ⴱⵓⵣⵏⵉⵇⴰ : ⴽⵛⵎⵏⵜ ⵜⴳⵉⵡⵉⵏ ⵏ ⵓⵎⵙⴰⵡⴰⵍ ⴰⵍⵉⴱⵉ ⴰⵙⵙ ⵏⵏⵙ ⵡⵉⵙⵙ ⴽⵕⴰⴹ

08 ⵛⵓⵜⴰⵏⴱⵉⵔ 2020 Version Imprimable

ⴱⵓⵣⵏⵉⵇⴰ - ⵔⵏⴰⵏⵜ, ⴰⵙⵙ ⵏ ⵓⵙⵉⵏⴰⵙ ⴳ ⴱⵓⵣⵏⵉⵇⴰ, ⵜⴳⵉⵡⵉⵏ ⵏ ⵓⵎⵙⴰⵡⴰⵍ ⴰⵍⵉⴱⵉ ⴳⵔ ⵉⴽⴰⴱⴰⵕⵏ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵡⴰⵏⴽ ⴷ ⵓⴱⵕⵍⴰⵎⴰⵏ ⵏ ⵜⵓⴱⵕⵓⵇ, ⵎⴰ ⵢⴰⴷ ⵉⵔⴰⵏ ⴰⴷ ⵉⵙⴱⵉⴷⴷ ⴰⴼⴰ ⴷ ⴰⴷ ⵉⵕⵥⵎ ⵉⵎⵀⵡⴰⴹⵏ ⴰⴼ ⴰⴷ ⵢⵉⵍⵉ ⵡⴼⵙⵙⴰⵢ ⵉ ⵜⵎⵓⴽⵔⵉⵙⵉⵏ ⵉⵍⵍⴰⵏ ⴳⵔ ⵜⵔⴰⴱⴱⵓⵜⵉⵏ ⵜⵉⵍⵉⴱⵉⵢⵏ.

ⵎⴰⵏⵏ ⵙⵉⵏ ⵉⴽⴰⴱⴰⵕⵏ ⴰⵙⵙ ⵏ ⵓⵙⴰⵎⴰⵙ ⴳ ⵜⴳⵉⵡⵉⵏ ⵏ ⵓⵎⵙⴰⵡⴰⵍ ⴰⵍⵉⴱⵉ, ⵎⴰⵏⵉ ⵖ ⵎⵍⴰⵏ ⵜⵉⵔⴰⵜ ⵏⵏⵙⵏ ⴰⴷ ⵍⴽⵎⵏ ⵙ ⵢⴰⵏ ⵓⵎⵙⴰⵙⴰ ⵉⵥⴹⴰⵕⵏ ⴰⴷ ⵢⴰⵡⵉ ⵍⵉⴱⵢⴰ ⵙ ⵜⵏⴼⵔⵓⵜ ⴷ ⴰⴷ ⵉⵙⴱⵉⴷⴷ ⵜⵎⵓⴽⵔⵉⵙⵉⵏ ⵏ ⵓⵏⴰⵎⵓⵔ ⴰⵍⵉⴱⵉ.

ⵙⵜⵓⴳⵏ ⵙⵓⵍ ⵜⵉⵔⴰⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⵜⴼⴽ ⵢⴰⵏ ⵓⵏⵣⵡⵉ ⴰⵎⴷⴷⴰⴽⴽⵯⵍ ⵉⴼⵓⵍⴽⵉⵏ ⵉⵥⴹⴰⵕⵏ ⴰⴷ ⵉⵙⵙⵍⴽⵎ ⵙ ⵢⴰⵏ ⵓⴼⵙⵙⴰⵢ ⵏ ⵜⵙⵙⴰⵙⵜ ⵜⴰⵍⵉⴱⵉⵜ, ⵉⵥⴹⴰⵕⵏ ⴰⴷ ⵢⴰⵡⵉ ⵡⴳⵣⵣⵓⵎ ⴰⵙⵔⵜⴰⵏ ⴷ ⴰⴷⵎⵙⴰⵏ ⵎⵔⴰ ⴰⴷ ⵢⴰⵙⵉ ⵜⵎⵓⴽⵔⵉⵙⵉⵏ ⴷⴰⵜ ⵏ ⵓⵎⴰⴹⴰⵏ ⴰⵍⵉⴱⵉ ⴷ ⴰⴷ ⵢⴰⵡⵉ ⵜⵓⵚⴽⴰ ⵏ ⵢⴰⵏ ⵓⵡⴰⵏⴽ ⴰⴳⵣⵣⵓⵎ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B1%E2%B5%93%E2%B5%A3%E2%B5%8F%E2%B5%89%E2%B5%87%E2%B4%B0-%E2%B4%BD%E2%B5%9B%E2%B5%8E%E2%B5%8F%E2%B5%9C-%E2%B5%9C%E2%B4%B3%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B5%8E%E2%B5%99%E2%B4%B0%E2%B5%A1%E2%B4%B0%E2%B5%8D-%E2%B4%B0%E2%B5%8D%E2%B5%89%E2%B4%B1%E2%B5%89-%E2%B4%B0%E2%B5%99%E2%B5%99-%E2%B5%8F%E2%B5%8F%E2%B5%99-%E2%B5%A1%E2%B5%89%E2%B5%99%E2%B5%99-%E2%B4%BD%E2%B5%95%E2%B4%B0%E2%B4%B9