ⵉⴳⴰ ⴰⵙⵙ ⵏ 19 ⵏⵓⵡⴰⵏⴱⵉⵔ ⵏ ⴽⵔⴰ ⵢⴳⴰⵜ ⵓⵙⴳⴳⵯⴰⵙ ⵢⴰⵏ ⴰⵣⵎⵣⵣⵓ ⵉⵅⴰⵜⴰⵔⵏ ⵉⵎⵍⴰⵏ ⵉⴳⵉⵏ ⵉⴼⵓⵍⴽⵉⵏ ⵉⴳⴳⵓⵜⵏ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵎⴰⵢⴰⴷ ⵉⵜⵜⵓⵙⵙⴰⵏ ⵙ ⵡⴰⵙⵓⵖⵏ ⵏⵏⵙ ⵅⴼ ⵡⵉⵍⵍⵉ ⵎⵓ ⵉⵀⵔⵛ ⵓⵙⵓⵔⵙ ⵖ ⵍⵎⵖⵔⵉⴱ, ⴰⵛⴽⵓ ⵢⴳⴰ ⵢⴰⵜ ⵜⵎⵙⵙⵉⵍⵉⵜ ⵉⴳⴰⵏ ⵜⴰⵎⵙⴷⴷⵓⵔⵜ ⵖ ⵓⴼⵔⴰⴳ ⵏ ⵓⵡⵏⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ.
ⵣⵓⵏⴷ ⵖⵉⴽ ⴰⵏⵏ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵏ ⵓⵔⴰⵢ ⵅⴼ ⵓⵢⴷⴰ ⴰⴷⵍⵙⴰⵏ ⴳ ⵜⵖⵔⵎⵜ ⵏ ⵕⵕⴱⴰⵟ, ⴰⵙⵙ ⵏ 14 ⴱⵕⴰⵢⵕ 2020, ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵎⵔⵙⴰⵍⵜ ⴰⴷ, ⵍⵍⵉ ⵢⵥⵍⵉⵏ ⵉ ⵡⵙⵓⵜⴳ ⵏ ⵜⴽⵍⵉ ⵏ ⵓⵔⴰⵢ ⵅⴼ ⵓⵢⴷⴰ ⴰⴷⵍⵙⴰⵏ ⵏ ⵕⵕⴱⴰⵟ ⴷ ⵓⵥⵍⴰⵢ ⵏ ⵓⵖⴰⵡⴰⵙ ⵏ ⵜⵙⵏⵜⴰⵢⵉⵏ ⵍⵍⵉ ⵔⴰⴷ ⵜⵜⵓⵙⴽⴰⵔⵏⵜ ⴳ ⵓⵙⴳⴳⵯⴰⵙ ⴰⴷ.
ⵜⵙⵙⵏ ⵜⵖⵔⵎⵜ ⵏ ⵕⵕⴱⴰⵟ, ⵅⴼ ⵜⴷⵉⵏⴰⵎⵉⵜ ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵓⴼⴼⵖ ⵏ ⵎⵏⵏⴰⵡ ⵏ ⵉⵙⵏⵜⵉⵏ ⵉⵏⴳⵔⴰⵡⵏ, ⴰⵎⵎ ⵓⵖⴰⵡⴰⵙ "ⵕⵕⴱⴰⵟ, ⵜⵉⵖⵔⵎⵜ ⵏ ⵜⴼⴰⵡⵜ, ⵜⴰⵎⴰⵣⵓⵏⵜ ⵜⴰⴷⵍⵙⴰⵜ ⵏ ⵍⵎⵖⵔⵉⴱ", ⵓⵍⴰ ⵉⵖⴰⵡⴰⵙⵏ ⵉⵥⵍⵉⵏ ⵅⴼ ⵓⵙⵓⵖⵍⵓ ⵏ ⵜⵉⵣⵉ ⵏ ⵜⵎⵣⴷⵓⵖⵜ ⵉⵥⴹⴰⵕⵏ ⴰⴷ ⵜⵅⵍⵓ, ⴷ ⵓⵎⵙⴰⵙⴰ ⵏ ⵜⴰⵎⴰ ⵏ ⵓⵙⵉⴼ ⵏ ⴱⵓⵔⴳⵔⴰⴳ, ⵓⵍⴰ ⵉⵖⴰⵡⴰⵙⵏ ⵉⵥⵍⵉⵏ ⵙ ⵓⵙⵓⵜⴳ ⵏ ⵜⵖⵔⵎⵉⵡⵉⵏ ⵜⵉⵇⴱⵓⵔⵉⵏ ⵏ ⵕⵕⴱⴰⵟ ⴷ ⵙⵍⴰ.
ⴰⵙⵙ ⵏ 06 ⵏ ⵡⴰⵢⵢⵓⵔ ⴰⵏⵏ ⵏⵉⵜ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴳ ⵓⵙⴼⵙⴰⵔ ⴰⴳⵔⴰⵖⵍⴰⵏ ⵏ ⴹⴹⴰⵕⵍⴱⵉⴹⴰ, ⴰⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 26 ⵏ ⵓⵙⴼⵙⴰⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ, ⵍⵍⵉ ⵢⵜⵜⵓⵙⵏⵎⴰⵍⵏ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ.
ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵎⴰ ⵢⴰⴷ ⵉⵎⴰⵏⵏ ⴷ ⵓⵎⴰⵡⵙⴰⵙ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ, ⴰⵎⵙⵉⵡⵍ ⵙ ⵢⵉⵙⵎ ⵏ ⵜⵏⴱⴰⴹⵜ, ⵎⴰⵙⵙ ⵍⵃⴰⵙⴰⵏ ⵄⴱⵢⴰⴱⴰ, ⴷ ⵜⵎⵉⵔⵉⵜ ⵏ ⵓⴼⵙⴰⵔ ⵎⴰⵙⵙⴰ ⵍⴰⵟⵉⴼⴰ ⵎⵓⴼⵜⴰⵇⵉⵕ, ⵢⴰⵏ ⵓⵔⵣⴰⴼ ⵉ ⵢⵏⵙⴰⵏ ⵏ ⵓⴼⵙⴰⵔ ⵏ ⵉⴳⵔ ⵏ ⵜⴷⵍⵙⴰ, ⴷ ⵏ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ.
ⴷ ⴳ 23 ⴷⵓⵊⴰⵏⴱⵉⵔ 2019 ⴳ ⵕⵕⴱⴰⵟ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⴼⵓⴳⵍⴰ ⵜⴰⵎⵙⴳⴳⵯⴰⵙⵜ ⵏ ⵢⴰⵏ ⵉⵎⵏⵙⵉ ⴰⴷⵉⴱⵍⵓⵎⴰⵙⵉ ⵏ ⵜⵡⵍⵍⵓⵖⵜ, ⵍⵍⵉ ⵜⵙⵏⵎⴰⵍⴰ ⵜⵎⵙⵇⴰⴷⵜ ⵏ ⵓⵚⵟⵕⴰⵍⵢⴰ ⴷ ⵜⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ.
ⵜⵙⵎⴰⵏ ⵜⴼⵓⴳⵍⴰ ⵢⴰⴷ, ⵍⵍⵉ ⵢⵜⵜⵓⵙⵏⵎⴰⵍⴰⵏ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵉⵎⵙⴽⴰⵔⵏ ⵅⴼ ⵜⵡⵓⵔⵉⵡⵉⵏ ⵏ ⵜⵡⵍⵍⵓⵖⵜ ⵅⴼ ⵉⵎⵉⵔ ⴰⴷⵉⴱⵍⵓⵎⴰⵙⵉ ⴰⴱⵕⵕⴰⵏⵉ ⵉⵜⵜⵖⵣⵉⵏ ⵖⵓⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵢⴰⵏ ⵓⵎⵓⵙⵙⵓ ⵏ ⵓⵙⴳⵯⴰⵙⵏ ⵍⵍⵉ ⵢⵜⵙⵏⵎⴰⵍⴰ ⵙ ⵜⴰⵙⵏⵜⴰⵢⵜ ⵏ ⵜⵉⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ ⴷ ⵜⵉⵎⵙⵇⴰⴷⵉⵏ ⵜⵉⴱⵕⵕⴰⵏⵢⵉⵏ ⵉⵜⵜⵓⵖⵣⵉⵏ ⴳ ⵕⵕⴱⴰⵟ, ⴳ ⵙⵙⴱⵖⵔ ⵏ ⵉⵣⴷⵓⵖⵏ ⵉⵥⵍⴰⴹⵏ ⵙ ⵜⴷⵔⴰⵡⵜ ⵏ ⴷⵉⴱⵍⵓⵎⴰⵙⵢⵉⵏ ⴷ ⵉⵔⴳⵣⵏ ⵏ ⵜⵡⵓⵔⵉⵡⵉⵏ ⴷ ⵉⵏⴰⵥⵓⵔⵏ.
ⴰⵙⵙ ⵏ 09 ⴷⵓⵊⴰⵏⴱⵉⵔ ⴳ ⵡⴰⵢⵢⵓⵔ ⴰⵏⵏ ⵏⵉⵜ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵡⵏⴰⴹ ⴳ ⵕⵕⴱⴰⵟ ⴰⵙⵇⵇⵉⵎ ⵏ ⵜⵎⵀⵍⴰ ⵏ ⵜⵎⵔⵙⵍⵜ ⴰⴷ.
ⴰⵙⵙ ⴰⵏⵏ ⵍⵍⵉ ⵜ ⵉⵣⵡⴰⵔⵏ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵓⴷⴷⵓⵔ ⵏ ⵜⵎⵙⵎⵓⵏⵜ ⵏ ⵜⵡⵍⵍⵓⵖⵜ, ⴳ ⵓⵙⵖⵉⵎ ⵏ ⵜⴷⴷⴰⵔⵜ ⵏ ⵉⴼⵔⵓⵅⵏ ⵍⵍⴰⵍⴰ ⵃⵙⵏⴰ ⴳ ⴹⴹⴰⵕⵍⴱⵉⴹⴰ, ⵢⴰⵜ ⵜⴼⵓⴳⵍⴰ ⵏ ⵓⵙⵙⴽⵜⵉ ⵡⵉⵙⵙ 30 ⵏ ⵓⵙⵙⵓⴼⵖ ⵏ ⵜⴰⵎⵙⵎⵓⵏⵜ ⴰⴷ.
ⴰⵙⵙ ⵏ 30 ⵏⵓⵡⴰⵏⴱⵉⵔ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵜⴳⴰⴷⵉⵔⵜ ⵏ ⵉⴳⵔⴰⵡⵏ ⴳ ⵎⵕⵕⴰⴽⵯⵛ ⵢⴰⵏ ⵉⵎⵏⵙⵉ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⴰⵎⴷⴷⵓⴷ ⵏ ⵜⵙⵓⵜⵍⵜ ⵜⵉⵙⵙ 18 ⵓⵍⵎⵓⵇⵇⴰⵕ ⴰⴳⵔⴰⵖⵍⴰⵏ ⵏ ⵍⴼⵉⵍⵎ ⵏ ⵎⵕⵕⴰⴽⵯⵛ.
ⴷ ⴳⴰⵙⵙ ⵏ 20 ⵏⵓⵡⴰⵏⴱⵉⵔ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵜ ⵜⴼⵓⴳⵍⴰ ⵏ ⵉⵎⵏⵙⵉ ⴳ ⵍⵓⵙ ⴰⵏⵊⵍⵓⵙ ⵉⵙⴼⵓⴳⵍⴰⵏ ⵓⵡⴰⵏⴽ ⴰⵄⴰⵍⴰⵡⵉ ⵎⴰⵢⴰⴷ ⵉⴳⴰⵏ "ⴰⵡⴰⵏⴽ ⵏ ⵓⵎⵙⵓⵔⵓⴼ", ⵍⵍⵉ ⵜⵙⵓⵏⵎⵍ ⵜⴰⴳⵔⴰⵡⴰⵏⵜ ⵜⴰⵢⵓⴷⴰⵢⵜ ⵜⴰⵙⵉⴼⴰⵕⴰⴷⵉⵜ "ⵉⵎ ⵀⴰⴱⴰⵏⵉⵎ".