ⴰⴽⴽⵯⵙ ⵏ ⵎⵏⵏⴰⵡ ⵏ ⵉⵎⴰⴽⵏ ⵉⵜⵜⵢⵓⵎⴰⵥⵏ ⴷⴰⵜ ⵏ ⵓⴱⴰⵢⵢⵓⵕ "ⴽⵓⴼⵉⴷ-19" ⴳ ⵜⵙⴳⴰ ⵏ ⵍⵢⵓⵙⵓⴼⵢⵢⴰ

03 ⵛⵓⵜⴰⵏⴱⵉⵔ 2020 Version Imprimable

ⵍⵢⵓⵙⵓⴼⵢⵢⴰ - ⵉⵙⴳⵓⵔⴰ ⵡⴳⵔⴰⵡ ⵏ ⵓⵎⵙⴰⵙⴰ ⴰⵙⴳⵡⴰⵏ ⴳ ⵍⵢⵓⵙⵓⴼⵢⵢⴰ ⵎⴰⵙ ⵉⵙ ⴽⴽⵯⵙⵏ ⵎⵏⵏⴰⵡ ⵏ ⵉⵎⴰⴽⵏ ⵉⵜⵜⵢⵓⵎⴰⵥⵏ ⴷⴰⵜ ⵏ ⵓⴼⵉⵔⵓⵙ "ⴽⵓⵕⵓⵏⴰ" (ⴽⵓⴼⵉⴷ-19) ⴳ ⵜⵙⴳⴰ ⵢⴰⴷ, ⵙⴳ ⴰⵙⵙ ⵏ ⵓⴽⵡⴰⵙ, ⵙ ⵓⵙⵓⵜⴳ ⵍⵍⵉ ⵢⵙⴽⵔ ⵓⴳⵔⴰⵡ ⴰⴷ ⵙ ⵓⵣⵎⵎⵣⵓ ⵏ ⵓⵙⴱⵓⵖⵍⵓ ⵏ ⵡⴰⴷⴷⴰⴷ ⵏ ⵓⴱⴰⵢⵢⵓⵕ ⴳ ⵜⵙⴳⴰ ⵢⴰⴷ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴳⵔⴰⵡ ⵏ ⵓⵎⵙⴰⵙⴰ ⴰⵙⴳⵡⴰⵏ ⵎⴰⵙ "ⵉⵜⵜⵓⵖⵜⴰⵙ ⵙⴳ ⴰⵙⵙ ⴰⴷ ⴰⴷ ⵓⵔ ⵉⵇⵇⴰⵎⴰ ⴰⵇⵇⵏ ⵏ ⵜⵃⵏⴰ ⵜⵉⵙⴱⴰⴱⵉⵏ ⴷ ⵜⵣⵣⵓⵍⴰⵏⵉⵏ ⴷ ⵜⵏⴰⴼⵓⵔⵉⵏ ⴷ ⵓⵙⵙⴰⵢⵏ ⵉⴳⴷⵓⴷⴰⵏⵉⵏ ⴷ ⵜⵙⴱⴱⴰⴱⵜ ⵏ ⵓⴽⵎⵓⵔ ⴷ ⵓⵙⵛⴼⵏ ⴷ ⵉⴷⴷⵉⵙⵏ ⴷ ⵜⵣⵇⵇⴰ ⵏ ⵜⵏⵏⵓⵏⵜ ⴳ ⵜⵙⴳⴰ ⵏ ⵍⵢⵓⵙⵓⴼⵢⵢⴰ, ⵎⴰ ⵢⴰⴷ ⵉⴳⴰⵏ ⴰⵙⴳⵓⵎ ⵏ ⵜⵖⵜⴰⵙⵜ ⵜⵓⵏⴱⵉⴹⵜ ⵜⵉⵙⵙ 38 ⵉⴼⴼⵖⵏ ⴰⵙⵙ ⵏ 27 ⵖⵓⵛⵜ 2020.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵜⵖⵜⴰⵙⵜ ⴰⴷ ⵜⴱⵉⴷⴷ ⵅⴼ "ⵜⵙⵎⵓⵏⵉⵏ ⵉⵙⵏⵎⴰⵍⵏ ⵍⵍⵉ ⵢⵙⵎⴰⵏ ⵓⴳⵔⴰⵡ ⴰⵙⴳⵡⴰⵏ ⵏ ⵓⵎⵙⴰⵙⴰ ⴷⴷⵓ ⵏ ⵜⴼⴰⵡⵜ ⵏ ⵓⵙⴱⵓⵖⵍⵓ ⵏ ⵡⴰⴷⴷⴰⴷ ⵏ ⵓⴱⴰⵢⵢⵓⵕ "ⴽⵓⴼⵉⴷ-19" ⴳ ⵜⵙⴳⴰ ⵏ ⵍⵢⵓⵙⵓⴼⵢⵢⴰ, ⴷ ⵎⴰ ⵢⴰⴷ "ⵉⴱⵉⴷⴷⵏ ⵅⴼ ⵉⵎⴰⴽⵏ ⵏ ⵓⵃⵟⵟⵓ ⵉⵜⵜⵢⵓⵎⴰⵥⵏ ⴰⴼ ⴰⴷ ⵉⴱⵉⴷⴷ ⵓⵙⴼⵙⵔ ⵏ ⵓⴱⴰⵢⵢⵓⵕ, ⴷ ⵎⴰ ⵢⴰⴷ ⵉⵅⵚⵚⴰⵏ ⴰⵎⵎⴰⵙ ⵏ ⵉⵎⴰⴽⵏ ⵉⵣⵔⴼⴰⵏ ⵉⵎⴰⵏⵏ ⴷ ⵓⵙⵔⵙ ⵏ ⵡⴰⴷⴷⴰⴷ ⵏ ⵓⵇⵇⵉⵎ ⴰⴷⵓⵙⴰⵏ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B4%BD%E2%B4%BD%E2%B5%AF%E2%B5%99-%E2%B5%8F-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%8E%E2%B4%B0%E2%B4%BD%E2%B5%8F-%E2%B5%89%E2%B5%9C%E2%B5%9C%E2%B5%A2%E2%B5%93%E2%B5%8E%E2%B4%B0%E2%B5%A5%E2%B5%8F-%E2%B4%B7%E2%B4%B0%E2%B5%9C-%E2%B5%8F-%E2%B5%93%E2%B4%B1%E2%B4%B0%E2%B5%A2%E2%B5%A2%E2%B5%93%E2%B5%95-%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B4%B3-%E2%B5%9C%E2%B5%99%E2%B4%B3%E2%B4%B0-%E2%B5%8F-%E2%B5%8D%E2%B5%A2%E2%B5%93%E2%B5%99%E2%B5%93%E2%B4%BC%E2%B5%A2%E2%B5%A2%E2%B4%B0