ⵜⴰⵏⴳⵔⵜ ⴰⴼⴰⴷ ⵏ ⵙⵙⵍⴰⵎⵜ ⴳ ⵍⵉⴱⵢⴰ : ⵍⵎⵖⵔⵉⴱ ⴰⵎⵙⴽⴰⵔ "ⵉⴷⵓⵔⵏ ⴱⴰⵀⵔⴰ ⴷ ⵖⵓⵔⵙ ⴰⵣⵔⴰⴽ"

09 ⵛⵓⵜⴰⵏⴱⵉⵔ 2020 Version Imprimable

ⵡⴰⵛⵉⵏⵟⵓⵏ - ⵉⵙⴷⴷⵉⴷ ⵓⵎⵓⵣⴰⵢ ⴰⵎⵉⵔⵉⴽⵉ ⵕⵜⵛⴰⵔⴷ ⵡⵜⵣ, ⴰⵏⵎⵀⵍ ⵏ ⵓⵎⵎⴰⵙ ⵏ ⵓⵙⴼⵙⵉ ⴰⵙⵔⵜⴰⵏ ⴰⵄⵚⴽⵕⵉ ⵉⴹⴼⴼⴰⵕⵏ ⵏ ⵓⵎⵎⴰⵙ ⵏ ⵓⵅⵎⵎⵓⵎ ⴰⵎⵉⵔⵉⴽ ⴰⵅⴰⵜⴰⵔ "ⴰⵙⵉⵏⴰⴳ ⵀⴷⵙⵓⵏ" ⵓⵙⵖⵉⵎ ⵏⵏⵙ ⴳ ⴰⵛⵉⵏⵟⵓⵏⴰ ⵎⴰⵙ ⵍⵎⵖⵔⵉⴱ " ⴰⵎⵙⴽⵔ ⵉⴷⴷⵓⵔⵏ ⴱⴰⵀⵔⴰ ⴷ ⵖⵓⵔⵙ ⴰⵣⵔⴰⴽ" ⴰⴼⴰⴷ ⵏ ⵜⵏⴳⵔⵜ ⴳⵔ ⵜⴼⵓⵍⵉⵏ ⵜⵉⵍⵉⴱⵢⵉⵏ ⴰⴼⴰⴼ ⵍⴽⵎⵏ ⵉ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⵓⵎⵀⴹⴰⵔ ⵏ ⵜⵙⵙⴰⵙⵜ ⵜⴰⵍⵉⴱⵉⵜ .

ⵉⵏⵏⴰ ⵎⴰⵙⵙ ⵡⵜⵣ ⴳ ⵢⴰⵜ ⵜⵙⴳⵓⵔⵉ ⵉ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ "ⵍⴰⵎⴰⴱ" ⵎⴰⵙ "ⴰⴱⵔⵉⴷ ⴰⵎⵢⵉⵡⴰⵏ ⵏ ⵓⵇⵇⵏ ⵏ ⵓⵎⵏⵣⵖ ⴰⴷ ⵉⴳⴰⵏ ⵏ ⵉⵍⴽⵎⵏ ⵏ ⵢⴰⵏ ⵓⴼⵙⵙⴰⵢ ⵉⵎⵀⴹⵡⵏ ⴷ ⵍⵎⵖⵔⵉⴱ ⵖⵓⵔⵙ ⴱⵍⴰ ⵛⵛⵉⴽ ⵉⴼⵔⴷⵉⵙⵏ ⵉⴷⵓⵙⴰⵏⵉⵏ "ⴳ ⴰⵍⵜⵖ ⵏⵏⵙ ⴳ ⵓⴼⵙⵙⴰⵢ ⵙⵙⵍⴰⵎⵜ ⵉ ⵡⵎⵏⵣⵖ ⴰⵍⵉⴱⵉ ⴳ ⴰⵎⴰⵏ ⵢⴰⵏ ⵓⵎⵙⴰⵡⴰⵍ ⴳ ⴱⵓⵣⵏⵉⵇⴰ ⴷ ⴳⵔ ⵉⴽⴰⴱⴰⵔⵏ ⵏ ⵓⵙⵇⵇⵉⵎ ⴰⵏⴼⵍⵍⴰ ⵏ ⵓⵡⴰⵏⴽ ⴷ ⵓⴱⵕⵍⴰⵎⴰⵏ ⵏ ⵟⵓⴱⵔⵓⵇ .

ⵉⵙⵓⵍ ⵉⵏⵏⴰ ⵡⵎⵓⵣⴰⵢ ⵍⵍⵉ ⵢⵡⵓⵔⵉ ⴳ ⵡⴰⵙⵙⵏ ⵉⵣⵔⵉⵏ ⴳ ⵜⵙⴷⴰⵡⵉⵜ ⵏ ⵀⴰⴼⴰⵔⴷ ⴷ ⵜⵎⴰⵡⴰⵙⵜ ⵏ ⵓⵎⵣⴰⵖ ⵜⴰⵎⵉⵔⵉⴽⴰⵏⵉⵜ ⵙⵍⴰⵡⴰⵏ ⴰⴽⴽⵯ ⵎⴰⵙ "ⵍⵎⵖⵔⵉⴱ ⴰⵎⵙⴽⴰⵔ ⴰⵙⴳⵡⴰⵏ ⵖⵓⵔⵙ ⵉⵔⵉⵎ ⵉⵎⵇⵇⵓⵔⵏ ⴳ ⵡⴰⴷⴷⴰⴷ ⴰⵏⴰⵎⵎⴰⵙ " ⵓⵍⴰ ⵖⵓⵔⵙ " ⵏⵢⵜ ⵉⴼⵓⵍⴽⵉⵏ ⴷ ⵉⵔⴰ ⴰⴷ ⵉⴼⴽⴰ ⵜⵡⵙⵉ ⵉⴼⵓⵍⴽⵉⵏ ⴳ ⵓⵙⵡⵉⵔ ⵢⴰⵜⵜⵓⵢⵏ ⴱⴰⵀⵔⴰ"

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8F%E2%B4%B3%E2%B5%94%E2%B5%9C-%E2%B4%B0%E2%B4%BC%E2%B4%B0%E2%B4%B7-%E2%B5%8F-%E2%B5%99%E2%B5%99%E2%B5%8D%E2%B4%B0%E2%B5%8E%E2%B5%9C-%E2%B4%B3-%E2%B5%8D%E2%B5%89%E2%B4%B1%E2%B5%A2%E2%B4%B0-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B5%8E%E2%B5%99%E2%B4%BD%E2%B4%B0%E2%B5%94-%E2%B5%89%E2%B4%B7%E2%B5%93%E2%B5%94%E2%B5%8F-%E2%B4%B1%E2%B4%B0%E2%B5%80%E2%B5%94%E2%B4%B0-%E2%B4%B7-%E2%B5%96%E2%B5%93%E2%B5%94%E2%B5%99-%E2%B4%B0%E2%B5%A3%E2%B5%94%E2%B4%B0%E2%B4%BD