ⵔⴰⴷ ⵉⵙⴼⵓⴳⵍⵓ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⴰⵙⵙ ⵏ ⵓⵢⵏⴰⵙ ⴰⴷ ⵢⵓⵛⴽⴰⵏ ⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵍⵎⴰⴷ

01 ⴽⵟⵓⴱⵕ 2020 Version Imprimable

ⵕⵕⴱⴰⵟ - ⵔⴰⴷ ⵉⵙⴼⵓⴳⵍⵓ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⴰⵙⵙ ⵏ ⵓⵢⵏⴰⵙ ⴰⴷ ⵢⵓⵛⴽⴰⵏ, ⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵍⵎⴰⴷ, ⴷⴷⵓ ⵏ ⵜⵎⵜⴰⵔⵜ ⵏ ⵓⴱⵓⵔⵣ "ⵜⵉⵙⵍⵎⴰⴷⵉⵏ ⴷ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵜⵏⵥⵕⵜ ⵏ ⵓⵙⵏⴼⵍⵓⵍ ⴳ ⵓⵙⵙⵖⵔ ⵏ ⴰⴽⵓⴷ ⵏ ⵜⵙⵙⴰⵙⵉⵏ".

ⵉⵏⵏⴰ ⵢⴰⵏ ⵓⵙⵉⵡⴹ ⵎⴰⵙ ⵔⴰⴷ ⵉⵙⴼⵓⴳⵍⵓ, ⴳ ⵓⵣⵎⵎⵣⵓ ⴷⵖ, ⵙ ⵎⵏⵏⴰⵡ ⵏ ⵉⵙⵜⴰⵢⵏ ⵉⵏⵍⵎⴰⴷⵏ ⴷ ⵉⵙⴷⴰⵡⵉⵏ ⵉⵍⵍⴰⵏ ⴳ ⵉⴳⵔ ⵏ ⵓⵔⵣⵣⵓ ⴷ ⵓⵙⵜⴰⵢ ⴷ ⵓⵙⵎⵎⵓⵜⴳ ⴳ ⵎⵏⵏⴰⵡ ⵏ ⵉⵙⵡⵉⵔⵏ ⴷ ⵉⵔⵉⵎⵏ ⵏ ⵓⵙⵍⵎⴷ, ⴷ ⵔⴰⴷ ⵉⵃⴱⵓ ⵓⵙⵎⵉⵍ ⵉⵙⵍⵎⴰⴷⵏ ⵏ ⵓⵙⵍⵎⴰⴷ ⴰⵏⴰⴼⵍⵍⴰ ⴷ ⵓⵙⵎⵉⵍ ⵏ ⵉⵙⵍⵎⴰⴷⵏ ⵏ ⵓⵙⴳⵎⵉ ⴰⵎⵏⵣⵓ ⴷ ⵓⵙⵎⵉⵍ ⵏ ⵉⵙⵍⵎⴰⴷⵏ ⵉⵎⵙⵜⵜⵓⴳⵏ ⴳ ⵉⵎⵎⴰⵙⵏ ⵉⵏⵎⵏⴰⴹⵉⵏ ⵏ ⵜⵣⵣⵓⵍⴰⵏⵉⵏ ⵏ ⵓⵙⵍⵎⴷ ⴷ ⵓⵙⵎⵓⵜⵜⴳ, ⴷ ⵓⵙⵎⵍ ⵏ ⵉⵎⴳⴳⵉⵡⵙⵏ, ⵓⵍⴰ ⵎⵏⵏⴰⵡ ⵏ ⵉⵙⵍⵎⴰⴷⵏ ⴷ ⵉⵎⵙⵜⵜⴳⵏ ⵉⵙⵏⴼⵍⵓⵍⵏ ⵖⵓⵔⵙⵏ ⵜⵓⵔⵉⴳⵜ ⴳ ⵉⴳⵔ ⵏ ⵓⵙⵏⴼⵍⵓⵍ, ⴷ ⵜⵉⴽⴽⵉ ⵏ ⵉⵎⴰⵙⵙⵏ ⵏ ⵓⵙⵍⵎⴷ ⴷ ⵓⵙⵎⵓⵜⵜⴳ ⴷ ⵓⵙⵜⴰⵢ ⵙ ⵡⴰⴳⴳⵓⴳ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⴰⵏⵏ ⵎⴰⵙ ⴷⴷⵓ ⵏ ⵜⵙⵓⵜⵍⵏ ⵏ ⵜⴷⵓⵙⵉ ⵏ ⵖⵉⵍ ⴰⴷ, ⴷ ⵎⴰⴷ ⵉⵅⵚⵚⴰⵏ ⴰⵎⵎⴰⵙ ⵏ ⵓⵙⵡⵓⴷⴷⵓⵏ ⵏ ⵓⵃⵟⵟⵓ, ⵔⴰⴷ ⵜⵜⵓⵙⵏⵎⴰⵍⴰⵏ ⵍⵎⴰⵕⴰⵚⵉⵎ ⵏ ⴰⵙⴼⵓⴳⵍⵓ ⴷ ⵓⵙⵎⵖⵔ ⵏ ⵜⵡⵓⵔⵉⵡⵉⵏ ⵏ ⵓⵏⵍⵎⴷ ⴳ ⵉⵎⴰⵡⵡⴰⵏⵏ ⵏ ⵓⵎⵢⴰⵡⴰⴹ ⴰⵎⴰⵟⵟⵓⵏ ⵙ ⵡⴰⴳⴳⵓⴳ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%89%E2%B5%99%E2%B4%BC%E2%B5%93%E2%B4%B3%E2%B5%8D%E2%B5%93-%E2%B5%93%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%A2%E2%B5%8F%E2%B4%B0%E2%B5%99-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-%E2%B4%B0%E2%B5%99%E2%B5%99-%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%8F