Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

19 ⵏⵓⵡⴰⵏⴱⵉⵔ 2020 Version Imprimable
ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ:

"ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ, ⵢⴰⵏ ⴰⵍⴰⵖⵉ ⴰⵜⵉⵍⵉⴼⵓⵏⵉ ⵙⴳ ⴳⵎⴰⵜ ⴱⴰⴱ ⵏ ⵡⴰⴷⴷⵓⵔ ⴰⵀⴰⵛⵉⵎⵉ ⴰⴳⵍⵍⵉⴷ ⵄⴱⴷⵍⵍⴰⵀ ⵡⵉⵙⵙ ⵙⵉⵏ ⵉⵡⵙ ⵏ ⵍⵃⵓⵙⴰⵢⵏ, ⴰⴳⵍⵍⵉⴷ ⵏ ⵜⴳⵍⴷⵉⵜ ⵜⵓⵕⴹⵓⵏⵉⵜ ⵜⴰⵀⴰⵛⵉⵎⵉⵜ. 

ⵢⵓⵛⴽⴰ ⵓⵎⵢⴰⵡⴰⴹ ⴰⴷ ⴳ ⵓⵙⴰⵜⵉ ⵏ ⵜⵉⴷⴷⵓⴽⵍⴰ ⵍⵍⵉ ⴱⴷⴷⴰ ⵢⵙⵎⴰⵏⵏ ⵙⵉⵏ ⵉⴳⵍⴷⴰⵏⵏ ⴷ ⵉⵎⵍⴰ ⵜⵖⴰⵔⴰⵙⵜ ⵏ ⵓⵎⴰⵡⴰⵕ ⴷ ⵓⵣⴷⴷⵓⵢ ⵍⵍⵉ ⴱⴷⴷⴰ ⵜⵏ ⵉⵙⵎⴰⵏⵏ, ⵓⵍⴰ ⵉⵣⴷⴷⴰⵢⵏ ⵏ ⵓⵎⵢⴰⵡⴰⵙ ⵉⴼⵓⵍⴽⵉⵏ ⴳⵔ ⵙⵏⴰⵜ ⵜⴳⵍⴷⵉⵏ ⴰⵢⵜ ⵎⴰⵜⵏⵜ.   

ⴰⵎⵎⴰⵙ ⵏ ⵓⵎⵢⴰⵡⴰⴹ ⴰⴷ, ⵉⵙⵙⵎⵖⵔ ⴱⴰⴱ ⵏ ⵡⴰⴷⴷⵓⵔ ⴰⵀⴰⵛⵉⵎⵉ ⴰⴳⵍⵍⵉⴷ ⵄⴱⴷⵍⵍⴰⵀ ⵡⵉⵙⵙ ⵙⵉⵏ ⵉⵡⵙ ⵏ ⵍⵃⵓⵙⴰⵢⵏ ⵜⵖⵜⴰⵙⵜⵉⵏ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹⵏ ⵏⵏⵙ ⴰⴷ ⵜⵜⵓⵙⴽⴰⵔⵏⵜ ⴰⴼ ⴰⴷ ⵉⵙⵙⵓⵏⴼⵔⴰ ⴰⵎⵓⵙⵙⵓ ⵏ ⵎⴷⴷⵏ ⴷ ⵙⵙⵍⵉⵄⵜ ⴳ ⵜⵙⴳⴰ ⵏ ⵍⴳⵔⴰⴳⴰⵔⴰⵜ ⴳ ⵚⵚⵃⵕⴰ ⵜⵎⵖⵔⴰⴱⵉⵜ.

ⵉⵙⵙⵎⵖⵔ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵅⴼ ⵓⵎⵓⵔⵙ ⵏ ⵜⵎⵀⵍⴰ ⵢⴰⴷ ⴷ ⵓⵕⵥⵥⵓⵎ ⵏ ⵓⵙⴰⴽⴰ ⵢⴰⴷ ⴷⴰⵜ ⵏ ⵓⵎⵓⵙⵙⵓ ⵉⵏⴼⵔⴰⵏ ⵏ ⵎⴷⴷⵏ ⴷ ⵙⵙⵍⵉⵄⵜ ⵙⴳ ⵜⴳⵍⴷⵉⵜ ⵜⵎⵖⵔⴰⴱⵉⵜ ⵙ ⵜⵎⵉⵣⴰⵔ ⵜⵉⴼⵔⵉⵇⵉⵏ ⵏ ⵓⴼⴼⵓⵙ ⵏ ⵚⵚⵃⵕⴰ. 

ⴳ ⵓⵣⵎⵣⵣⵓ ⵢⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵄⴱⴷⵍⵍⴰⵀ ⵡⵉⵙⵙ ⵙⵉⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵜⵔⴰ ⵜⴳⵍⴷⵉⵜ ⵜⵓⵕⴹⵓⵏⵉⵜ ⵜⴰⵀⴰⵛⵉⵎⵉⵜ ⴰⴷ ⵜⵕⵥⵎ ⵜⴰⵙⵇⵓⵏⵙⵓⵜ ⵏⵏⵙ ⴳ ⵜⵖⵔⵎⵜ ⵏ ⵍⵄⵢⵓⵏ ⵜⵎⵖⵔⴰⴱⵉⵜ. ⵔⴰⴷ ⵣⴷⵉⵏⵜ ⵜⵎⴰⵡⴰⵙⵉⵏ ⵏ ⴱⵕⵕⴰ ⵏ ⵙⵏⴰⵜ ⵜⵎⵉⵣⴰⵔ ⴰⴼ ⴰⴷ ⵃⵢⵢⵍⵏⵜ ⵉ ⵎⴰⴷ ⵉⵅⵚⵚⴰⵏ ⵉ ⵜⵡⵓⵔⵉ ⵢⴰⴷ. 

ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉ ⴳⵎⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵄⴱⴷⵍⵍⴰⵀ ⵡⵉⵙⵙ ⵙⵉⵏ, ⵜⴰⵏⵎⵎⵉⵔⵜ ⵏⵏⵙ ⵉ ⵜⵖⵜⴰⵙⵜ ⵉⴷⴷⵓⵔⵏ ⴰⴷ, ⵍⵍⵉ ⵢⴽⵛⵎⵏ ⴳ ⵓⵙⴰⵜⵉ ⵏ ⵜⵏⵏⴰⵢⵜ ⵉⵏⵏⴰⵍⵏ ⵜⵖⴰⵡⵙⴰ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵍⵍⵉ ⴱⴷⴷⴰ ⵜⵎⵍⴰ ⵜⴳⵍⴷⵉⵜ ⵜⵓⵕⴹⵓⵏⵉⵜ ⵜⴰⵀⴰⵛⵉⵎⵉⵜ"

Dernière modification : 19 ⵏⵓⵡⴰⵏⴱⵉⵔ 2020
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-39