ⵎⴰⵙⵙ ⵍⵄⵜⵎⴰⵏⵉ : ⵉⵙⴽⵔ ⵍⵎⵖⵔⵉⴱ ⵜⵎⵢⴰⵇⵇⴰⵏⵉⵏ ⴷ ⵙⵏⴰⵜ ⵏ ⵜⵎⵙⵙⵓⵔⵉⵏ ⵉⵙⵙⵎⴳⵓⵔⵏ ⵓⴳⵣⵣⴰⵢ ⵎⴳⴰⵍ ⵓⴼⵉⵔⵓⵙ "ⴽⵓⴼⵉⴷ-19"

24 ⵛⵓⵜⴰⵏⴱⵉⵔ 2020 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵙⵙ ⵏ ⵓⴽⵡⴰⵙ, ⵎⴰⵙ ⵉⵙⴽⵔ ⵍⵎⵖⵔⵉⴱ ⵜⵎⵢⴰⵇⵇⴰⵏⵉⵏ ⴷ ⵙⵏⴰⵜ ⵏ ⵜⵎⵙⵙⵓⵔⵉⵏ ⵉⵙⵙⵎⴳⵓⵔⵏ ⵓⴳⵣⵣⴰⵢ ⵎⴳⴰⵍ ⴼⵉⵔⵓⵙ "ⴽⵓⴼⵉⴷ-19" ⵎⵔⴰ ⴰⴷ ⵙⵙⴱⵖⵔⵏ ⵉⵎⵖⵔⴰⴱⵉⵢⵏ ⴰⴳⵣⵣⴰⵢ.

ⵉⴼⵔⴰ ⵢⵏⵏⴰ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ, ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴳ ⵢⴰⵏ ⵓⵙⵉⵡⴹ ⵍⵍⵉ ⵢⵖⵕⴰ ⴳ ⵢⴰⵏ ⵓⵎⴰⴳⵔ ⵏ ⵜⵏⵖⵎⴰⵙⵜ ⴷⴼⴼⵉⵔ ⵏ ⵜⵙⵎⵓⵏⵉ ⵜⴰⵎⴰⵍⴰⵙⵙⵜ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵎⴰⵙ ⵉⵏⵏⴰ ⵎⴰⵙⵙ ⵍⵄⵜⵎⴰⵏⵉ ⴳ ⵜⵙⴳⵓⵔⵉ ⵏ ⵓⵕⵥⵥⵓⵎ ⵏⵏⵙ, ⵎⴰⵙ ⵓⵎⴰⴹⴰⵍ ⴽⵓⵍⵍⵓⵜ ⵉⵍⵍⴰ ⴷⴷⵓ ⵏ ⵓⴱⴰⵢⵢⵓⵕ "ⴽⵓⴼⵉⴷ-19", ⵉⵙⵓⵍ ⵉⵏⵏⴰ ⵎⴰⵙ ⵎⵏⵏⴰⵡ ⵏ ⵉⵡⴰⵏⴽⵏ ⵙⵙⵏⵏ ⴰⵖⵍⵉ ⵉⵔⵏⴰⵏ ⴳ ⵉⵎⴰⴹⵓⵏⵏ ⴷ ⵉⵎⵏⴳⵓⵙⵏ ⵓⵍⴰ ⵉⴷⴷⴰⴷⵏ ⵉⵛⵇⵇⴰⵏ ⴷ ⵡⵉⵏⵏ ⵉⵎⵎⵓⵜⵏ ⵙ ⵓⴱⴰⵢⵢⵓⵕ ⴰⴷ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⵙⴰⵜⵉ ⴷⵖ ⵎⴰⵙ "ⴷⴷⵓ ⵏ ⵓⵎⵃⵉⵣⵡⵔ ⴰⵎⴰⴹⵍⴰⵏ ⵉⴳⴳⵓⵜⵏ ⵉⵍⵍⴰⵏ ⴳⵓ ⵎⴰⴹⴰⵍ ⴰⴼ ⴰⴷ ⵉⵜⵜⴰⵡⵍⴽⴰⵎ ⵙ ⵢⴰⵏ ⵓⴳⵣⵣⴰⵢ ⵉⵎⵓⵔⵙⵏ, ⵉⵖⴰⵡⵍ ⵍⵎⵖⵔⵉⴱ, ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵃⴼⴹ ⵕⴱⴱⵉ, ⴰⴷ ⵉⵙⴽⵔ ⵜⵉⵎⵢⴰⵇⵇⴰⵏⵉⵏ ⴷ ⵙⵉⵏ ⵜⵎⵙⵓⵔⵉⵏ ⵉⵙⵙⵎⴳⵓⵔⵏ, ⵉⵙⵓⵍ ⵉⵏⵏⴰ ⵎⴰⵙ ⵉⴳⴰ ⵍⵃⴰⵍ ⵢⴰⵜ ⵜⵎⵙⵙⵓⵔⵜ ⵜⴰⵛⵛⵉⵏⵡⵉⵜ ⴷ ⵢⴰⵜ ⵢⴰⴹⵏⵉⵏ ⵜⴰⴱⵕⵉⵟⴰⵏⵉⵜ ⵜⴰⵙⵡⵉⴷⵉⵜ, ⵎⵔⴰ ⴰⴷ ⵙⴱⵖⵔⵏ ⵉⵎⵖⵔⴰⴱⵉⵏ ⵙⴳ ⵓⴳⵣⵣⴰⵢ ⴰⴷ ⵓⴽⴰⵏ ⵜⵎⵎⴰⵏ ⴰⴽⴽⵯ ⵜⴽⵍⵉⵏ ⵏ ⵓⵔⵣⵣⵓ ⴷ ⵜⵖⵓⵔⵉ ⴷ ⵉⵔⵉⵎⵏ ⵉⵥⵍⵉⵏ ⵙ ⵓⴳⵣⵣⴰⵢ ⴰⴷ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%8E%E2%B4%B0%E2%B5%99%E2%B5%99-%E2%B5%8D%E2%B5%84%E2%B5%9C%E2%B5%8E%E2%B4%B0%E2%B5%8F%E2%B5%89-%E2%B5%89%E2%B5%99%E2%B4%BD%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%9C%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%89%E2%B5%8F-%E2%B4%B7-%E2%B5%99%E2%B5%8F%E2%B4%B0%E2%B5%9C-%E2%B5%8F-%E2%B5%9C%E2%B5%8E%E2%B5%99%E2%B5%99%E2%B5%93%E2%B5%94%E2%B5%89%E2%B5%8F-%E2%B5%89%E2%B5%99%E2%B5%99%E2%B5%8E%E2%B4%B3%E2%B5%93%E2%B5%94%E2%B5%8F-%E2%B5%93%E2%B4%B3%E2%B5%A3%E2%B5%A3%E2%B4%B0%E2%B5%A2-%E2%B5%8E%E2%B4%B3%E2%B4%B0%E2%B5%8D-%E2%B5%93%E2%B4%BC%E2%B5%89%E2%B5%94%E2%B5%93%E2%B5%99