ⵉⵙⵎⴰⵢⵏⴰ ⵡⵎⴰⵡⵙⴰⵙ ⵏ ⵜⴷⵓⵙⵉ ⴰⵙⴷⴷⵉⴷ ⵏⵏⵙ ⵎⴰⵙ ⵜⵎⵀⵍⴰ ⵏ ⵓⴳⵣⵣⴰⵢ ⵉⵙⵏⵉⵎⴰⵍ ⵎⴳⴰⵍ "ⴽⵓⴼⵉⴷ 19" ⵔⴰⴷ ⵜⵖⵎⵓⵙ ⵏ ⵉⵏⵎⵓⵔⵉⵏ ⵓⵡⵜⵜⴰⵢ ⵏⵏⵙⵏ ⵓⴳⴳⵔ 18 ⵓⵙⴳⴳⵯⴰⵙ ⴳ ⵢⴰⵏ ⵓⵖⴰⵡⴰⵙ ⵏ ⵓⴳⵣⵣⴰⵢ ⴳ ⵙⵉⵏ ⵉⴳⵔⴰⵡⵏ

24 ⵏⵓⵡⴰⵏⴱⵉⵔ 2020 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⴷⵓⵙⵉ ⵅⴰⵍⵉⴷ ⴰⵢⵜ ⵟⵟⴰⵍⴱ ⴰⵙⵎⴰⵢⵏⵓ ⴰⵙⵙ ⵏ ⵓⵢⵏⴰⵙ ⵎⴰⵙ ⵎⴰⵙ ⵜⵎⵀⵍⴰ ⵏ ⵓⴳⵣⵣⴰⵢ ⵉⵙⵏⵉⵎⴰⵍ ⵎⴳⴰⵍ "ⴽⵓⴼⵉⴷ 19" ⵔⴰⴷ ⵜⵖⵎⵓⵙ ⵏ ⵉⵏⵎⵓⵔⵉⵏ ⵓⵡⵜⵜⴰⵢ ⵏⵏⵙⵏ ⵓⴳⴳⵔ 18 ⵓⵙⴳⴳⵯⴰⵙ ⴳ ⵢⴰⵏ ⵓⵖⴰⵡⴰⵙ ⵏ ⵓⴳⵣⵣⴰⵢ ⴳ ⵙⵉⵏ ⵓⴳⵔⴰⵡ .

ⵉⵙⵓⵍ ⵉⵏⵏⴰ ⵎⴰⵙⵙ ⴰⵢⵜ ⵟⴰⵍⴱ ⵍⵍⵉⵖ ⵉⵔⴰⵔ ⵅⴼ ⵢⴰⵏ ⵓⵙⵇⵙⵉ ⵓⵙⴳⵓⵎⵏ ⴳ ⵜⵔⵎⵉⵜ ⵜⵎⵍⵍⴰⵙⴰⵜ ⵏ ⵉⵙⵇⵙⵉⵏ ⵉⵎⵉⵡⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ " ⵔⴰⴷ ⵜⵖⵎⵓⵙ ⵜⴰⵎⵀⵍⴰ ⴰⴷ ⵉⵏⴰⵎⵓⵔⵉⵏ ⵓⴳⴳⴰⵔ ⵓⵡⵜⵜⴰⵢ ⵏⵏⵙⵏ 18 ⵓⵙⴳⴳⵯⴰⵙ ⴳ ⵓⵖⴰⵡⴰⵙ ⵏ ⵓⴳⵣⵣⴰⵢ ⴳ ⵙⵉⵏ ⵉⴳⵔⴰⵡⵏ ⴷ ⵜⵜⵓⴼⴽⴰⵏ ⵏ ⵉⵣⵡⵓⵔⴰ ⵙ ⵓⵙⵉⵜⵉ ⵏ ⵉⵎⵡⵡⵓⵔⵉⵏ ⴳ ⵜⵣⵔⵉⴳⵏ ⵉⵣⵡⵓⵔⵏ ⴷ ⵉⴱⵉⴷⴷⵏ ⵏ ⵉⵔⴳⵣⵏ ⵏ ⵜⴷⵓⵙⵉ ⴷ ⵜⵉⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵜⴳⴳⴰⵍⵉⵏ ⵏ ⵜⵏⴼⵔⵓⵜ ⴷ ⵉⵎⵡⵡⵓⵔⵉⵏ ⴳ ⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ ⵓⵍⴰ ⵎⵉⴷⴷⵏ ⵉⵡⵙⵙⵉⵔⵏ ⴷ ⵉⵎⵥⵍⴰⴹⵏ ⴷ ⵔⴰⴷ ⵜⵙⵓⵙⵖ ⵉ ⵉⵎⵣⴷⴰⵖⵏ ⵢⴰⴹⵏⵉⵏ.

ⵉⵙⵓⵍ ⵉⵏⵏⴰ ⵎⴰⵙ "ⴰⵡⵜⵜⴰⵙ ⵏ ⵓⴼⵔⴰⴳ ⵏ ⵜⴷⵓⵙⵉ ⵜⴰⵎⴰⵜⴰⵢⵜ ⴷ ⴰⴷⵔⵓⵙ ⵏ ⵜⵉⵍⴽⴰⵎⵉⵏ ⵉⵏⴰⵎⵓⵏⵉⵏ ⴷ ⵉⴷⵎⵙⴰⵏⵉⵏ ⵏ ⵓⴼⵉⵔⵓⵙ ⴽⵓⵕⵓⵏⴰ ⴰⵎⴰⵢⵏⵓ ⴳ ⵓⴱⵔⵉⴷ ⵏ ⵓⴹⵕ ⵏ ⵓⵎⴰⴹⴰⵏ ⵏ ⵜⵎⵜⵜⴰⵏⵜ ⴷ ⵜⵏⴼⵔⵓⵜ ⵏ ⵓⵙⵖⵏ ⵏ ⵓⵖⴰⵎⴰⵙ ⵓⵔ ⵜⴹⵕ ⴳ 80 % ⵏ ⵉⵎⵣⴷⴰⵖⵏ ⵏ ⵍⵎⵖⵔⵉⴱ ⴳ ⵢⴰⵏ ⵓⴳⵣⵣⴰⵢ ⴰⵏⴰⴼⵓⵔ ⴷ ⵉⵔⵡⵉ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%8E%E2%B4%B0%E2%B5%A2%E2%B5%8F%E2%B4%B0-%E2%B5%A1%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89-%E2%B4%B0%E2%B5%99%E2%B4%B7%E2%B4%B7%E2%B5%89%E2%B4%B7-%E2%B5%8F%E2%B5%8F%E2%B5%99-%E2%B5%8E%E2%B4%B0%E2%B5%99-%E2%B5%9C%E2%B5%8E%E2%B5%80%E2%B5%8D%E2%B4%B0-%E2%B5%8F-%E2%B5%93%E2%B4%B3%E2%B5%A3%E2%B5%A3%E2%B4%B0%E2%B5%A2-%E2%B5%89%E2%B5%99%E2%B5%8F%E2%B5%89%E2%B5%8E%E2%B4%B0%E2%B5%8D-%E2%B5%8E%E2%B4%B3%E2%B4%B0%E2%B5%8D-%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B5%94%E2%B4%B0%E2%B4%B7