⴰⴷ ⵜⴳⴰ ⵜⵎⵔⴰⵡⴰⵏⵜ ⵏ ⵍⵎⵓⵃⵉⵟⴰⵜ, ⵍⵍⵉ ⵏⵕⵥⵎ, ⵢⴰⵏ ⵓⵣⵎⵣ ⵉⵅⴰⵜⴰⵔⵏ ⵍⵍⵉ ⵢⵥⴹⴰⵕⵏ ⴰⴷ ⵢⴰⵡⵉ ⵜⵓⵙⵙⵏⴰ ⵜⴰⵎⴰⵙⵙⴰⵏⵜ ⵏ ⵓⵙⵡⵉⵔ ⵢⴰⵜⵜⵓⵢⵏ ⴰⴼ ⴰⴷ ⴼⵔⴳⵏ ⵉⵍⵍⵏ, ⵎⴰ ⵢⴰⴷ ⵙⵓⵍ ⵜⵏⵏⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ.

ⵜⵏⵏⴰ ⵙⵓⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵎⴰⵙ, ⵙ ⵉⵅⴼ ⵏⵏⵙ, ⵉⴳ ⵢⴰⵜ ⴰⴷⴷⵓⵔ ⴰⴷ ⵜⴽⵙⵙⵓ ⴰⵎⵓⵍⵍⵉ ⵢⴰⴷ ⴷ ⴰⴷ ⵜⴷⵔⵓ ⴷ ⵉⵎⵙⵏⵜⴰⵢⵏ ⵏⵏⵙ ⵅⴼ ⵉⵍⵍⵏ ⴷ ⵍⵎⵓⵃⵉⵟⴰⵜ.

ⵜⵙⴼⵓⴳⵍⴰ "ⵢⵓⵏⵉⵙⴽⵓ", ⴰⵙⵙ ⵏ ⵓⴽⵕⴰⵙ, ⴰⵕⵥⵥⵓⵎ ⵏ ⵜⵎⵔⴰⵡⴰⵏⵜ ⵏ ⵜⵎⵜⵜⴰ ⵢⵎⴰⵏⵏ ⵏ ⵜⵎⴰⵙⵙⴰⵏⵉⵏ ⵏ ⵍⵎⵓⵃⵉⵟⴰⵜ ⵉⵄⵍⴷⵏ ⵉ ⵜⴳⵎⵉ ⵜⴰⵙⵓⵍⴰⵏⵜ (ⵜⴰⵎⵔⴰⵡⴰⵏⵜ ⵏ ⵍⵎⵓⵃⵉⵟⴰⵜ), ⵙ ⵢⴰⵜ ⵜⵡⵓⵔⵉ ⵏ ⵓⵙⵡⵉⵔ ⵢⴰⵜⵜⵓⵢⵏ. 

Dernière modification : 03 ⴱⵕⴰⵢⵕ 2021
Source URL: https://www.mapnews.ma/am/activites-princieres/%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%A2%E2%B5%93%E2%B5%8F%E2%B5%89%E2%B5%99%E2%B4%BD%E2%B5%93-%E2%B5%89-%E2%B5%9C%E2%B5%8E%E2%B5%94%E2%B4%B0%E2%B5%A1%E2%B4%B0%E2%B5%8F%E2%B5%9C-%E2%B5%8F-%E2%B5%8D%E2%B5%8E%E2%B5%93%E2%B5%83%E2%B5%89%E2%B5%9F%E2%B4%B0%E2%B5%9C-%E2%B5%9C%E2%B4%BC%E2%B4%BD%E2%B4%B0-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C