Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

16 ⵏⵓⵡⴰⵏⴱⵉⵔ 2020 Version Imprimable
ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ:

"ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ, ⵢⴰⵏ ⵓⵖⵓⵔⵉ ⴰⵜⵉⵍⵉⴼⵓⵏⵉ ⴷ ⴳⵯⵎⴰⵜ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⵜⴰⵎⵉⵎ ⴱⵏ ⵃⴰⵎⴰⴷ ⴰⵍ ⵜⴰⵏⵉ, ⴰⴳⵍⴷⵓⵏ ⵏ ⵓⵡⴰⵏⴽ ⵏ ⵇⴰⵟⴰⵕ. 

ⴰⵎⵎⴰⵙ ⵏ ⵓⵖⵓⵔⵉ ⵢⴰⴷ, ⵉⵣⵓⵍ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⵜⴰⵎⵉⵎ ⴱⵏ ⵃⴰⵎⴰⴷ ⴰⵍ ⵜⴰⵏⵉ ⵜⵖⵜⴰⵙⵉⵏ ⵍⵍⵉ ⵢⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴼ ⴰⴷ ⵉⵙⵙⴳⵔⴰⵡⵍ ⴰⵙⵓⵔⵙ ⴳ ⵜⵙⴳⴰ ⵏ ⵍⴳⵔⴳⴰⵔⴰⵜ ⴳ ⵚⵚⵃⵕⴰ ⵜⵎⵖⵔⴰⴱⵉⵜ, ⴷ ⵉⵙⵎⵎⵖⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵜⵖⴰⵡⵙⵉⵡⵉⵏ ⵍⵍⵉ ⴷ ⵜⵉⵡⵉ ⵜⵖⵜⴰⵙⵉⵏ ⵍⵍⵉ ⴷ ⵢⵙⵙⴳⵔⴰⵡⵍⵏ ⴰⵕⵥⵥⵓⵎ ⵏ ⵓⵙⴰⴽⴰ ⵉ ⵓⵙⵉⴽⵍ ⵉⵏⴼⵔⴰⵏ ⵏ ⵎⴷⴷⵏ ⴷ ⵙⵙⵍⵉⵄⵜ.

ⵉⵎⵍⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⵏⵏⴰⵍ ⵏⵏⵙ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵅⴼ ⵜⵡⵓⵔⵉⵡⵉⵏ ⵍⵍⵉ ⴰⵔ ⵜⵙⴽⴰⵔ ⴰⴼ ⴰⴷ ⵜⵃⵟⵟⵓ ⵜⴰⵏⴼⵔⵓⵜ ⵏ ⵡⴰⴽⴰⵍ ⴷ ⵉⵏⵎⵓⵔⵉⵏ ⵏⵏⵙ.

ⴰⵎⵎⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵣⵓⵍ ⵜⴰⵖⵜⴰⵙⵜ ⵏ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⵜⴰⵎⵉⵎ ⴱⵏ ⵃⴰⵎⴰⴷ ⴰⵍ ⵜⴰⵏⵉ, ⵉⵔⴰⵏ ⴰⴷ ⵉⵙⵏⵎⴰⵍ ⵉⵙⵜⴰⵢⵏ ⵓⵙⵔⵉⴷⵏ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵛⵛⵓⵕⴰ, ⴳ ⵓⵙⴳⴳⵯⴰⵙ ⴰⴷ ⵢⵓⵛⴽⴰⵏ, ⵉⵔⵏⴰ ⵢⵏⵏⴰ ⵎⴰⵙ ⵜⴹⴼⵕ ⵜⵡⵓⵔⵉ ⵉⴷⴷⵓⵔⵏ ⴰⴷ ⴰⵙⵜⴰⵢ ⴰⴷⵓⵙⵜⵓⵔⵉ ⵏ ⵓⵡⴰⵏⴽ ⵏ ⵇⴰⵟⴰⵕ ⴰⴳⵯⵎⴰ, ⴷ ⵉⴳⴰ ⵢⴰⵜ ⵜⵡⵓⵔⵉ ⵜⴰⵎⴰⵢⵏⵓⵜ ⴳ ⵜⵣⵉⴳⵣⵜ ⵏ ⵜⴳⵎⵉ ⴷ ⵏ ⵓⵙⵔⵜⴰⵔ ⵉⵜⵜⵉⵙⴽⴰⵔⵏ ⵙ ⵜⵏⵥⴻⵥⵜ ⵏ ⴱⴰⴱ ⵏ ⵡⴰⴷⴷⵓⵔ". 

Dernière modification : 16 ⵏⵓⵡⴰⵏⴱⵉⵔ 2020
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-38