ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴹ ⵏⵏⵙ ⵏ ⵜⵜⵓⵣⵏⵉⵏ ⵏ ⵜⵡⵉⵙⵉ ⵜⴰⵏⴼⴳⴰⵏⵜ ⵜⵖⴰⵡⵍⵜ ⵉ ⵍⵓⴱⵏⴰⵏ

06 ⵖⵓⵛⵜ 2020 Version Imprimable

ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⴽⵡⴰⵙ ⵉⴹⵏ ⵢⴰⵜⵜⵓⵢⵏ ⵏⵏⵏⵙ ⵏ ⵜⵜⵓⵣⵏⵉⵏ ⵏ ⵜⵡⵙⵉ ⵜⴰⵏⴼⴳⴰⵏⵜ ⵜⵖⴰⵡⵍⵜ ⵉ ⵜⴳⴷⵓⴷⴰⵏⵜ ⵜⴰⵍⵓⴱⵏⴰⵏⵉⵜ ⴷⴼⴼⵉⵔ ⵏ ⵓⵟⵟⵉⵇⵙ ⵉⵛⵇⵇⴰⵏ ⵍⵍⵉ ⵢⵊⵕⴰⵏ ⴳ ⴰⴼⵜⴰⵙ ⵏ ⴱⴰⵢⵔⵓⵜ ⴷ ⵢⵓⵊⵊⴰⵏ ⵎⵏⵏⴰⵡ ⵏ ⵉⴳⵯⴰⵙⵏ ⴷ ⵉⵕⵥⴰⵏ ⵏ ⵜⵉⵎⵜⵜⵉⵡⵉⵏ ⵉⵅⴰⵜⴰⵔⵉⵏ .

ⴼ ⵖⵉⴽⴰⵏ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴹⵏ ⵢⴰⵜⵜⵓⵢⵏ ⵏ ⵜⵜⵓⵣⵏⵉⵏ ⴷ ⵓⵙⴽⵔ ⵏ ⵚⵚⴱⵉⵟⴰⵕ ⴰⵏⴰⵎⵎⴰⵙ ⴳ ⴱⴰⵢⵔⵓⵜ ⵎⵔⴰ ⴰⴷ ⵉⵜⵜⵓⵙⵎⵏⴰⴷ ⵏ ⵜⵎⵙⵏⵉⵊⵊⵉⵏ ⵜⵖⴰⵡⵍⵏ ⵉ ⵢⵎⵣⴷⴰⵖⵏ ⵉⴳⵯⵙⵏ ⴳ ⴰⵙⴽⴽⵉⵏ ⴰⴷ .

ⵉⵍⵍⴰ ⴳ ⵚⵚⴱⵉⵟⴰⵕ ⴰⵏⴰⵎⵎⴰⵙ 100 ⵓⴼⴳⴰⵏ ⵉⵍⵍⴰ ⴷⵉⴳⵙⵏ 14 ⴰⴹⴱⵉⴱ ⵙⴳ ⵎⵏⵏⴰⵡ ⵜⵥⵍⴰⵢⵉⵏ (ⴰⵎⵓⵙⵙⵓ ⴷ ⴰⴼⵍⴰⵢ ⴷ ⵉⵖⵙⵙ ⴷ ⵜⵡⵔⵎⵜ ⴷ ⴰⵏⵣⴰⵔⵏ ⴷ ⴰⵣⵣⵓⵖ ⴷ ⵜⵉⵟⵟⴰⵡⵉⵏ ⴷ ⴰⵎⵙⵏⵉⵊⵊⵉ ⵏ ⵙⵖⵓⵙ ⴷ ⴰⴼⵍⴰⵢ ⵏ ⴰⵖⵚⴰⴱ ⴷ ⴰⵎⵙⵏⵉⵊⵊⵉ ⵏ ⵉⴼⵔⵓⵅⵏ ⴷ ⵉⵎⵙⴰⵙⴼⵔⵏ) ⴷ ⵉⵏⵙⵎⴰⴳⴰⵍⵏ ⵉⵥⵍⴰⵢⵉⵏ ⴷ ⵉⴼⵔⴷⵉⵙⵏ ⵏ ⵓⵏⵏⴰⵍ ⵔⴰⴷ ⵉⵍⵍⵉ ⴳⵉⵙ ⵓⵍⴰ ⴰⵏⵙⴰ ⵏ ⵜⵎⵀⵉⵍⵉⵡⵉⵏ ⴷ ⵉⴳⵣⵣⵓⵎⵏ ⵏ ⵓⵎⵙⵏⵉⵊⵊⵉ ⴷ ⵓⵣⵣⵔⴰⵢ ⵏ ⵉⵥⵏⵣⴰⵔ ⴷ ⴰⵙⵉⵣⴷⴳ ⴷ ⵓⵙⴰⵔⵎ ⴷ ⵜⴰⵙⴰⵙⴼⵔⵜ .

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴱⵔⴰⵜ ⵏ ⵓⴼⵛⴰⴷ ⵉ ⵡⵏⵙⵙⵉⵅⴼ ⴰⵍⵓⴱⵏⴰⵏⵉ ⴷⴼⴼⴼⵉⵔ ⵏ ⵓⵟⵟⵉⵇⵙ ⵍⵍⵉ ⵢⵊⵕⴰⵏ ⴳ ⵓⴼⵜⴰⵙ ⵏ ⴱⴰⵢⵔⵓⵜ ⴷ ⵢⴰⵊⵊ ⵏ ⵉⵕⵣⴰⵏ ⵏ ⵜⵎⵜⵜⴰⵡⵉⵏ ⵉⵅⴰⵜⴰⵔⵏ

Dernière modification : 06 ⵖⵓⵛⵜ 2020

Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B4%B9-%E2%B5%8F%E2%B5%8F%E2%B5%99-%E2%B5%8F-%E2%B5%9C%E2%B5%9C%E2%B5%93%E2%B5%A3%E2%B5%8F%E2%B5%89%E2%B5%8F-%E2%B5%8F-%E2%B5%9C%E2%B5%A1%E2%B5%89%E2%B5%99%E2%B5%89-%E2%B5%9C%E2%B4%B0%E2%B5%8F%E2%B4%BC%E2%B4%B3%E2%B4%B0%E2%B5%8F%E2%B5%9C-%E2%B5%9C%E2%B5%96%E2%B4%B0%E2%B5%A1%E2%B5%8D%E2%B5%9C-%E2%B5%89-%E2%B5%8D%E2%B5%93%E2%B4%B1%E2%B5%8F%E2%B4%B0%E2%B5%8F%C2%A0