ⵉⵔⵉⵎ ⴰⵏⵎⵏⴰⴹ ⴰⵎⵙⵢⵉⵡⵏ ⵏ ⵓⵙⴳⴳⵯⴰⵙ ⴰⵎⵣⵡⴰⵔⵓ ⵏ ⵍⴱⴰⴽⴰⵍⵓⵕⵢⴰ ⴳ ⵓⵙⵙⴰⵏ 1 ⴷ 2 ⴷ 3 ⵏ ⴽⵟⵓⴱⵔ 2020 ⵉⵖ ⵢⵓⴼ ⵓⴷⴷⴰⴷ ⵏ ⵓⴱⴰⵢⵢⵓⵕ ⴳ ⵜⴳⵍⴷⵉⵜ

01 ⵛⵓⵜⴰⵏⴱⵉⵔ 2020 Version Imprimable

ⵕⵕⴱⴰⵟ - ⵜⵙⴳⵓⵔⴰ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵉⴹ ⵍⵍⵉ ⵏ ⴰⵙⵙ ⵏ ⵓⵢⵏⴰⵙ, ⵎⴰⵙ ⵉⵜⵜⵓⵖⵜⵙ ⴰⴷ ⵉⵜⵜⵓⵙⴽⴰⵔ ⵉⵔⵉⵎ ⴰⵏⵎⵏⴰⴹ ⴰⵎⵙⵢⵉⵡⵏ ⵏ ⵓⵙⴳⴳⵯⴰⵙ ⴰⵎⵣⵡⴰⵔⵓ ⵏ ⵍⴱⴰⴽⴰⵍⵓⵕⵢⴰ ⴳ ⵓⵙⵙⴰⵏ 1 ⴷ 2 ⴷ 3 ⴽⵟⵓⴱⵔ 2020 ⵉⵖ ⵢⵓⴼ ⵓⴷⴷⴰⴷ ⵏ ⵓⴱⴰⵢⵢⵓⵕ ⴳ ⵜⴳⵍⴷⵉⵜ.

ⵜⴼⵔⴰ ⵜⵏⵏⴰ ⵜⵎⴰⵡⴰⵙⵜ ⴳ ⵢⴰⵏ ⵓⵙⵉⵡⴹ ⵎⴰⵙ ⵓⵙⵏⵎⴰⵍⴰ ⵏ ⵉⵔⵉⵎ ⴰⴷ ⵢⵓⵛⴽⴰ ⴷⴼⴼⵉⵔ ⵍⵍⵉⵖ ⵙⴱⵖⵔⵏ ⵉⵏⵍⵎⴰⴷⵏ ⵉⵎⵙⵜⴳⴳⴰⵔⵏ ⵙⴳ ⵜⴽⵍⵉⵏ ⵏ ⵓⵣⵣⵔⴰⵢ ⴷ ⵜⵉⵙⵉ ⵉⵜⵜⵓⵙⵖⴰⵡⴰⵙⵏ ⴳ ⵡⴰⵢⵢⵓⵔ ⵏ ⵛⵓⵜⴰⵏⴱⵉⵔ ⴷ ⴷⴰⵜ ⵏ ⵍⴱⴷⵓ ⵏ ⵜⵙⵔⴷⵉⵏ ⵏ ⵓⵙⴳⴳⵯⴰⵙ ⵡⵉⵙⵙ ⵙⵉⵏ ⵏ ⵍⴱⴰⴽⴰⵍⵓⵕⵢⴰ ⴰⵙⵙ ⵏ 05 ⴽⵟⵓⴱⵔ 2020.

ⵜⵜⵢⴰⵎⴰⵥ ⵜⵖⵜⴰⵙⵜ ⴰⴷ ⴷⴼⴼⵉⵔ ⵏ ⵜⵙⵎⵓⵏⵉ ⵍⵍⵉ ⵢⵙⵎⴰⵏ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴰⵎⵙⵉⵡⵍ ⵙ ⵢⵙⵎ ⵏ ⵜⵏⴱⴰⴹⵜ, ⵉⴹ ⵍⵍⵉ ⵏ ⴰⵙⵙ ⵏ ⵓⵢⵏⴰⵙ ⴷ ⵉⵏⴳⵔⴰⵡⵏ ⵉⵙⵎⴷⵢⴰⵏ ⵜⵎⵙⵎⵓⵏⵉⵏ ⵏ ⵉⵎⴰⵜⵜⵙⵏ ⴷ ⴱⴰⴱⴰⵜⵙⵏ ⵏ ⵉⵏⵍⵎⴰⴷⵏ ⴳ ⵓⵙⵡⵉⵔ ⴰⵏⴰⵎⵓⵔ, ⵎⴰ ⵢⴰⴷ ⵉⴳⴰⵏ ⵜⴼⵉⴹⵉⵕⴰⵍⵉⵜ ⵜⴰⵏⴰⵎⵓⵔⵜ ⵏ ⵜⵎⵙⵎⵓⵏⵉⵏ ⵏ ⵉⵎⵎⴰⵜⵙⵏ ⴷ ⴱⴰⴱⴰⵜⵙⵏ ⵏ ⵉⵏⵍⵎⴰⴷⵏ ⴳ ⵍⵎⵖⵔⵉⴱ, ⴷ ⵜⴼⵉⴹⵉⵕⴰⵍⵉⵜ ⵜⴰⵏⴰⵎⵓⵔⵜ ⵜⵎⵖⵔⴰⴱⵉⵜ ⵏ ⵜⵎⵙⵎⵓⵏⵉⵏ ⵏ ⴱⴰⴱⴰⵜⵙⵏ ⴷ ⵉⵎⵎⴰⵜⵙⵏ ⵏ ⵉⵏⵍⵎⴰⴷⵏ, ⴷ ⵜⴽⵓⵏⴼⵉⴹⵉⵕⴰⵍⵉⵜ ⵜⴰⵏⴰⵎⵓⵔⵜ ⵏ ⵜⵎⵙⵎⵓⵏⵉⵏ ⵏ ⵏ ⵉⵎⵎⴰⵜⵙⵏ ⴷ ⴱⴰⴱⴰⵜⵙⵏ, ⴷ ⵜⵡⵊⴰ ⵏ ⵉⵏⵍⵎⴰⴷⵏ ⴳ ⵍⵎⵖⵔⵉⴱ, ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵙⵜⴰⵢⵏ ⵏ ⵜⵎⵙⵎⵓⵏⵉⵏ ⵏ ⵉⵎⵎⴰⵜⵙⵏ ⴷ ⴱⴰⴱⴰⵜⵙⵏ ⵏ ⵜⵡⵊⴰ ⵏ ⵉⵏⵍⵎⴰⴷⵏ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%89%E2%B5%94%E2%B5%89%E2%B5%8E-%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9-%E2%B4%B0%E2%B5%8E%E2%B5%99%E2%B5%A2%E2%B5%89%E2%B5%A1%E2%B5%8F-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F-%E2%B5%8D%E2%B4%B1%E2%B4%B0%E2%B4%BD%E2%B4%B0%E2%B5%8D%E2%B5%93%E2%B5%95%E2%B5%A2%E2%B4%B0-%E2%B4%B3-%E2%B5%93%E2%B5%99%E2%B5%99%E2%B4%B0%E2%B5%8F-1-%E2%B4%B7-2-%E2%B4%B7-3-%E2%B5%8F-%E2%B4%BD%E2%B5%9F%E2%B5%93%E2%B4%B1%E2%B5%94-2020