Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ 
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ 

27 ⴽⵟⵓⴱⵕ 2020 Version Imprimable
ⵕⵕⴱⴰⵟ - ⵀⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

"ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⵙⵉⵏⴰⵙ 27 ⴽⵟⵓⴱⵕ ⵢⴰⵏ ⵓⵎⵢⴰⵡⴰⴹ ⴰⵜⵜⵉⵍⵉⴼⵓⵏⵉ ⴳ ⴳⵯⵎⴰⵙ ⴱⴱⴰ ⵏ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴷ ⴱⵏ ⵣⴰⵢⴷ ⴰⵍ ⵏⵀⵢⴰⵏ ⴰⵎⴽⴽⵓⵙⵓ ⵏ ⴰⴱⵓ ⴹⴰⴱⵢ ⴷ ⵓⵎⴰⵔⵉ ⵏ ⴰⵎⵖⴰⵕ ⵏ ⵜⴳⴳⴰⵍⵉⵏ ⵜⵉⵍⴰⴼⴼⵉⵏ ⴳ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⵓⵏⵏ

ⵉⴽⵛⵎ ⵓⵎⵢⵢⴰⵡⴰⴹ ⴳ ⵓⵙⴰⵜⵉ ⵏ ⵓⵣⴷⵓⵢ ⴷ ⵉⵛⵛⴰⵡⵕⵏ ⵉⵎⵖⵍⴰⵍⵏ ⵏ  ⵉⵏⵙⵙⵉⵅⴼⵏ ⵏ ⵙⵏⴰⵜ ⵜⵎⵉⵣⴰⵔ ⴷ ⵎⴰⴷ ⵉⵙⵎⴰⵏ ⴳⵉⵔⵙⵏ ⵏ ⵜⵖⴱⵉ ⵏ ⵜⵉⴷⴷⵓⴽⵯⵍⴰ ⵉⵛⵛⴰⵔⵏ ; ⵓⵍⴰ ⴳ ⵓⵙⴰⵜⵉ ⵏ ⵜⵓⵇⵇⵇⴰⵏⵉⵏ ⵏ ⵓⵎⵢⴰⵡⴰⵙ ⵉⴼⵓⵍⴽⵉⵏ ⴷ ⵜⴱⴷⴰⴷⵜ ⵜⵔⵡⵉⵏ ⵍⵍⵉ ⵙⵎⴰⵏⵜ  ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⵓⵏⵏ ⵓⵍⵜⵎⴰ .

ⴳ ⵓⵎⵎⴰⵙ ⵏ ⵓⵎⵢⴰⵡⴰⴹ ⴰⴷ ⵉⵎⵍⴰ ⴱⴰⴱ ⵏ ⵜⴰⵜⵜⵓⵢⵜ ⴷ ⴰⵎⴽⴽⵓⵙⵓ ⵏ ⵍⵉⵎⴰⵔⴰⵜ ⵜⵉⵄⵕⴰⴱⵉⵏ ⵉⵎⵓⵏⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵖⵜⴰⵙⵜ ⵏ ⵜⵎⵉⵣⴰⵔⵜ ⵏⵏⵙ ⵏ ⵓⵕⵥⵥⵓⵎ ⵏ ⵢⴰⵜ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⴳ ⵜⵖⵔⵎⵜ ⵏ ⵍⵄⵢⵓⵏ ⴳ ⵜⵙⴳⴰⵡⵉⵏ ⵉⴼⴼⵓⵙ ⵏ ⵜⴳⵍⴷⵉⵜ .

ⴳ ⵓⵣⵎⵎⵣⵓ ⴷⵖ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵕⴱⴱⵉ ⴰⵙⵜⵓⴳ ⵏⵏⵙ ⴰⵎⵇⵇⵕⴰⵏ ⵏ ⴱⴰⴱ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⵓⵏⵏ ⵅⴼ ⵜⵖⵜⴰⵙⵜ ⴰⵎⵣⵔⵓⵢ ⵜⴷⴷⵓⵔⵏ ⴷ ⵓⵏⵏⴰⵏ ⵏ ⵓⵏⵏⴰⵍ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⵏ ⵜⴳⵍⴷⵉⵜ ⵙ ⵜⵏⴼⵓⵜ ⵏ ⵡⴰⴽⴰⵍ ⵏⵏⵙ ⵙⵍⴰⵡⵏ ⴰⴽⴽⵯ ⵎⴰⵙ ⵜⴷⵔⴰ ⵍⵉⵎⴰⵕⴰⵜ ⴳ ⵜⵡⴷⴰ ⵜⴰⵣⴳⵣⴰⵡⵜ ⵜⴰⵅⴰⵜⴰⵔⵜ .

ⴷ ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴼⴰⵅⵔ ⵏⵏⵙ ⵉⵖⴱⵉ ⵏ ⵜⵖⵜⴰⵙⵜ ⵏ ⵉⵎⴰⵔⴰⵜ ⴰⵎⵎⴰ ⴰⵡⴰⵏⴽ ⴰⵄⵕⴰⴱ ⴰⵎⵣⵡⴰⵔⵓ ⵏ ⵓⵕⵥⵥⵓⵎ ⵢⴰⵜ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⴳ ⵜⵙⴳⴰⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ; ⵜⵖⵜⴰⵙ ⵜⵎⵍⴰ ⴰⴷⴷⴰⴷ ⵏ ⵜⵙⵉ ⴳ ⵓⵎⵏⵣⴰⵖ ⵏ ⵉⵣⵔⴼⴰⵏ ⵏ ⵍⵎⵖⵔⵉⴱ ⵉⵙⴳⵍⵏ ⴷ ⵜⵖⴰⵡⵙⵉⵡⵉⵏ ⵏⵏⵙ ⵉⵣⵔⴼⴰⵏ ⴷ ⴰⴱⵉⴷⴷ ⵏⵏⵙ ⴰⵎⵖⵍⴰⵍ ⵜⴰⵎⴰⵏ ⵏⵏⵙ ⴳ ⵎⵛⵜⴰ ⵏ ⵉⵏⵙⴰⵏ ⵉⵏⵎⵏⴰⴹⵉⵏ ⴷ ⵉⵎⴹⵍⴰⵏ .

ⵜⵖⵜⴰⵙⵜ ⵓⵔ ⵜⴳⴰ ⵜⴱⵕⵕⴰⵏⵉⵜ ⵙⴳ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⵓⵏⵏ ⵓⵍⵜⵎⴰ ⴷ ⵜⵏⵙⵙⵉⵅⴼⵜ ⵏⵏⵙ ⵜⴼⵓⵍⴽⵉ ⴳ ⵓⵏⵏⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵣⵔⴼⴰⵏⵏ ⴷ ⵉⵙⵍⴳⴰⵏ "

Dernière modification : 27 ⴽⵟⵓⴱⵕ 2020
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%C2%A0-4