ⴰⵎⴰⵡⵙⴰⵙ ⵏ ⵜⵣⵔⴼⵜ : ⵔⴰⴷ ⵙⵓⵍ ⵉⵡⵓⵔⵉ ⵢⵔⵉⵎ ⵏ ⵜⵙⵏⴱⴹⴰⵢⵜ ⵙ ⵡⴰⴳⴳⵓⴳ ⴳ ⵜⴽⵍⵉⵜ ⴰⴷ ⵢⵓⵛⴽⴰⵏ

04 ⵛⵓⵜⴰⵏⴱⵉⵔ 2020 Version Imprimable

ⵕⵕⴱⴰⵟ - ⵉⵏⵏⴰ ⵡⵎⴰⵡⵙⴰⵙ ⵏ ⵜⵣⵔⴼⵜ ⵎⵓⵃⵎⵎⴷ ⴱⵏ ⵄⴱⴷⵍⵇⴰⴷⵕ, ⴰⵙⵙ ⵏ ⵓⵙⵉⵎⵡⴰⵙ, ⵎⴰⵙ ⵉⵔⵉⵎ ⵏ ⵜⵙⵏⴱⴹⴰⵢⵜ ⵙ ⵡⴰⴳⴳⵓⴳ ⵍⵍⵉ ⵢⴱⴷⴰⵏ ⴳ ⵡⴰⵢⵢⵓⵔ ⵏ ⵉⴱⵔⵉⵔ ⵉⵣⵔⵉⵏ ⵔⴰⴷ ⵉⵔⵏⵓ ⴳ ⵜⴽⵍⵉⵜ ⴰⴷ ⵢⵓⵛⴽⴰⵏ.

ⵉⵙⵓⵍ ⵉⵏⵏⴰ ⵎⴰⵙⵙ ⴱⵏ ⵄⴱⴷⵍⵇⴰⴷⵕ ⴳ ⵢⴰⵏ ⵓⵎⴰⴳⵔ ⵙ ⵡⴰⴳⴳⵓⴳ ⴷ ⵉⵏⵎⵀⴰⵍⵏ ⵉⵜⵜⵓⵣⴰⵏⵉⵏ ⴷ ⵉⵏⵙⵙⵉⵅⴼⵏ ⵏ ⵜⵉⵔⵔⴰⵜⵉⵏ ⵏ ⵓⵎⵎⴰⵥ ⴷ ⵜⵉⵔⵔⴰ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ, ⵎⴰⵙ ⵜⵍⵍⴰ ⵜⵉⵔⴰⵜ ⴰⴷ ⵉⵙⴱⵓⵖⵍⵓ ⵢⵔⵉⵎ ⴷ ⵓⵙⵔⵙ ⵏⵏⵙ ⴳ ⵜⵙⴳⴰ ⵜⴰⵣⵔⴼⴰⵏⵜ ⵙ ⵢⴰⵏ ⵓⴹⵕⵉⵚ ⴰⵣⵔⴼⴰⵏ ⵍⵍⵉ ⵔⴰⴷ ⵉⵣⵔⵉ ⵉⵎⴰⵍⵍⴰⵙⵏ ⵉⴷⵔⵓⵙⵏ ⴰⴷ ⵢⵓⵛⴽⴰⵏ, ⵙ ⵓⵍⵉⴳ ⵏ ⵓⵙⵖⵏ ⴷ ⵓⴹⴼⴼⴰⵕ, ⵉⵙⴳⵓⵔⴰ ⵎⴰⵙ ⵜⵍⵍⴰ ⵜⵎⴽⵙⵙⵉⵜ ⵏ ⵓⵔⵎⴰⵙ ⴷ ⵜⵙⵎⵉⵔⵉⵜ ⵜⵎⴰⵜⴰⵢⵜ ⵏ ⵜⵎⵙⵙⵓⴳⵔⵜ ⵏ ⵓⵖⵣⵓ ⴷ ⴰⵍⵍⵙ ⵏ ⵓⵙⵉⴷⴼ ⵔⴰⴷ ⵉⵜⵜⵓⵙⴳⵎⴹⵏ ⴳ ⵉⵎⴰⵍⵍⴰⵙ ⴰⴷ ⵢⵓⵛⴽⴰⵏ ⵎⵔⴰ ⴰⴷ ⵜⴻⵟⵟⴼ ⵜⵏⴼⵔⵓⵜ ⴰⴷ ⴰⵏⵜⵉⵔⵏⵉⵜ ⵏ ⵜⵖⵔⴰ ⵢⴰⵜⵜⵓⵢⵏ, ⴰⴼ ⴰⴷ ⵜⵉⵍⵉ ⵜⵡⵍⴰⴼⵜ ⵉⵄⴷⵍⵏ ⴷ ⴰⴷ ⵓⵔ ⵉⴱⴱⵉ ⵡⵎⵢⴰⵡⴰⴹ.

ⵉⵖⵕⴰ, ⴳ ⵓⵣⵎⵎⵣⵓ ⴷⵖ, ⵉⵎⴷⵔⴰⵡⵏ ⴳ ⵓⵎⴰⴳⵔ ⴰⴷ ⵉⵥⵍⵉⵏ ⵙ ⵉⵏⵖⵎⵉⵙⵏ ⵏ ⵉⵙⵙⵓⴼⴰⵖ ⵏ ⵜⵙⵎⵓⵏⵉ ⵏ ⵓⴳⵔⴰⵡ ⵏ ⵓⵣⴷⵓⵢ ⴰⵏⴰⵎⵎⴰⵙ ⴷ ⵜⵥⵕⵉ ⵏ ⵉⵎⴰⵍ ⵏ ⵜⴽⵍⵉⵜ ⴰⴷ ⵢⵓⵛⴽⴰⵏ, ⴰⴼ ⴰⴷ ⴷⵔⵓⵏ ⴳ ⵓⵙⴷⵓⵙ ⵏ ⵉⵔⵉⵎ ⴰⴷ ⴰⴼ ⴰⴷ ⵜⵎⵓⵔⵙ ⵜⵙⵏⴱⴹⴰⵢⵜ ⵙ ⵡⴰⴳⴳⵓⴳ, ⴷ ⵓⵣⴷⵓⵢ ⴷ ⵜⵏⴱⴰⴹⵉⵏ ⵜⵉⵣⵔⴼⴰⵏⵉⵏ ⵉⵥⵍⵉⵏ ⵎⵔⴰ ⴰⴷ ⵉⵍⵉⵏ ⵉⵙⵓⵜⵍⵏ ⵏ ⵓⵎⵓⵔⵙ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B5%8F-%E2%B5%9C%E2%B5%A3%E2%B5%94%E2%B4%BC%E2%B5%9C-%E2%B5%94%E2%B4%B0%E2%B4%B7-%E2%B5%99%E2%B5%93%E2%B5%8D-%E2%B5%89%E2%B5%A1%E2%B5%93%E2%B5%94%E2%B5%89-%E2%B5%A2%E2%B5%94%E2%B5%89%E2%B5%8E-%E2%B5%8F-%E2%B5%9C%E2%B5%99%E2%B5%8F%E2%B4%B1%E2%B4%B9%E2%B4%B0%E2%B5%A2%E2%B5%9C-%E2%B5%99-%E2%B5%A1%E2%B4%B0%E2%B4%B3%E2%B4%B3%E2%B5%93%E2%B4%B3-%E2%B4%B3-%E2%B5%9C%E2%B4%BD%E2%B5%8D%E2%B5%89%E2%B5%9C-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F