ⵉⵙⴽⵔ ⵓⵏⵎⵀⵍ ⴰⵎⴰⵜⴰⵢ ⵏ "ⵍⴰⵎⴰⴱ" ⵉⵎⴹⴰⴽⴰⵕⵏ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ (ⵉⵙⵉⵙⴽⵓ) ⵅⴼ ⵉⴱⵔⵉⴷⵏ ⵏ ⵓⵏⵏⴰⵍ ⵏ ⵜⵓⵇⵇⵏⵉⵏ ⵉⵙⵉⵏⵔⴰⵏ

05 ⵉⵏⵏⴰⵢⵔ 2021 Version Imprimable

ⵕⵕⴱⴰⵟ - ⵉⵙⴽⵔ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ "ⵍⴰⵎⴰⴱ" ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵍⵉⴷⵔⵉⵙⵉ ⴰⵙⵙ ⵏ ⵓⵙⵉⵏⴰⵙ ⵉⵎⴹⴰⴽⴰⵕⵏ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵜⴰⵎⵓⵙⵍⵎⵜ ⵏ ⵓⵙⴳⵎⵉ ⴷ ⵜⵎⴰⵙⵙⴰⵏⵉ (ⵉⵙⵉⵙⴽⵓ) ⵎⴰⵙⵙ ⵙⴰⵍⵎ ⴱⵏ ⵎⵓⵃⵎⵎⴷ ⵍⵎⴰⵍⴽ ⴳ ⵓⵎⵎⴰⵙ ⵏⵏⵙⵏ ⵉⴱⵔⵉⴷⵏ ⵏ ⵓⵏⵏⴰⵍ ⵏ ⵜⵓⵇⵇⵏⵉⵏ ⴳⵔ ⵙⵏⴰⵜ ⵜⴼⵓⵍⵉⵏ.

ⵎⵍⴰⵏ ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵍⵉⴷⵔⵉⵙⵉ ⴷ ⵎⴰⵙⵙ ⵙⴰⵍⵎ ⴱⵏ ⵎⵓⵃⵎⵎⴷ ⵍⵎⴰⵍⴽ ⴳ ⵓⵎⴰⴳⵔ ⴰⴷ ⵜⵉⵔⴰⵜⵉⵏ ⵏ ⵓⵙⴷⴷⵓⵙ ⵏ ⵜⵓⵇⵇⵏⵉⵏ ⵉⵙⵉⵏⵔⴰⵏ ⴳⵔ ⵙⵏⴰⵜ ⵜⵎⵔⵙⵍⵉⵏ ⴳ ⵓⵎⵏⵉⴷ ⵏ ⵓⵙⴳⵎⴹ ⵏ ⵜⵎⴷⵔⴰⵡⵜ ⵜⵓⵚⴽⴰ ⵅⴼ ⵉⵖⴰⵡⵙⵏ ⴷ ⵜⵜⵓⵙⴽⵉⵔⵉⵏ ⴳ ⵉⴳⵔⵏ ⵏ ⵉⴱⵉⴷⴷⵏ ⵏ ⵜⵉⵥⴹⵕⴰ ⴷ ⵓⵙⵎⵎⵓⵜⴳ ⵓⵏⵖⵎⵉⵙ ⵙⵍⴰⵡⵏ ⴰⴽⴽⵯ ⴳ ⵓⵎⵏⵣⵓ ⴰⴼⵔⵉⵇⵉ ⴷ ⵜⵉⵥⵕⵉⴳⵏ ⵓⵍⴰ ⴳ ⵉⴳⵔⵏ ⵏ ⵜⴷⵍⵙⴰ ⴷ ⵉⵎⴰⵙⵙⵏ ⴷ ⵜⴳⵎⵉ.

ⴳ ⵓⵣⵎⵎⵣⵓ ⴷⵖ ⵉⵜⵜⵓⵙⵔⵙ ⵜⴼⴰⵡⵜ ⵅⴼ ⵜⴰⵡⵓⵔⵉ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⴷ ⵉⵙⵉⵙⴽⵓ ⴷ ⴰⵙⴱⵉⴷⴷ ⵅⴼ ⵉⵙⵢⴰⴼⵓⵏ ⵉⴷⴷⵓⵔⵏ ⵏ ⵙⵏⴰⵜ ⵜⵎⵔⵙⵍⵉⵏ ⵓⵍⴰ ⵉⵙⵏⴼⵍⵏ ⴳ ⵜⵏⴰⵢⵉⵏ ⵏⵏⴷ ⴷ ⵉⵎⴰⴽⵏ ⵏ ⵜⵡⵓⵔⵉⵏⵏⵙⵏ .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%89%E2%B5%99%E2%B4%BD%E2%B5%94-%E2%B5%93%E2%B5%8F%E2%B5%8E%E2%B5%80%E2%B5%8D-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95%E2%B5%8F-%E2%B4%B7-%E2%B5%93%E2%B5%8F%E2%B5%8E%E2%B5%80%E2%B4%B0%E2%B5%8D-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%8E%E2%B4%B0%E2%B4%B7%E2%B4%B7%E2%B4%B0%E2%B5%99%E2%B5%9C-%E2%B5%8F-%E2%B5%89%E2%B5%99%E2%B5%89%E2%B5%99%E2%B4%BD%E2%B5%93-%E2%B5%85%E2%B4%BC-%E2%B5%89%E2%B4%B1%E2%B5%94%E2%B5%89%E2%B4%B7%E2%B5%8F-%E2%B5%8F