ⵉⵖⵕⴰ ⵓⵎⵙⵇⴰⴷ ⵏ ⵓⵚⵟⵕⴰⵍⵢⴰ ⴳ ⵍⵎⵖⵔⵉⴱ ⴰⴼ ⴰⴷ ⵜⵜⵓⵥⵕⴰⵏ ⵉⴱⵔⴷⴰⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⵎⵉⵣⴰⵔ

20 ⵉⵏⵏⴰⵢⵔ 2021 Version Imprimable

ⵕⵕⴱⴰⵟ - ⵉⵖⵕⴰ ⵓⵎⵙⵇⴰⴷ ⵏ ⵓⵚⵟⵕⵍⵢⴰ ⵖ ⵍⵎⵖⵔⵉⴱ, ⵎⴰⵙⵙ ⵎⴰⵢⴽⵍ ⴽⴰⵜⵙ, ⴰⵙⵙ ⵏ ⵓⵙⵉⵏⴰⵙ ⵖ ⵕⵕⴱⴰⵟ, ⴰⴼ ⴰⴷ ⵜⵜⵓⵥⵕⴰⵏ ⵉⴱⵔⴷⴰⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⵎⵉⵣⴰⵔ ⴳ ⴽⵔⴰ ⵢⴳⴰⵜⵜ ⵉⴳⵔ.

ⵉⵏⵏⴰ ⵎⴰⵙⵙ ⴽⴰⵜⵙ, ⵍⵍⵉⵖ ⵉⵙⴽⵔ ⵢⴰⵏ ⵓⵔⵣⴰⴼ ⵏ ⵜⴷⴷⵓⴽⴽⵯⵍⴰ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵍⵍⵉⵖ ⵜ ⵉⵙⵏⵓⴱⴱⴳ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵕⴰⵢⵜ, ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵉⴷⵔⵉⵙⵉ, ⴳ ⵢⴰⵜ ⵜⵙⴳⵓⵔⵉ ⵏ ⵓⵙⵙⴰⵔⵓ ⵏ ⵜⵏⵖⵎⴰⵙⵜ "M24" ⵎⴰⵙ "ⵍⵍⴰⵏⵜ ⵎⵏⵏⴰⵡ ⵏ ⵜⵥⵥⵉⴹⵕⴰ ⵉⵎⴽⵏ ⴰⴷ ⵙⵔⵙⵏⵜ ⵏⵙⴱⵖⵓⵔ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⵓⵇⵇⵏⵉⵏ ⴳⵔ ⵍⵎⵖⵔⵉⴱ ⴷ ⵓⵚⵟⵕⴰⵍⵢⴰ, ⵙⵍⴰⵡⴰⵏ ⴰⴽⴽⵯ ⵙ ⵓⵙⵙⵖⵍⵓ ⵏ ⵉⵙⵙⴰⵔⵓⵏ ⴷ ⵜⵙⴱⴱⴰⴱⵜ ⴳⵔ ⵙⴰⵏⵜ ⵜⵎⵉⵣⴰⵔ.

ⴳ ⵓⵙⴰⵜⵉ ⴷⵖ, ⵉⵙⴰⵡⵍ ⵓⴷⵉⴱⵍⵓⵎⴰⵙⵉ ⵓⵚⵟⵕⴰⵍⵉⵏ ⵅⴼ ⴰⴷⴷⵓⵔ ⵏ "ⵜⵖⴱⵉ ⵏ ⵜⵓⵇⵇⵏⵉⵏ ⴳⵔ ⵙⵉⵏ ⵉⵎⴰⴷⴰⵏ ⴷ ⵜⵎⵉⵣⴰⵔ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⴳⵔ ⵉⵎⵙⵜⴳⴳⴰⵔⵏ ⵏ ⵓⵙⵡⵉⵔ ⵢⴰⵜⵜⵓⵜⵏ ⴷ ⵉⵎⴰⵡⵙⴰⵙⵏ, ⵓⵍⴰ ⴳ ⵓⵙⵡⵉⵔ ⴰⴷⵍⵙⴰⵏ ⴳⵔ ⵉⵎⵙⴷⴰⵡⵏ ⴷ ⵉⴽⴰⴷⵉⵎⵉⵢⵏ", ⵉⵙⵙⴽⵯⵜⵉ ⴳ ⵓⵙⴰⵜⵉ ⴷⵖ ⵜⵣⵔⴰⴼⵜ ⵍⵍⵉ ⵢⵙⴽⵔ ⵉ ⵓⵎⵎⴰⵙ ⵏ ⵜⵥⵉⴹⵕⴰ ⵜⴰⵣⴳⵣⴰⵡⵜ "ⴳⵔⵉⵏ ⵉⵏⵉⵔⵊⵉ ⴱⴰⵕⴽ" ⴳ ⵜⵖⵔⵎⵜ ⵜⵣⴳⵣⴰⵡⵜ ⴳ ⴱⵏⴳⵔⵉⵔ, ⴷ ⵉⵙⵉⵏⴰⴳⵏ ⵢⴰⴹⵏⵉⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%89%E2%B5%96%E2%B5%95%E2%B4%B0-%E2%B5%93%E2%B5%8E%E2%B5%99%E2%B5%87%E2%B4%B0%E2%B4%B7-%E2%B5%8F-%E2%B5%93%E2%B5%9A%E2%B5%9F%E2%B5%95%E2%B4%B0%E2%B5%8D%E2%B5%A2%E2%B4%B0-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B4%BC-%E2%B4%B0%E2%B4%B7-%E2%B5%9C%E2%B5%9C%E2%B5%93%E2%B5%A5%E2%B5%95%E2%B4%B0%E2%B5%8F-%E2%B5%89%E2%B4%B1%E2%B5%94%E2%B4%B7%E2%B4%B0%E2%B5%8F-%E2%B5%8F-%E2%B5%93%E2%B5%99%E2%B4%B7%E2%B5%93%E2%B5%99-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B4%B3%E2%B5%94-%E2%B5%99%E2%B5%8F%E2%B4%B0%E2%B5%9C