ⵉⵙⴼⵓⴳⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵍⵎⴰⴷ

06 ⴽⵟⵓⴱⵕ 2020 Version Imprimable

ⵕⵕⴱⴰⵟ - ⵉⵙⴼⵓⴳⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉⴹ ⵍⵍⵉ ⵏ ⴰⵙⵙ ⵏ ⵓⵢⵏⴰⵙ ⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵍⵎⴰⴷ ⴷⴷⵓ ⵏ ⵜⵎⵜⴰⵔⵜ ⵏ ⵓⴱⵓⵔⵣ "ⵜⵉⵙⵍⵎⴰⴷⵉⵏ ⴷ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵜⵏⵥⵕⵜ ⵏ ⵓⵙⵏⴼⵍⵓⵍ ⴳ ⵓⵙⵙⵖⵔ ⵏ ⴰⴽⵓⴷ ⵏ ⵜⵙⵙⴰⵙⵉⵏ".

ⵉⵔⴰ ⵓⵙⴽⵜⵉ ⵏ ⵡⴰⵙⵙ ⴰⴷ ⵍⵍⵉ ⵢⵎⴰⵏⵏ ⴳ 5 ⴽⵟⵓⴱⵕ ⴳ ⴽⵓ ⵓⵙⴳⴳⵯⴰⵙ ⴰⴷ ⵉⴱⵉⴷⴷ ⵅⴼ ⵜⵜⵓⵙⴽⴰⵔⵉⵏ ⵏ ⵓⵙⵉⵏⴰⴳ, ⴰⵎⵎ ⵓⵙⵓⵊⴷ ⵏ ⵉⵙⵖⵡⵙⵉⵏ ⴷ ⵉⵜⵢⴰⵙⵙⴰⵏ ⵉⴱⵉⴷⴰⵖⵓⵊⵉⵏ ⴷ ⵉⵎⴰⵙⵙⵏ ⵉⴷⵉⴷⴰⴽⵜⵉⴽⵉⵏ ⵏ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴳ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵙ ⵓⵎⵢⴰⵡⴰⵙ ⵏ ⵜⵎⵔⵙⵍⵉⵏ ⵉⵎⵙⵜⴳⴳⴰⵔⵏ, ⵓⵍⴰ ⵓⵙⵉⵜⴳ ⵏ ⵜⵓⴳⴳⴰⵣ ⵏ ⵉⵎⵙⵡⵓⵔⵉⵏ ⴳ ⵉⴳⵔ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ.

ⴰⵔ ⵓⵙⴳⴳⵯⴰⵙ ⵏ 2019, ⵉⵍⴽⵎ ⵓⵎⴰⴹⵓⵏ ⵍⵍⵉ ⵙ ⵉⵙⴼⵓⴳⵍⴰ ⵓⵙⵉⵏⴰⴳ 65 ⵓⵙⵜⴰⵢ ⴷ ⵓⵎⵙⴽⵔ ⵉⵙⴳⵎⴰⵏ. ⴰⵎⵎⴰ ⴳ ⵓⵙⴳⴳⵯⴰⵙ ⴰⴷ, ⵉⵜⵜⵓⵙⵎⵖⵔ ⵓⵙⵍⵎⴰⴷ ⴰⵏⴰⴼⵍⵍⴰ ⵎⵚⵟⴰⴼⴰ ⵍⵄⴰⴷⴽ, ⵎⴰ ⵢⴰⴷ ⵉⴳⴰⵏ ⴰⵙⵍⵎⴰⴷ ⴳ ⵜⵖⵉⵡⵏⵜ ⵜⵉⵎⴰⵙⵙⴰⵏⵉⵏ ⵜⵉⵏⴼⴳⴰⵏⵉⵏ ⴳ ⵡⵊⴷⴰ, ⵜⴰⵎⴰ ⵏ ⵄⴱⴷⵍⵍⴰⵀ ⴼⵔⴽⵓⵛ, ⴰⵙⵍⵎⴰⴷ ⴰⵙⵎⵓⵜⵜⴳ ⵏ ⵜⵣⵣⵓⵍⴰⵏⵉⵏ ⵏ ⵓⵙⵎⵓⵜⵜⴳ ⴳ ⵜⵎⵏⴰⴹⵜ ⵏ ⴹⴹⴰⵕⵍⴱⵉⴹⴰ ⵚⵟⵟⴰⵜ, ⴷ ⵎⵓⵃⵎⵎⴷ ⴰⴱⵉⴷⴰⵕ, ⴰⵙⵍⵎⴰⴷ ⴳ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⵜ, ⴰⵎⵎⴰⵙ ⵏ ⵓⵙⵎⵉⵍ ⵏ ⵉⵙⵎⵓⵜⵜⴳⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%89%E2%B5%99%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%93%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B0%E2%B5%99%E2%B5%99-%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%8F-%E2%B5%93%E2%B5%99%E2%B5%8D%E2%B5%8E%E2%B4%B0%E2%B4%B7