(ⴽⵓⴼⵉⴷ 19)..ⴰⵙⵖⵣⵣⵉⴼ ⵏ ⵓⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴰⵔ 10 ⴱⵕⴰⵢⵕ 2021(ⴰⵙⵇⵇⵉⵎ ⵏ ⵜⵏⴱⴰⴹⵜ)

07 ⵉⵏⵏⴰⵢⵔ 2021 Version Imprimable

ⵕⵕⴱⴰⵟ - ⵉⵖⵜⵙ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵢⵎⴰⵏ ⴰⵙⵙ ⵏ ⵓⴽⵡⴰⵙ ⵖ ⵕⵕⴱⴰⵟ ⵙ ⵜⴰⵜⵉⵇⵏⵉⵜ ⵏ ⵜⵏⴰⵢⵜ ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ ⴰⴷ ⵉⵖⵣⵣⵉⴼ ⴰⵣⵎⵣ ⵏ ⵓⵣⵣⵉⴳⵔ ⵏ ⵓⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴳ ⴰⴽⴽⵯ ⴰⴽⴰⵍ ⴰⵏⴰⵎⵓⵔ ⴰⵔ 10 ⴱⵕⴰⵢⵕ 2021 ⵖⵉⴽ ⵔⴰⵏⵜ ⵜⵓⴳⴳⴰⵣ ⴷⴰⵜ ⵏ ⵓⵙⴼⵙⵔ ⵏ ⴽⵓⵕⵓⵏⴰ ⴰⵎⴰⵢⵏⵓ (ⴽⵓⴼⵉⴷ19).

ⵉⵏⵏⴰ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴰⴷ ⴰⵏⴼⵍⵍⴰ ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ ⴳ ⵢⴰⵏ ⵓⵙⵉⵡⴹ ⵍⵍⵉ ⵢⵖⵕⴰ ⴷⴼⴼⵉⵔ ⵏ ⵓⵎⵓⵏ ⵏ ⵓⵙⵇⵇⵉⵎ, ⵎⴰⵙ ⵜⵖⵓⵔⵉ ⴷ ⵜⵙⵙⵖⵣⵏ ⵜⵏⴱⴰⴹⵜ ⵅⴼ ⵓⵙⵏⵜⵉ ⵏ ⵓⵎⵕⵚⵓⵎ 2.20.960 ⵍⵍⵉ ⵢⵙⵎⵏⵉⴷ ⵓⵎⴰⵡⵙⴰⵙ ⵏ ⵓⴳⵏⵙⵓ, ⵙ ⵓⵙⵖⵣⵣⵉⴼ ⵏ ⵓⵣⵣⵉⴳⵔ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴳ ⴰⴽⴽⵯ ⴰⴽⴰⵍ ⴰⵏⴰⵎⵓⵔ ⴷⴰⵜ ⵏ ⵓⴼⵉⵔⵓⵙ "ⴽⵓⵕⵓⵏⴰ" (ⴽⵓⴼⵉⴷ-19) ⵙ ⴰⵙⴰⵎⴰⵙ 10 ⵉⵏⵏⴰⵢⵔ 2021 ⴳ ⵜⵙⵔⴰⴳⵜ ⵏ 06:00 ⴷⴼⴼⵉⵔ ⵏ ⵜⴷⴳⴳⵯⴰⵜ ⴰⵔ ⴰⴽⵕⴰⵙ 10 ⴱⵕⴰⵢⵕ 2021 ⴳ ⵜⵙⵔⴰⴳⵜ ⵏ 06:00 ⴷⴼⴼⵉⵔ ⵏ ⵜⴷⴳⴳⵯⴰⵜ .

ⵉⵙⵓⵍ ⵉⵏⵏⴰ ⵎⴰⵙⵙ ⴰⵎⵣⴰⵣⵉ ⵎⴰⵙ ⵓⵙⵏⵜⵉ ⵏ ⵓⵎⵕⵚⵓⵎ ⵉⵎⵍⴰ ⵜⵉⵔⴰⵜⵉⵏ ⵏ ⵜⵉⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵏ ⵜⵔⵏⵓⵏⵜ ⵏ ⵜⵔⵡⵉ ⴷ ⵉⵎⴰⴽⵏ ⵏ ⵉⵙⵡⴰⴷⴷⵓⵏ ⵉⵜⵜⵢⵓⵎⴰⵣⵏ ⴷⴰⵜ ⵏ ⵓⵙⴼⵙⵔ ⵏ ⵓⴱⴰⵢⵢⵓⵕ "ⴽⵓⴼⵉⴷ 19".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%BD%E2%B5%93%E2%B4%BC%E2%B5%89%E2%B4%B7-19%E2%B4%B0%E2%B5%99%E2%B5%96%E2%B5%A3%E2%B5%A3%E2%B5%89%E2%B4%BC-%E2%B5%8F-%E2%B5%93%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B5%8D-%E2%B4%B0%E2%B4%B7%E2%B5%93%E2%B5%99%E2%B4%B0%E2%B5%8F-%E2%B4%B0%E2%B5%94-10-%E2%B4%B1%E2%B5%95%E2%B4%B0%E2%B5%A2%E2%B5%95-2021%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C