ⵜⵖⵜⵙ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴰⴷ ⵜⴰⵎⵣ "ⴰⵙⵍⵎⴰⴷ ⵙ ⵡⴰⴳⴳⵓⴳ " ⴰⵎⵎ ⴰⴱⵔⵉⴷ ⴰⵏⵎⵍⴰⵏ ⴳ ⵍⴱⴷⵓ ⵏ ⵓⵙⴳⴳⵯⴰⵙ ⴰⵏⵎⵍⴰⵏ 2020-2021

24 ⵖⵓⵛⵜ 2020 Version Imprimable

ⵕⵕⴱⴰⵟ - ⵜⵖⵜⵙ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴰⴷ ⴰⵏⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏ ⴰⵙⵙ ⵏ ⵓⵙⵉⴹⵢⴰⵙ ⵉⵣⵔⵉⵏ ⴰⴷ ⵜⴰⵎⵣ ⵙ " ⴰⵙⵍⵎⴰⴷ ⵙ ⵡⴰⴳⴳⵓⴳ" ⴰⵎⵎⴰ ⵓⴱⵔⵉⴷ ⴰⵏⵍⵎⴰⵏ ⴳ ⵍⴱⴷⵓ ⵏ ⵓⵙⴳⴳⵯⴰⵙ ⴰⵏⵎⵍⴰⵏ 2020-2021 ⵍⵍⵉ ⵔⴰⴷ ⵉⴱⴷⵓ ⴳ 7 ⵛⵓⵜⴰⵏⴱⵉⵔ ⴳ ⴰⴽⴽⵯ ⵉⵙⵡⵉⵔⵏ ⴳ ⴰⴽⴽⵯ ⵏ ⵜⵎⵔⵙⴰⵍⵉⵏ ⵉⵏⵍⵎⴰⴷⵉⵏ ⵜⴳⴷⵉⴷⴰⵏⵉⵏ ⴷ ⵓⵙⵍⵉⴳⵏ ⴷ ⵜⵉⵏⵎⵍⵏ ⵏ ⵉⴽⴰⴱⴰⵕⵏ ⵉⴱⵕⵕⵏⵢⵉⵏ.

ⵜⵙⵓⵍ ⵜⵏⵏⴰ ⵜⵎⴰⵡⴰⵙⵜ ⴳ ⵢⴰⵏ ⵓⵙⵉⵡⴹ ⵎⴰⵙ ⵔⴰⴷ ⵜⵜⴼⴽⴰ "ⴰⵙⵍⵎⴰⴷ ⵉⵃⴹⵕⵏ" ⴳ ⵉⵏⵍⵎⴰⴷⵏ ⵍⵍⵉ ⵔⴰⵏ ⴱⴰⴱⵙⵏ ⵓⵙⵜⴰⵢ ⴰⴷ ⴰⵎⵎ ⵓⴱⵔⵉⴷ ⴷ ⵔⴰⴷ ⵜⵜⵓⵙⵔⵙ ⵢⴰⵏ ⵓⵎⴰⴽ ⵎⵔⴰ ⴰⴷ ⵥⴹⴰⵕⵏ ⵜⵡⵊⴰⵏ ⵉⵔⴰⵏ ⵓⵙⵜⴰⵢ ⴰⴷ , ⵜⵙⵓⵍ ⵜⵏⵏⴰ ⵎⴰⵙ ⵜⵖⵜⵙⵜ ⴰⴷ ⵢⵓⵛⴽⴰⴷ ⴷⴷⵓ ⵏ ⵓⴷⴷⴰⴷ ⵏ ⵓⴱⴰⵢⵢⵓⵕ ⵉⵛⵇⵇⴰⵏ ⴳ ⵜⵎⴰⵣⵉⵖⵜ ⴳ ⵡⴰⵙⵙⵏ ⴰⴷ ⵍⵍⵉ ⵜⵙⵏ ⴰⵖⵍⵉ ⴰⵎⵇⵇⵕⴰⵏ ⴳ ⵉⴷⴷⴰⴷⵏ ⵉⵎⵏⴳⴰⵏ ⴷ ⴰⵎⴰⴹⵏ ⵏ ⵎⵉⴷⴷⵏ ⴳ ⵓⴷⴷⴰⴷ ⵉⵛⵇⵇⴰⵏ ⴷ ⴰⵎⴰⴹⵏ ⵏ ⵜⵎⵜⵜⴰⵏⵜ .

ⴳ ⵓⵙⴰⵜⵉ ⴷⵖ ⴷ ⵓⴼⵔⴳ ⵅⴼ ⵜⴰⴷⵓⵙⵉ ⴷ ⵙⵙⵍⴰⵎⵜ ⵏ ⵉⵏⵍⵎⴰⴷⵏ ⴷ ⵉⵙⵜⴰⵢⵉⵏ ⵉⵏⵎⵍⴰⵏ ⴷ ⵉⵎⵙⵜⴳⴳⴰⵔⵏ ⵔⴰⴷ ⴰⴷ ⵜⴼⴽⴰ ⵜⵎⴰⵡⴰⵙⵜ ⵏ ⵉⵙⵓⵜⵍⵏ ⵉⴼⵓⵍⴽⵉⵏ ⴷⴷⵓ ⵏ ⵓⵣⵣⵉⴳⵔ ⵏ ⵓⴱⵔⵓⵟⵓⴽⵓⵍ ⴰⴷⵓⵙⴰⵏ ⴰⴷⴷⵓⵙ ⴷ ⵓⴼⵔⴳ ⵏ ⵓⵙⵡⵓⴷⴷⵓⵏ ⵏ ⵓⵃⵟⵟⵓ ⵏ ⵜⵏⴱⴰⴹⵉⵏ ⵜⴷⵖⵔⴰⵏⵉⵏ ⵙⴰⵍⵡⵏ ⴰⴽⴽⵯ ⵜⴰⵙⵓⵏⴰ ⴳ ⵍⴱⴷⵓ ⵏ ⵓⵙⴳⴳⵯⴰⵙ ⵙⵎⵎⵓⵙⵜ ⵏ ⵓⵎⵏⵣⵓ ⴷ ⵓⴳⴳⴰⵔⴷ ⵓⵙⵉⵔⴷ ⵏ ⵉⴼⴰⵙⵏ ⴳ ⵢⴰⵜ ⵜⵡⵍⴰⴼⵜ ⵜⵔⵏⵓⵏⵜ ⵓⵍⴰ ⵓⴼⵔⴳ ⵏ ⵡⴰⴳⴳⵓⴳ ⴰⵏⴼⴳⴰⵏ ⴷ ⴰⵙⴳⴳⵯⵣ ⵏ ⴰⵎⴰⴹⵏ ⵏ ⵉⵏⵎⵍⴰⴷ ⴳ ⵓⴳⵏⵙⵓ ⵏ ⵜⵉⵎⵖⵔⵉⵏ ⵉⵏⵎⵍⴰⴷⵏ ⴷ ⵓⵙⵉⵣⴷⴳ ⵉⵔⵏⵓⵏ ⵏ ⴰⴽⴽⵯ ⵜⵏⴰⴼⵓⵜⵉⵏ ⵏ ⵜⵎⵔⵙⵍⵉⵏ ⵉⵏⵍⵎⴰⴷⵏ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%C2%A0%E2%B5%9C%E2%B5%96%E2%B5%9C%E2%B5%99-%E2%B5%9C%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B5%89-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B4%B0%E2%B4%B7-%E2%B5%9C%E2%B4%B0%E2%B5%8E%E2%B5%A3-%E2%B4%B0%E2%B5%99%E2%B5%8D%E2%B5%8E%E2%B4%B0%E2%B4%B7-%E2%B5%99-%E2%B5%A1%E2%B4%B0%E2%B4%B3%E2%B4%B3%E2%B5%93%E2%B4%B3-%E2%B4%B0%E2%B5%8E%E2%B5%8E-%E2%B4%B0%E2%B4%B1%E2%B5%94%E2%B5%89%E2%B4%B7-%E2%B4%B0%E2%B5%8F%E2%B5%8E%E2%B5%8D%E2%B4%B0%E2%B5%8F-%E2%B4%B3-%E2%B5%8D%E2%B4%B1%E2%B4%B7%E2%B5%93-%E2%B5%8F