ⴰⴳⵣⵣⴰⵢ ⵎⴳⴰⵍ ⵏ "ⴽⵓⴼⵉⴷ-19" : ⵍⴰⵃⵡⴰⵍ ⵏ 10 ⵓⵎⵍⵢⵓⵏ ⵓⴳⵔⴰⵡ ⴳ ⵜⴽⵍⵉ ⵜⴰⵎⴰⵣⵡⴰⵔⵓⵜ (ⴰⵎⵓⵣⴰⵢ)

12 ⵏⵓⵡⴰⵏⴱⵉⵔ 2020 Version Imprimable

ⵕⵕⴱⴰⵟ - ⵉⵏⵏⴰ ⵍⴱⵔⵓⴼⵉⵙⵓⵔ ⵄⵣⵣⴷⴷⵉⵏ ⵉⴱⵔⴰⵀⵉⵎⵉ, ⴰⵏⵎⵀⴰⵍ ⵏ ⵓⵙⴰⵔⵎ ⴰⴱⵢⵓ-ⴰⵜⵉⴽⵏⵓⵍⵓⵊⵉ ⵏ ⵜⴷⵓⵙⵉ ⴳ ⵜⵖⵉⵡⴰⵏⵜ ⵏ ⵜⴷⵓⵙⵉ ⴷ ⵜⵙⵏⵙⴼⴰⵔⵜ ⴳ ⵕⵕⴱⴰⵟ, ⵎⴰⵙ ⵍⴰⵃⵡⴰⵍ ⵏ 10 ⵓⵎⵍⵢⵓⵏ ⵓⴳⵔⴰⵡ ⵎⴳⴰⵍ ⵏ ⵓⴼⵉⵔⵓⵙ "ⴽⵓⴼⵉⴷ-19" ⵔⴰⴷ ⵉⵍⵉⵏ ⴳ ⵍⵎⵖⵔⵉⴱ ⴳ ⵜⴽⵍⵉ ⵜⴰⵎⵣⵡⴰⵔⵓⵜ.

ⵉⴼⵔⴰ ⵢⵏⵏⴰ ⵍⴱⵔⵓⴼⵉⵙⵓⵔ ⵉⴱⵔⴰⵀⵉⵎⵉ, ⴳ ⵢⴰⵜ ⵜⵙⴳⵓⵔⵉ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵎⴰⵙ ⴰⵎⵣⵉⵣⵍ ⵏ ⵓⴳⵣⵣⴰⵢ ⴰⴷ ⵔⴰⴷ ⵉⴷⴷⵓ, ⴳ ⵓⵏⵙⴰ ⴰⵎⵣⵡⴰⵔⵓ, ⵙ ⵉⵎⵙⵡⵓⵔⵉⵏ ⴳ ⵉⴳⵔ ⵏ ⵜⴷⵓⵙⵉ ⴷ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵜⵏⴱⴰⴹⵉⵏ ⵜⵉⴷⵖⵔⴰⵏⵉⵏ, ⴰⵛⴽⵓ ⵍⵍⴰⵏ ⴳ ⵉⵣⵔⵉⴳⵏ ⵉⵣⵡⴰⵔⵏ ⴷⴰⵜ ⵏ ⵓⴱⴰⵢⵢⵓⵕ, ⴷ ⵔⴰⴷ ⵜⵅⵚⵚⵓ ⵜⴽⵍⵉⵜ ⴰⴷ ⵢⵓⵛⴽⴰⵏ ⵉⵏⴼⴳⴰⵏ ⵉⵟⵟⴰⴼⵏ ⵢⴰⵏ ⵓⵜⵜⴰⵢ ⴷ ⵍⵍⵉ ⴷⴰⵔⵜⵏ ⵉⵍⵍⴰⵏ ⵉⵎⴰⴹⵓⵏⵏ ⵏⵖⴷ ⵉⵎⴰⴹⵓⵏⵏ ⵉⵛⵇⵇⴰⵏ.

ⵉⵙⵓⵍ ⵉⵏⵏⴰ ⵎⴰⵙ ⵉⵙ ⵉⴷⴷⵓⵔ ⵓⵔⵣⵣⵓ ⵢⴰⴷ, ⴰⵛⴽⵓ ⵔⴰⴷ ⴷⴰⵔⵏⵖ ⵢⵉⵍⵉ ⴰⵎⴰⴹⴰⵏ ⵉⴷⴷⵔⵓⵙⵏ ⵏ ⵉⴳⵔⴰⵡⵏ ⴳ ⵍⴱⴷⵓ, ⵎⴰ ⵢⴰⴷ ⵉⴳⴰⵏ 10 ⵏ ⵉⵎⵍⵢⵓⵏⵏ ⵏ ⵓⴳⵔⴰⵡ, ⴷ ⵔⴰⴷ ⵜⵏ ⵙⴼⵔⵓⵔⵉ ⵙ ⵜⵣⵡⴰⵔⵓⵜ, ⵎⵇⵇⴰⵕ ⵖⵉⴽ ⴰⵏⵏ, ⵜⴷⴷⵓⵔ ⵜⵖⴰⵡⵙⴰ ⵢⴰⴷ ⴰⵛⴽⵓ ⵔⴰⴷ ⵜⵕⵥⵎ ⵜⴳⴳⵓⵔⵜ ⵉ ⵓⵎⵎⴰⵥ ⵏ ⵓⴳⵣⵣⴰⵢ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B4%B3%E2%B5%A3%E2%B5%A3%E2%B4%B0%E2%B5%A2-%E2%B5%8E%E2%B4%B3%E2%B4%B0%E2%B5%8D-%E2%B5%8F-%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B5%8D%E2%B4%B0%E2%B5%83%E2%B5%A1%E2%B4%B0%E2%B5%8D-%E2%B5%8F-10-%E2%B5%93%E2%B5%8E%E2%B5%8D%E2%B5%A2%E2%B5%93%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B4%B3-%E2%B5%9C%E2%B4%BD%E2%B5%8D%E2%B5%89-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B4%B0%E2%B5%8E%E2%B5%93%E2%B5%A3%E2%B4%B0%E2%B5%A2