ⵉⵙⵏⵓⴱⴳ ⵍⵎⵖⵔⵉⴱ ⴰⴳⵔⴰⵡ ⴰⵎⵣⵡⴰⵔⵓ ⵏ ⵜⴳⵣⵣⴰⵢⵜ "ⵙⵉⵏⵓⴼⴰⵕⵎ" ⵉⴳⴰⵏ ⵉ ⵓⴱⴰⵢⵢⵓⵕ "ⴽⵓⴼⵉⴷ-19" (ⵜⴰⵎⴰⵡⴰⵙⵜ ⵏ ⵜⴷⵓⵙⵉ)

27 ⵉⵏⵏⴰⵢⵔ 2021 Version Imprimable

ⵕⵕⴱⴰⵟ - ⵜⵏⵏⴰ ⵜⵎⴰⵡⴰⵙⵜ ⵏ ⵜⴷⵓⵙⵉ ⵎⴰⵙ ⵉⵙⵏⵓⴱⴳ ⵍⵎⵖⵔⵉⴱ, ⴰⵙⵙ ⵏ ⵓⴽⵕⴰⵙ, ⴰⴳⵔⴰⵡ ⴰⵎⵣⵡⴰⵔⵓ ⵏ ⵜⴳⵣⵣⴰⵢⵜ "ⵙⵉⵏⵓⴼⴰⵕⵎ" ⴰⵛⵉⵏⵡⵉ ⵉⴳⴰⵏ ⵉ ⵓⴱⴰⵢⵢⵓⵕ "ⴽⵓⴼⵉⴷ-19".

ⵜⴼⵔⴰ ⵜⵏⵏⴰ ⵜⴰⵎⴰⵡⴰⵙⵜ, ⴳ ⵢⴰⵏ ⵓⵙⵉⵡⴹ, ⵎⴰⵙ ⵜⴰⵍⴰⵢⵜ ⵜⵉⵙⵙ ⵙⵏⴰⵜ ⵢⵓⵙⵉⵏ ⴰⴳⵣⵣⴰⵢ ⵎⴳⴰⵍ ⵓⴼⵉⵔⵓⵙ "ⵙⴰⵔⵙ ⴽⵓⴼ-2" ⵜⴳⴳⵯⵣ ⴳ ⵓⵣⴳⵯⴰⵣ ⴰⵎⴰⴹⵍⴰⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴳ ⴹⴹⴰⵕⵍⴱⵉⴹⴰ, ⵜⵓⵛⴽⴰⴷ ⵙⴳ ⵜⴳⴷⵓⴷⴰⵏⵜ ⵏ ⵛⵛⵉⵏⵡⴰ ⵜⴰⵎⴰⴷⴰⵏⵜ, ⴳⵉⵙ ⵓⴳⵔⴰⵡ ⴰⵎⵣⵡⴰⵔⵓ ⵏ ⵜⴳⵣⵣⴰⵢⵜ ⵍⵍⵉ ⵜⵙⵙⵓⴼⵖ ⵜⵎⵔⵙⴰⵍⵜ ⵜⴰⵎⴳⴰⵡⵜ ⵜⴰⵛⵉⵏⵡⵉⵜ ⵏ ⵉⵙⴰⴼⴰⵔⵏ "ⵙⵉⵏⵓⴼⴰⵕⵎ" ⴷ ⵜⵎⴷⵔⴰⵡⵜ ⵏ ⵓⵙⴰⵔⵎ ⴰⵏⴰⵎⵓⵔ ⴰⵛⵉⵏⵡⵉ ⵏ ⵜⴽⵏⵓⵍⵓⵊⵉⵜ ⵜⴰⴷⵓⵔⵜ (ⵙⵉ ⵉⵏ ⴱⵉ ⵊⵉ).

ⵢⵓⵛⴽⴰⴷ ⴰⴷ, ⵎⴰ ⵢⴰⴷ ⵉⵏⵏⴰ ⵓⵙⴰⵔⵎ ⴰⵏⵏ, ⵙ ⵓⵣⵣⵉⴳⵔ ⵏ ⵉⵙⵡⴰⵍⴰⵏ ⵉⴳⵍⴷⴰⵏⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵕⵥⵥⵓⵎ ⵏ ⵜⵎⵀⵍⴰ ⵏ ⵜⴳⵣⵣⴰⵢⵜ ⵜⴰⵏⴰⵎⵓⵔⵜ ⵢⵓⵙⵄⴰⵏ ⵏ ⵓⴼⴰⵔⴽ ⵏ ⴰⴽⴽⵯ ⵉⴼⵔⴷⵉⵙⵏ ⵏ ⵓⵎⴰⴷⴰⵏ ⴰⵎⵖⵔⵉⴱⵉ, ⴰⴼ ⴰⴷ ⵢⵉⵍⵉ ⵓⵔⴰⵢ ⵉⴳⵔⵡⴰⵏ ⵉⵥⴹⴰⵕⵏ ⴰⴷ ⵉⴷⵔⵓⵙ ⵓⵎⴰⴹⵓⵏ ⴷ ⵜⵎⵜⵜⴰⵏⵉⵏ ⵍⵍⵉ ⴰⵔⴷ ⵉⵜⵜⵉⵡⵉ ⵓⴱⴰⵢⵢⵓⵕ ⵉⵛⵇⵇⴰⵏ ⴰⴷ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F-%E2%B5%9C%E2%B4%B3%E2%B5%A3%E2%B5%A3%E2%B4%B0%E2%B5%A2%E2%B5%9C-%E2%B5%99%E2%B5%89%E2%B5%8F%E2%B5%93%E2%B4%BC%E2%B4%B0%E2%B5%95%E2%B5%8E-%E2%B5%89%E2%B4%B3%E2%B4%B0%E2%B5%8F-%E2%B5%89-%E2%B5%93%E2%B4%B1%E2%B4%B0%E2%B5%A2%E2%B5%A2%E2%B5%93%E2%B5%95-%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B5%9C%E2%B4%B0%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F