ⵜⵉⵎⵜⵜⴰ ⵢⵎⴰⵏⵏ : ⵉⴷⵔⴰ ⵎⴰⵙⵙ ⴱⵓⵕⵉⵟⴰ ⴳ ⵢⴰⵏ ⵓⵙⴳⵔⴰⵡ ⴰⵎⴰⵡⵙⴰⵙ ⵅⴼ ⵜⵎⵙⵙⴳⵓⵔⵜ ⵏ ⵓⵔⴰⵢ

25 ⵛⵓⵜⴰⵏⴱⵉⵔ 2020 Version Imprimable

ⵜⵉⵎⵜⵜⴰ ⵢⵎⴰⵏ (ⵏⵢⵓⵢⵓⵕⴽ) - ⵉⴷⵔⴰ ⵡⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵣⴷⴳⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⵜⴰⵎⴰ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ 75 ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵢⵎⴰⵏⵏ, ⴳ ⵢⴰⵏ ⵓⵙⴳⵔⴰⵡ ⴰⵎⴰⵡⵙⴰⵙ ⴳ ⴰⵏⵜⵉⵔⵏⵉⵜ ⵅⴼ ⵜⵎⵙⵙⵓⴳⵔⵜ ⵏ ⵓⵔⴰⵢ ⵍⵍⵉⵖ ⴳⵉⵜ ⵃⴰⴹⵕ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⵓⵍⴰ ⵉⵎⴰⵡⵙⴰⵙⵏ ⵉⴱⵕⵕⴰⵏⵉⵏ ⵢⴰⴹⵏⵉⵏ.

ⵉⵙⴷⴷⵉⴷ ⵎⴰⵙⵙ ⴱⵓⵕⵉⵟⴰ, ⵍⵍⵉⵖ ⵉⵙⴰⵡⵍ ⴳ ⵓⵣⵎⵎⵣⵓ ⵢⴰⴷ, ⵎⴰⵙ ⵖⵉⴽ ⵍⵍⵉ ⵏⵏⴰⵏ ⵉⵙⴰⵡⵍⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵉⴳⴰ ⴱⴷⴷⴰ ⵍⵎⵖⵔⵉⴱ ⵓⵎⵏⵣⴰⵖ ⵅⴼ ⵅⴼ ⵓⵎⵙⵓⵔⵓⴼ ⴳⵔ ⵜⵎⵜⵜⵉⵏ ⴷ ⵜⵔⴰⵜⵉⵏ ⵏ ⵙⵙⵍⴰⵎⵜ ⴷ ⵓⴼⴰⵔⴽ ⴳⵔ ⵉⵙⴳⴷⵏ ⴷ ⵓⵎⵢⴰⵏⴰⵡ ⴰⴷⵎⵙⴰⵏ ⴳ ⵎⵛⵜⴰ ⵏ ⵉⵏⵙⴰⵏ ⵍⵍⵉⵖ ⵎⴰⵏⵏ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ.

ⵉⵙⵓⵍ ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵉⵅⵚⵚⴰ ⴰⴷ ⴽⵯⵉⵟⵟⵉⵏ ⵓⵜⵜⵓⵏ ⵉⵍⵍⴰⵏ ⴳⵔ ⵓⵎⵢⴰⵡⴰⵙ ⴰⴳⵜⵉⵔⴰⵏ ⴰⴼ ⴰⴷ ⵉⵜⵜⵓⵣⵣⵉⴳⵔ ⵓⵖⴰⵡⴰⵙ ⵏ ⵓⴱⵔⵉⴷ ⵍⵍⵉ ⵢⵍⵍⴰⵏ ⴳ ⵉⵡⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⴳ ⵓⵎⵏⵉⴷ ⵏ ⵓⵙⴳⴳⵯⴰⵙ 2030, ⵙⵍⴰⵡⴰⵏ ⴰⴽⴽⵯ ⴰⵡⵜⵜⴰⵙ 16 ⵉⵥⵍⵉⵏ ⵙ "ⵙⵙⵍⴰⵎⵜ ⴷ ⵜⵣⵔⴼⵜ ⴷ ⵜⵎⵔⵙⴰⵍⵉⵏ ⵉⴷⵓⵙⴰⵏⵉⵏ".

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%A2%E2%B5%8E%E2%B4%B0%E2%B5%8F%E2%B5%8F-%E2%B5%89%E2%B4%B7%E2%B5%94%E2%B4%B0-%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B4%B3-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B5%85%E2%B4%BC-%E2%B5%9C%E2%B5%8E%E2%B5%99%E2%B5%99%E2%B4%B3%E2%B5%93%E2%B5%94%E2%B5%9C-%E2%B5%8F-%E2%B5%93%E2%B5%94%E2%B4%B0%E2%B5%A2