ⵉⵙⵓⵍ ⵉⵏⵏⴰ ⵎⴰⵙⵙ ⵍⵀⴰⵛⵉⵎⵉ ⵉⴷⵔⵉⵙⵉ ⴳ ⵜⵏⵓⵔⵣⵓⵎⵜ ⴳ ⵓⵙⵉⵜ ⵉⵍⵉⴽⵟⵕⵓⵏⵉ "www.map.ma" ⵙ ⵓⵣⵡⵏ "ⵜⴰⵍⴰⵍⵉⵜ ⵏ ⵢⴰⵏ ⵓⴳⵊⴷⵉ ⴰⴳⴷⵓⴷⴰⵏ ⵏ ⵜⵏⵖⵎⴰⵙⵜ" ⵎⴰⵙ ⵉⵉⵡⵉ ⵡⴳⵊⴷⵉ ⵢⴰⴷ ⵜⴰⵏⴰⴼⵓⵜ ⵜⴰⵏⵖⵎⴰⵙⵜ ⵜⴰⵣⵣⵓⵍⴰⵏⵜ ⴰⴼ ⴰⴷ ⵜⴼⴽ ⵉ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ ⵏ ⵜⵏⵖⵎⴰⵙⵜ ⴰⴽⴽⵯ ⵜⴰⵎⵙⵜⴳⴳⴰⵔⵜ ⵜⴰⵏⴰⵎⵓⵏⵜ ⵏⵏⵙ ⵓⵍⴰ ⴰⴽⴽⵯ ⴰⴷⴷⵓⵙ ⵏ ⵜⵉⵔⵔⴰ ⵏⵏⵙ.
ⴱⵍⴰ ⵜⵙⵏⵓⵕⴰⵢⵜ ⵏ ⵜⵖⵎⴰⵙⵜ, ⵎⴰ ⵢⴰⴷ ⵓⴳⴰⵏ ⵜⴰⵣⵣⵓⵍⵜ ⵉⴷⴷⵓⵔⵏ ⵏ ⵜⵏⵖⵎⴰⵙⵜ, ⵍⵍⵉ ⵢⵙⵎⴰⵏⵏ ⵉⴹⵕⵉⵚⵏ ⴷ ⵜⵡⵍⴰⴼⵉⵏ ⴷ ⵜⵉⵏⴼⵓⴳⵔⴰⴼⵉⵢⵏ, ⵜⵃⴰⴹⵕ ⵙⵓⵍ "ⵍⴰⵎⴰⴱ", ⴳ ⵓⵙⴰⵜⵉ ⵏ ⵓⵙⵖⵉⵡⵙ ⴰⵙⵟⵕⴰⵜⵉⵊⵉ ⵏⵏⵙ, ⴰⵎⵎⴰⵙ ⵏ ⴰⴽⴽⵯ ⵜⵙⴳⵉⵡⵉⵏ ⵏ ⵜⵏⵖⵎⴰⵙⵜ, ⴳ ⴰⴽⴽⵯ ⵉⵎⵓⵙⵙⵓⵏ ⵏ ⵜⵡⴰⵍⴰ ⴷ ⴰⴽⴽⵯ ⵉⵎⴰⵙⵙⵏ.
ⵉⵙⴰⵡⵍ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵎⵛⵜⴰ ⵏ ⵉⵎⴰⵙⵙⵏ ⵏ ⵉⵏⵖⵎⵉⵙⵏ ⴷ ⵓⵙⵙⴰⵔⵓ ⵏ ⵜⵜⵉⵍⵉⴼⵉⵣⵢⵓⵏ ⵉⵜⵜⵢⴰⴽⴽⴰⵏ ⵉⵏⵖⵎⵉⵙⵏ ⴽⵔⴰ ⵢⴳⴰⵜⵜ ⴰⵙⵙ ⵙ ⵜⴼⵕⴰⵏⵚⵉⵚⵜ ⴷ ⵜⵄⵕⴰⴱⵜ, ⵎⴰ ⵢⴰⴷ ⵉⴳⴰⵏ "ⵔⵉⵎ ⵕⴰⴷⵢⵓ" (RIM) ⴷ "M24", ⴷ ⵙⵉⵏ ⵉⵖⵎⵉⵙⵏ ⵙ ⵜⵄⵕⴰⴱⵜ ⴷ ⵜⴼⵕⴰⵏⵚⵉⵚⵜ ("ⵎⴰⵕⵓⴽ ⵍⵓ ⵊⵓⵔ" (Maroc Le Jour) ⴷ "ⴰⵍ ⵢⴰⵡⵎ ⴰⵍ ⵎⴰⵖⵔⵉⴱⵉ", ⴷ ⵙⵏⴰⵜ ⵜⵙⵖⵓⵏⵉⵏ ⵜⵉⵢⵢⵓⵔⵉⵏ ⵙ ⵜⵓⵜⵍⴰⵢⵏ ⵜⵖⵕⴰⴱⵜ ⴷ ⵜⴼⵕⴰⵏⵚⵉⵚⵜ "ⴱⴰⴱ" (BAB), ⴷ ⵍⴰⵃⵡⴰⵍ ⵏ 20 ⵓⵙⵉⵜ ⵏ ⵜⵏⵖⵎⴰⵙⵜ ⴷ 12 ⵓⵙⵉⵜ ⵏ ⵜⵏⵖⵎⴰⵙⵜ ⵜⴰⵏⵎⵏⴰⴹⵜ, ⴷ ⵎⵏⵏⴰⵡ ⵢⴰⴹⵏⵉⵏ.
ⵉⵔⵏⴰ ⴷ ⵡⵡⵉⴷ ⵢⴰⵏ ⵓⵎⵓⵙⵙⵓ ⵏ ⵜⵥⵕⵉⴳⵜ ⵎⴰ ⵢⴰⴷ ⵓⴳⴰⵏ, ⵙⵍⴰⵡⴰⵏ ⴰⴽⴽⵯ, ⵜⵥⵕⵉⴳⵜ ⵏ ⵓⵙⵉⵡⵍⴰⴼ ⵏ ⵜⵙⵏⵓⵕⴰⵢⵜ ("ⵜⵉⵖⴰⵡⵙⵉⵡⵉⵏ ⵏ ⵍⵎⵖⵔⵉⴱ" (Nouvelles du Maroc), ⴷ "ⵍⵎⵖⵔⵉⴱ ⵏ ⵖⵉⵍⴰ ⴰⴷ" (Maroc factuel) ⵙ ⴽⴽⵓⵥ ⵏ ⵜⵓⵜⵍⴰⵢⵉⵏ, ⵜⴰⵎⴰ ⵏ ⵜⵥⵕⵉⴳⵉⵏ ⵢⴰⴹⵏⵉⵏ ⵉⵜⵜⵓⵙⵏⵎⴰⵍⴰⵏ.
ⵏⵥⵕⴰ ⵎⴰⵙ ⴳ ⵓⵎⵎⴰⵙ ⵏ ⵜⵎⴰⵏⴰⵡⵜ ⵏ ⵓⵙⵢⴰⴼⵓⵏ ⵍⵍⵉ ⵜⵙⵔⵙ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵙ ⵜⵏⴰⴼⵓⵜ ⵏ ⵜⵏⵖⵎⴰⵙⵜ ⵜⴰⴳⴷⵓⴷⴰⵜ, ⴷ ⴳ ⵓⵙⴰⵜⵉ ⵏ ⵓⵙⵍⴳⴰⵏ ⴰⵎⴰⵢⵏⵓ ⵉⵙⵏⵎⴰⵍⴰⵏ ⵜⵙⵏⵓⵕⴰⵢⵜ, ⵉⴳⴰ ⵓⴳⵊⴷⵉ ⴰⴳⴷⵓⴷⴰⵏ ⵏ ⵜⵏⵖⵎⴰⵙⵜ ⴰⵙⵖⵔⵜ ⴳ ⵡⴰⴽⵓⴷ, ⴷ ⵎⴰⵙ ⵉⴳⵔ ⵏ ⵜⵏⵖⵎⴰⵙⵜ ⴳ ⵓⵎⴰⵜⴰⵢ ⵉⵙⵙⵏ ⵎⵏⵏⴰⵡ ⵏ ⵉⵙⵏⴼⵍⵏ ⵉⵛⵇⵇⴰⵏ ⴷ ⵜⵏⵥⵕⵉⵏ ⵉⴷⴷⵓⵔⵏ, ⵎⴰⴷ ⵢⴰⴷ ⵉⵏⵏⴰ ⵎⴰⵙⵙ ⵀⴰⵛⵉⵎⵉ.
ⵉⵏⵏⴰ ⵙⵓⵍ ⵎⴰⵙ ⵓⵔ ⵊⵊⵓ ⵜⵙⵙⵉⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ ⵏ ⵜⵏⵖⵎⴰⵙⵜ ⴰⴷ, ⵍⵍⵉⵖ ⵜⴼⵔⵓⵔⵉ ⵙ ⵢⴰⵜ ⵜⵖⴰⵔⴰⵙⵜ ⵢⵓⴼⵏ ⵉⵃⴰⴹⵕⵏ ⵉⵙⴰⴳⵎⵏ ⵏⵏⵙ, ⵓⵔ ⵊⵊⵓ ⵜⵙⵙⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ ⵏ ⵜⵏⵖⵎⴰⵙⵜ ⵣⵓⵏⴷ ⵜⵉⵍⵉⵜ ⵍⵍⵉⵖ ⵜⵍⵍⴰ ⵖⵉⵍ ⴰⴷ, ⵉⵎⵢⴰⵏⴰⵡⵏ ⴷ ⵉⵎⵙⴰⵙⴰⵏ ⴳ ⵜⵖⴰⵡⵙⵉⵡⵉⵏ ⵏⵏⵙ.
ⵉⴼⵔⴰ ⵢⵏⵏⴰ ⵡⵏⵎⵀⴰⵍ ⴰⵎⴰⵜⴰⵢ ⵏ "ⵍⴰⵎⴰⴱ" ⵎⴰⵙ ⴰⴽⴽⵯ ⵜⵖⴰⵡⵙⵉⵡⵉⵏ ⴰⴷ ⵜⵉⵡⵉ ⵜⵏ ⵜⵎⴰⵎⴰⴽⵜ ⵏ ⵜⵏⴰⵢⵜ ⵜⵙⵟⵕⴰⵜⵉⵊⵉⵜ ⵏ ⵜⵙⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ, ⴷ ⵓⵍⵜⵖ ⵏ ⵉⵙⵜⴰⵢⵏ ⵏ ⵉⵙⵡⵓⴷⴷⵓⵏ ⴷ ⵜⵙⴳⵓⵔⵉⵏ ⵉⵏⴼⵍⵍⴰⵏ ⵉⵎⵙⵡⵡⵓⵔⵉⵏ, ⵓⵍⴰ ⴰⵎⵓⵙⵙⵓ ⵉⵖⵣⵓⵔⴰⵏ ⵏ ⵢⴰⵏ ⵉⴳⵔⴰⵡ ⵏ ⵉⵏⵖⵎⴰⵙⵏ ⵉⵣⵣⵓⵍⴰⵏ .
ⵉⵏⵏⴰ ⵎⴰⵙⵙ ⵀⴰⵛⵉⵎⵉ ⵎⴰⵙ ⵓⵎⴰⴹⴰⵍ ⵏ ⵉⵎⴰⵙⵙⵏ ⵏ ⵜⵏⵖⵎⴰⵙⵜ ⴷ ⵉⵏⵖⵎⵉⵙⵏ ⵉⵙⵙⵏ, ⴳ ⴽⵔⴰ ⵢⴳⴰⵜⵜ ⵜⵙⴳⴰ ⵏ ⵓⵎⴰⴹⴰⵍ, ⵜⵉⵎⵓⴽⵔⵉⵙⵉⵏ ⵉⴳⴳⵔⵏ ⵉ ⵜⵖⴰⵔⵉⵡⵉⵏ ⵏⵏⵙ, ⴷ ⵉⴱⵔⵉⴷⵏ ⵏ ⵓⵙⵢⴰⴼⴰ ⵏ ⵉⵏⵖⵎⵉⵙⵏ, ⴷ ⵓⵏⴰⵡ ⴰⴷⵎⵙⴰⵏ ⵏⵏⵙ, ⴷ ⵓⵣⵍⵣⵉ ⵏ ⵉⵡⵜⵜⴰⵙⵏ, ⴷ ⵜⵓⵙⵙⵏⴰ ⵏ ⵉⵎⴷⵔⴰⵡⵏ ⵏⵏⵙ, ⴷ ⵓⵙⵎⵓⵜⵜⴳ ⵏ ⵉⵅⴷⴷⴰⵎⵏ ⵏⵏⵙ, ⴷ ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ ⵢⴰⴹⵏⵉⵏ. ⴳⴳⵓⵜⵏⵜ ⵜⵏⵥⵕⵉⵏ ⴷ ⴷⵔⵓⵙⵏ ⴷ ⵛⵇⵇⴰⵏ ⵉⴼⵙⵙⴰⵢⵏ.
ⴷⴷⵓ ⵏ ⵉⵙⴼⴽⵏ ⵉⵛⵇⵇⴰⵏ ⵉⴳⴰ ⵓⴳⵊⴷⵉ ⴰⴳⴷⵓⴷⴰⵏ ⴰⵎⵖⵔⴰⴱⵉ "ⴰⴽⴰⵍ ⴰⴷⴷⵓⵙ" ⵉⵣⴹⴰⵕ ⴰⴷ ⵉⵜⵜⵓⵙⴽⵔ ⴰⵎⵎⴰⵙ ⵏⵏⵙ ⵜⵎⵍⵉⵡⵉⵏ ⵏ ⵜⵓⵚⴽⴰⵡⵉⵏ ⴷ ⵉⵏⴽⵔ ⵙ ⵏ ⵉⵙⵜⴰⵢⵏ ⴷ ⵓⵣⵣⵉⴳⵔ ⵏ ⵉⵚⵍⴰⵃⴰⵜ ⴷ ⵓⵙⵖⵉⵡⵙ ⵏ ⵜⵎⵀⵍⵉⵡⵉⵏ ⵏ ⵓⵙⵖⵔⵜ, ⵎⴰ ⵢⴰⴷ ⵙⵓⵍ ⵉⵏⵏⴰ ⵎⴰⵙⵙ ⵀⴰⵛⵉⵎⵉ.