ⴰⵎⴰⵣ ⵏ 14 ⵎⴷⴷⵏ ⴳ ⵕⵕⴱⴰⵟ ⴷ ⵙⵍⴰ ⵉⴼⵖ ⵏⵜ ⵛⵛⵉⴽ ⵉⵙ ⵉⴱⵉⵏ ⵏ ⵓⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ

02 ⵛⵓⵜⴰⵏⴱⵉⵔ 2020 Version Imprimable

ⵕⵕⴱⴰⵟ - ⵥⴹⴰⵕⵏ ⵜⵎⵀⵍⵉⵡⵉⵏ ⵜⵏⴰⴼⵓⵔⵉⵏ ⵍⵍⵉ ⵙⴽⵔⵏⵜ ⵜⵏⴰⴼⵓⵜⵉⵏ ⵏ ⵜⵏⴼⵔⵓⵜ ⵏ ⵍⵡⵉⵍⵢⴰ ⵏ ⵜⵏⴼⵔⵓⵜ ⵏ ⵕⵕⴱⴰⵟ ⴷ ⵜⵏⴼⵔⵓⵜ ⵜⵙⴳⴰⵡⵉⵏⵜ ⵏ ⵜⵖⵔⵎⵜ ⵏ ⵙⵍⴰ ⵉⴹⵍⵍⵉ ⴰⵙⵙ ⵏ ⵓⵙⵉⵏⴰⵙ ⵅⴼ ⴰⵎⴰⵣ ⵏ 14 ⵎⴷⴷⵏ ⴰⵎⴰⵣ ⵏ 14 ⵎⴷⴷⵏ ⴳ ⵕⵕⴱⴰⵟ ⴷ ⵙⵍⴰ ⵉⴼⵖ ⵏⵜ ⵛⵛⵉⴽ ⵉⵙ ⵉⴱⵉⵏ ⵓⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴷ ⵓⵔ ⴼⴰⵔⴽⵏ ⴷ ⵉⵜⵜⵓⵙⴽⴰⵔⵏ ⵏ ⵉⵕⵥⴰⵏ ⵜⵎⵜⵜⴰⵡⵉⵏ ⴳ ⵉⵙⴽⵏⴽⵏⵉⵏ ⵉⵙⵍⴳⵏ .

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵎⴰⵙ ⵓⵎⴰⵣ ⵏ ⵉⴼⵖ ⵏⵜ ⵛⵛⵉⴽ ⴷⴼⴼⵉⵔ ⵍⵍⵉⵖ ⵙⴽⵔⵏ ⵓⴳⵔⴰⵡ ⵉⴹⴼⴼⴰⵕⵏ ⵢⴰⵏ ⵉⵍⵜⵔⴰⵜ ⵏ ⵓⵙⴳⵔⴰⵡ ⴰⵏⴰⵎⵓⵏ ⴳ ⴽⵔⴰ ⵢⴳⴰⵜ ⵏ ⵜⵙⴽⵡⵉⵏ ⵏ ⵉⵎⵣⴷⵖⵏ ⴳ ⵜⵖⵔⵎⵉⵏ ⵏ ⵕⵕⴱⴰⵟ ⴷ ⵙⵍⴰ ⴳ ⵓⵙⴰⵜⵉ ⵏ ⵓⵙⴼⵓⴽⵍⵓ ⵏ ⵓⵙⴽⵜⵉ ⵏ ⵓⵙⵙⵓⴼⵖ ⵏ ⵓⵙⴳⵔⴰⵡ ⴷⴼⴼⵉⵔ ⵍⵍⵉⵖ ⵉⵣⵔⵉⵏ ⵙ ⵉⵡⵜⵏ ⵏ ⵉⵙⵍⵉⵡⵏ ⴷ ⵉⵔⵥⵏ ⵜⵎⵜⵜⴰⵡⵉⵏ ⵏ ⵉⵙⴽⵉⵏⵉⵏ ⵏ ⵎⴷⴷⵏ ⵉⴳⴰ ⵍⵃⴰⵍ ⵏ ⵙⵎⵎⵓⵙⵜ ⵜⵀⵉⵔⵉⵜⵉⵏ ⵉⵙⵍⵉⴳⵏ ⵙⴱⴱⵉⴷⵏ ⴳ ⵜⵙⵓⴽⵜ ⵏ ⵢⵄⵇⵓⴱ ⵍⵎⵏⵚⵓⵕ ⴳ ⵜⵖⵔⵎⵜ ⵏ ⵕⵕⴱⴰⵟ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⴰⴽⵛⵛⵓⵎ ⴰⵖⴰⵡⵍ ⵏ ⵉⴳⵔⴰⵡⵏ ⵏ ⵍⴱⵓⵍⵉⵙ ⵥⴹⴰⵕ ⵓⵎⴰⵣ ⵏ ⵉⴼⵖ ⵏⵜ ⵛⵛⵉⴽ ⴳ ⵓⵙⴽⵔ ⵏ ⵉⵙⵇⵇⵉⵏⵉⵏ ⵉⴱⵔⴽⴹⵏ ⴷ ⵓⵕⵥⵥⵓⵎ ⵏ ⵓⵙⵉⴳⴳⵍ ⴰⵣⵔⴼⴰⵏ ⵎⵔⴰ ⴰⴷ ⵉⵜⵜⵓⵙⵖⴷ ⵏ ⵉⵏⴳⵯⴰⵙⵏ ⵍⵍⵉ ⵉⵕⵥⴰⵏ ⵎⴰⴷ ⵖⵓⵔⵙⵏ ⵉⵍⵍⴰ ⴳ ⵜⵎⵜⵜⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B4%B0%E2%B5%A3-%E2%B5%8F-14-%E2%B5%8E%E2%B4%B7%E2%B4%B7%E2%B5%8F-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B4%B7-%E2%B5%99%E2%B5%8D%E2%B4%B0-%E2%B5%89%E2%B4%BC%E2%B5%96-%E2%B5%8F%E2%B5%9C-%E2%B5%9B%E2%B5%9B%E2%B5%89%E2%B4%BD-%E2%B5%89%E2%B5%99-%E2%B5%89%E2%B4%B1%E2%B5%89%E2%B5%8F-%E2%B5%8F-%E2%B5%93%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B5%8D-%E2%B4%B0%E2%B4%B7%E2%B5%93%E2%B5%99%E2%B4%B0%E2%B5%8F%C2%A0