Published on MAPNews (https://www.mapnews.ma/am)

Accueil > "ⴽⵓⴼⵉⴷ-19" : ⴰⵙⵖⵣⵣⵉⴼ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴰⵔ 10 ⵉⵏⵏⴰⵢⵔ 2021 (ⴰⵙⵇⵇⵉⵎ ⵏ ⵜⵏⴱⴰⴹⵜ)

"ⴽⵓⴼⵉⴷ-19" : ⴰⵙⵖⵣⵣⵉⴼ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴰⵔ 10 ⵉⵏⵏⴰⵢⵔ 2021 (ⴰⵙⵇⵇⵉⵎ ⵏ ⵜⵏⴱⴰⴹⵜ)

03 ⴷⵓⵊⴰⵏⴱⵉⵔ 2020 Version Imprimable
ⵕⵕⴱⴰⵟ - ⵉⵙⵙⵖⵥⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵢⵎⴰⵏⵏ ⴰⵙⵙ ⵏ ⵓⴽⵡⴰⵙ ⵙ ⵜⵏⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⵅⴼ ⵓⵎⵕⵚⵓⵎ ⵡⵉⵙⵙ 2.20.882 ⵏ ⵓⵙⵖⵣⵣⵉⴼ ⵏ ⵓⵣⵣⵉⴳⵔ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴳ ⴰⴽⴽⵯ ⵡⴰⴽⴰⵍ ⴰⵏⴰⵎⵓⵔ ⴰⵔ 10 ⵉⵏⵏⴰⵢⵔ 2021, ⴷⴰⵜ ⵏ ⵓⵙⴼⵙⵔ ⵏ ⵓⴼⵉⵔⵓⵙ ⴽⵓⵕⵓⵏⴰ "ⴽⵓⴼⵉⴷ 19".

ⵉⵏⵏⴰ ⵡⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ, ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴳ ⵢⴰⵏ ⵓⵙⵉⵡⴹ ⵍⵍⵉ ⵢⵖⵕⴰ ⴷⴼⴼⵉⵔ ⵏ ⵓⵎⴰⴳⵔ ⵏ ⵜⵏⵖⵎⴰⵙⵜ ⵏ ⵜⵙⵎⵓⵏⵉ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵎⴰⵙ ⵍⵍⵉⵖ ⵔⴰⵏⵜ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴰⴷ ⵜⵔⵏⵓⵏⵜ ⴰⵙⵡⵡⵓⵔⵉ ⴷ ⵓⵙⵡⵓⴷⴷⵓ ⵏ ⵜⵖⴰⵡⵙⵉⵡⵉⵏ ⵉⵜⵜⵓⵙⴽⴰⵔⵏ ⴰⴼ ⴰⴷ ⵉⴱⵉⴷⴷ ⵓⵙⴼⵙⵔ ⵏ ⵓⴱⴰⵢⵢⵓⵕ "ⴽⵓⴼⵉⴷ-19", ⵉⵔⴰ ⵡⵙⵏⵜⵉ ⵏ ⵓⵎⵕⵚⵓⵎ ⴰⴷ, ⵍⵍⵉ ⵢⵙⵎⵏⵉⴷ ⵓⵎⴰⵡⵙⴰⵙ ⵏ ⵓⴳⵏⵙⵓ, ⴰⴷ ⵉⵙⵖⵣⵣⵉⴼ ⴰⵣⵣⵉⴳⵔ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴳ ⴰⴽⴽⵯ ⵡⴰⴽⴰⵍ ⴰⵏⴰⵎⵓⵔ ⵙⴳ ⵓⴽⵡⴰⵙ 10 ⴷⵓⵊⴰⵏⴱⵉⵔ 2020 ⴳ ⵜⵙⵔⴰⴳⵜ ⵏ 06:00 ⵏ ⵜⴷⴳⴳⵯⴰⵜ ⴰⵔ ⴰⵙⵙ ⵏ ⵓⵙⴰⵎⴰⵙ 10 ⵉⵏⵏⴰⵢⵔ 2021 ⴳ ⵜⵙⵔⴰⴳⵜ ⵏ 06:00 ⴷⴼⴼⵉⵔ ⵏ ⵜⴷⴳⴳⵯⴰⵜ.

ⵉⵙⵓⵍ ⵉⵏⵏⴰ ⵎⴰⵙⵙ ⴰⵎⵣⴰⵣⵉ ⵎⴰⵙ ⵉⴼⴽⴰ ⵓⵎⵕⵚⵓⵎ ⵏ ⵜⵏⴱⴰⴹⵜ ⵉⵜⵜⵓⵙⵎⴳⵍⵏ ⵙ ⵓⴳⵏⵙⵓ ⴰⴷ ⵜⴰⵎⵥ ⴰⴽⴽⵯ ⵉⵙⵡⵓⴷⴷⵓⵏ ⵉⵅⵚⵚⴰⵏ ⴳ ⵓⵙⵡⵉⵔ ⴰⵏⴰⵎⵓⵔ, ⵎⴰ ⵢⴰⴷ ⵉⵣⴷⵉⵏ ⴷ ⵉⵏⵖⵎⵉⵙⵏ ⵅⴼ ⵡⴰⴷⴷⴰⴷ ⵏ ⵓⴱⴰⵢⵢⵓⵕ ⵉⵍⵍⴰⵏ, ⵓⵍⴰ ⵉⴼⴽⴰ ⵉ ⵍⵡⵓⵍⴰⵜ ⴷ ⵉⵏⴱⴰⴹⵏ ⵏ ⵜⵙⴳⴰⵡⵉⵏ ⴰⴷ ⴰⵎⵥⵏ ⵉⵙⵡⵓⴷⴷⵓⵏ ⵏ ⵓⵣⵣⵉⴳⵔ ⵏ ⵓⴼⵔⴰⴽ ⵅⴼ ⴰⵏⴳⵔⴰⵡ ⴰⵎⴰⵜⴰⵢ ⴰⴷⵓⵙⴰⵏ ⴳ ⵓⵙⵡⵉⵔ ⵏ ⵜⵎⵏⴱⴰⴹⵜ ⴷ ⵜⵙⴳⴰ ⴷ ⵜⴼⵔⴰⵏⵜ ⵏⵖⴷ ⵓⴳⴳⵯⴰⵔ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B4%B0%E2%B5%99%E2%B5%96%E2%B5%A3%E2%B5%A3%E2%B5%89%E2%B4%BC-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B5%8D-%E2%B4%B0%E2%B4%B7%E2%B5%93%E2%B5%99%E2%B4%B0%E2%B5%8F-%E2%B4%B0%E2%B5%94-10-%E2%B5%89%E2%B5%8F%E2%B5%8F%E2%B4%B0%E2%B5%A2%E2%B5%94-2021-%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C