Published on MAPNews (https://www.mapnews.ma/am)

Accueil > ⴰⵖⴰⵡⴰⵙ ⵉⵙⵉⴷⴼⵏ ⵏ ⵓⵏⵏⴰⵍ ⵏ ⵓⵥⵕⴼ ⵏ ⵜⵎⵙⵙⵏⵜⵉⵏ : ⴰⵏⵣⴰ ⵏ ⵜⵥⵕⵉⵜ ⵜⴰⴳⵍⴷⴰⵏⵜ ⵉⵔⴰⵏ ⴰⴷ ⵜⵏⴽⵔ ⵙ ⵜⵎⵙⵏⵜⵉⵜ

ⴰⵖⴰⵡⴰⵙ ⵉⵙⵉⴷⴼⵏ ⵏ ⵓⵏⵏⴰⵍ ⵏ ⵓⵥⵕⴼ ⵏ ⵜⵎⵙⵙⵏⵜⵉⵏ : ⴰⵏⵣⴰ ⵏ ⵜⵥⵕⵉⵜ ⵜⴰⴳⵍⴷⴰⵏⵜ ⵉⵔⴰⵏ ⴰⴷ ⵜⵏⴽⵔ ⵙ ⵜⵎⵙⵏⵜⵉⵜ

16 ⵢⵓⵍⵢⵓⵣ 2020 Version Imprimable
ⵕⵕⴱⴰⵟ - ⵉⴳⴰ ⵡⵙⴼⵓⴳⵍⵓ ⵏ ⵜⴽⵍⵉⵜ ⵜⵉⵙⵙ 21 ⵏ ⵓⵙⴽⴽⵉⵡⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⴷⴰⴱⵓ ⴰⵄⴰⵍⴰⵡⵉ ⴰⵅⴰⵜⴰⵔ, ⵢⴰⵏ ⵓⵣⵎⵣⵣⵓ ⵢⵄⴷⵍⵏ ⵏ ⵓⵙⵙⴽⵜⵉ ⵏ ⴽⵔⴰ ⵢⴳⴰⵜⵜ ⵜⵡⵡⵓⵔⵉ ⴷ ⵜⵖⴰⵡⵙⴰ ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴼ ⴰⴷ ⵉⵙⴷⵓⵙ ⵜⵉⵥⵉⴹⵕⴰ ⵏ ⵉⵄⵔⵔⵉⵎⵏ.

ⴼ ⵖⵉⴽⴰⵏⵏ, ⴷ ⵍⵍⵉⵖ ⵉⵙⵙⵏ ⵜⴰⴷⴷⵓⵔⵜ ⵏ ⵜⵄⵄⵓⵔⵎⴰ ⴷ ⴰⵏⵙⴰ ⴰⵎⴰⵙⵙⴰⵏ ⵏⵏⵙⵏ ⴳ ⵓⵙⵎⵓⵔⵙ ⵏ ⴽⵔⴰ ⵢⴳⴰⵜⵜ ⵓⵙⵏⵜⵉ ⵏ ⵜⵎⵔⵏⵉⵡⵜ, ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ 27 ⵉⵏⵏⴰⵢⵔ ⵉⵣⵔⵉⵏ ⴳ ⵜⴳⴰⴷⵉⵔⵜ ⵜⴳⵍⴷⴰⵏⵜ ⵖ ⵕⵕⴱⴰⵟ, ⵢⴰⵜ ⵜⴼⵓⴳⵍⴰ ⵏ ⵓⵙⵎⵏⵉⴷ ⵏ "ⵓⵖⴰⵡⴰⵙ ⵉⵙⵉⴷⴼⵏ ⵏ ⵓⵏⵏⴰⵍ ⵏ ⵓⵥⵕⴼ ⵏ ⵜⵎⵙⵙⵏⵜⵉⵏ" ⴷ ⵓⵙⴳⵎⴹ ⵏ ⵜⵎⵢⵢⴰⵇⴰⵏⵉⵏ ⵏⵏⵙ.

ⴳ ⵓⵣⵎⵎⵣⵓ ⴷⵖ, ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵙⵓⴷⴷⵓ ⵏ ⵜⵎⵙⵙⵓⴳⵓⵔⵜ, ⵎⴰⵙⵙ ⵎⵓⵃⵎⵎⴷ ⴱⵏ ⵛⵄⴱⵓⵏ, ⴷ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ, ⵎⴰⵙⵙ ⵄⴱⴷⵍⵟⵟⵉⴼ ⵊⵊⵡⴰⵀⵔⵉ, ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵣⵣⵓⵍⴰⵏ ⵏ ⵉⴱⴰⵏⴽⵏ ⵏ ⵍⵎⵖⵔⵉⴱ, ⵎⴰⵙⵙ ⵄⵜⵎⴰⵏ ⴱⵏⵊⵍⵍⵓⵏ, ⴷ ⵉⴼⴽⴰ ⵎⴰⵙⵙ ⴱⵏ ⵛⵄⴱⵓⵏ ⵜⴰⵏⵜⴰⵎⵜ ⵉⵥⵍⵉⵏ ⵙ ⵓⵖⴰⵡⴰⵙ ⴰⴷ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴷⴼⴼⵉⵔ ⴰⴷ, ⴷ ⴳ ⵢⴰⵜ ⵜⴼⵓⴳⵍⴰ ⴳ ⵜⵣⵇⵇⴰ ⵏ ⵓⴷⴰⴱⵓ, ⵉⵖⵕⴰ ⵡⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵙⵓⴷⴷⵓ ⵏ ⵜⵎⵙⵙⵓⴳⵓⵔⵜ ⵢⴰⵜ ⵜⵙⴳⵓⵔⵉ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉⵖ ⵉⵙⴷⴷⵉⴷ ⵎⴰⵙ ⵖⵉⴽ ⵍⵍⵉ ⵢⵏⵏⴰ ⵓⵙⵍⴳⴰⵏ ⵏ ⵓⵥⵕⴼ ⵏ ⵓⵙⴳⴳⵯⴰⵙ ⵏ 2020, ⵉⴼⴼⵖ ⵢⴰⵏ ⵓⵎⵉⴹⴰⵏ ⵏ ⵉⵙⴽⴽⵉⵏ ⵉⵥⵍⵉⵏ ⵙ "ⵜⴼⵏⵉⵇⵜ ⵏ ⵓⵏⵏⴰⵍ ⵏ ⵓⵥⵕⴼ ⵏ ⵜⵙⵏⵜⴰⵢⵉⵏ ⵏ ⵜⵎⵙⵙⵏⵜⵉⵏ", ⵍⵍⵉ ⵢⵙⵎⴰⵏⵏ 6 ⵏ ⵉⵎⵍⵢⴰⵕⵏ ⵏ ⴷⴷⵔⵀⵎ ⴰⵎⵎⴰⵙ ⵏ 3 ⵉⵙⴳⴳⵯⴰⵙ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⴳⵔ ⵓⵡⴰⵏⴽ ⴷ ⵉⴳⵔ ⴰⴱⴰⵏⴽⵉ, ⵎⴰ ⵢⴰⴷ ⵉⴱⵉⴷⴷⵏ ⵅⴼ ⵜⴰⵙⵉⵍⴰ ⵏ ⵜⵉⴽⴽⵉ ⵏ ⵓⵡⴰⵏⴽ ⵏ 3 ⵏ ⵉⵎⵍⵢⴰⵕⵏ ⵏ ⴷⴷⵔⵀⵎ ⴷ ⵏ ⵉⴳⵔ ⴰⴱⴰⵏⴽⵉ ⵏ 3 ⵉⵎⵍⵢⴰⵕⵏ ⵏ ⴷⴷⵔⵀⵎ.

ⵉⵏⵏⴰ ⵎⴰⵙⵙ ⴱⵏⵛⵄⴱⵓⵏ ⵎⴰⵙ ⵜⵎⴰⵡⴰⵙⵜ ⵔⴰⴷ ⵜⵡⵓⵔⵉ ⴳ ⵓⵙⴰⵜⵉ ⴷⵖ ⴷ ⴱⴰⵏⴽ ⵍⵎⵖⵔⵉⴱ ⴷ ⵉⴳⵔ ⴰⴱⴰⵏⴽⵉ ⵅⴼ ⵢⴰⵜ ⵜⵙⵔⵜⴰⵏⵜ ⵉⵟⵟⴰⴼⵏ ⵜⵉⵔⴰⵜ ⵉⵎⵇⵇⵓⵕⵏ, ⵙⵍⴰⵡⴰⵏ ⴰⴽⴽⵯ ⴳ ⵎⴰⴷ ⵉⴳⴳⵔⵏ ⵉ ⵡⵙⵙⵔⵅⵓ ⵏ ⵉⵙⴽⴽⵉⵏ, ⴷ ⵓⵙⵙⵓⵀⵍ ⵏ ⵜⵎⵙⵓⵜⵏⵏ ⵏ ⵜⵏⴼⵔⵓⵜ ⵙ ⵓⴽⴽⵙ ⵏ ⵜⵏⴼⵔⵓⵜⵉⵏ ⵜⵉⴼⴳⴰⵏⵉⵏ, ⴷ ⵓⵙⵓⴳⴳⵣ ⵏ ⵡⴰⵜⵉⴳ ⵏ ⵓⵕⵟⵟⴰⵍ, ⵉⵏⵏⴰ ⵙⵓⵍ ⵎⴰⵙ ⵓⵖⴰⵡⴰⵙ ⴰⴷ ⵔⴰⴷ ⵉⴷⵔⵓ, ⴽⵔⴰ ⵢⴳⴰⵜⵜ ⵓⵙⴳⴳⵯⴰⵙ, ⵙ ⴰⵙⵓⴼⴼⵖ ⵏ ⵍⴰⵃⵡⴰⵍ ⵏ 27.000 ⵏ ⵓⵣⵎⵣ ⵏ ⵜⵡⵓⵔⵉ ⴰⵎⴰⵢⵏⵓ ⴷ ⵓⵎⵓⵏ ⵉⵣⴰⵢⴷⵏ ⴷ 13.500 ⵜⵎⵙⵙⵏⵜⵉⵜ.

ⴳ ⵜⵙⴳⴰ ⵏⵏⵙ, ⵉⵏⵏⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ, ⵎⴰⵙⵙ ⵄⴱⴷⵍⵍⵟⵉⴼ ⵊⵊⵡⴰⵀⵔⵉ, ⴳ ⵢⴰⵜ ⵜⵙⴳⵓⵔⵉ ⴳ ⵓⵣⵎⵎⵣⵓ ⵢⴰⴷ, ⵎⴰⵙ ⵉⵙⴽⵔ ⵍⴱⴰⵏⴽ ⴰⵎⴰⵙⵙⴰⵏ, ⴳ ⵓⵙⴰⵜⵉ ⵏ ⵓⵣⵣⵉⴳⵔ ⵏ ⵓⵙⵎⴷⵉ ⵏ ⵉⴹⵉⵏ ⵢⴰⵜⵜⵓⵢⵏ ⵉⵜⵜⵓⵎⵍⴰⵏ ⴳ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴱⵕⵍⴰⵎⴰⵏⵉⵜ ⵏ ⵜⵎⴰⵡⴰⵏⵜ ⵏ 2019, ⵎⵏⵏⴰⵡ ⵏ ⵉⵙⵡⵓⴷⴷⵓⵏ ⵉⵔⴰⵏ ⴰⴷ ⵙⵔⵙⵏ ⵢⴰⵏ ⵓⵎⵉⴽⴰⵏⵉⵣⵎ ⵏ ⵓⵍⵍⴰⵙ ⵏ ⵓⵥⵕⴼ ⵓⵔ ⵉⴱⵉⴷⴷⵏ ⵙⴳ ⴱⴰⵏⴽ ⵍⵎⵖⵔⵉⴱ ⵉ ⴰⴽⴽⵯ ⵉⵕⵟⵟⴰⵍⵏ ⵉⴱⴰⵏⴽⵉⵏ ⵉⵜⵜⵓⴼⴽⴰⵏ ⵏ ⵉⵙⵎⵉⵍⵏ ⵉⵍⵍⴰⵏ ⴳ ⵉⵏⴰⵡ ⴰⴷ.

ⵉⴳⴰ ⵙⵓⵍ ⵍⵃⴰⵍ ⴰⵣⵣⵉⴳⵔ ⵏ ⵓⵙⵖⵏ ⵉⵣⴰⵢⴷⵏ ⵙ 1.25% ⴳ ⵓⵙⴰⵜⵉ ⵏ ⵓⵍⵍⴰⵙ ⵏ ⵓⵥⵕⴼ ⵍⵍⵉ ⴼⴽⴰⵏ ⵉⴱⴰⵏⴽⵏ ⵉ ⵢⵙⵎⵍⵏ ⵍⵍⵉ ⵎⵓ ⵢⴳⴰ ⵡⵙⵖⵏ ⴰⴷ, ⵎⴰ ⵢⴰⴷ ⵉⴳⴰⵏ 100 ⵜⵏⵇⵇⵉⴹⵜ ⴷⴷⵓ ⵏ ⵓⵜⵉⴳ ⵏ ⴱⴰⵏⴽ ⵍⵎⵖⵔⵉⴱ.

ⴳ ⵢⴰⵜ ⵜⵙⴳⵓⵔⵉ ⵢⴰⴹⵏⵉⵏ, ⵉⵏⵏⴰ ⵡⵏⵙⵙⵉⵅⴼ ⵏ ⵓⴳⵔⴰⵡ ⴰⵣⵣⵓⵍⴰⵏ ⵏ ⵉⴱⵏⴰⴽⵏ ⵏ ⵍⵎⵖⵔⵉⴱ, ⵎⴰⵙⵙ ⵄⵜⵎⴰⵏ ⴱⵏⵊⵍⵍⵓⵏ, ⵎⴰⵙ ⵉⴳⵔ ⴰⴱⴰⵏⴽⵉ ⵉⵙⵖⵏ ⴰⴷ ⵉⴷⵔⵓ ⵙ 3 ⵏ ⵓⵎⵍⵢⴰⵕ ⵏ ⴷⴷⵔⵀⵎ, ⵙ ⵓⵙⵖⵍ ⵉⵙⵡⴰⵏ ⴷ ⵡⴰⵏⵏ ⵏ ⵜⵏⴱⴰⴹⵜ ⴷ ⴱⴰⵏⴽ ⵍⵎⵖⵔⵉⴱ, ⴳ ⵓⵥⵕⴼ ⵏ ⵜⴼⵏⵉⵇⵜ ⴰⴷ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%89%E2%B5%99%E2%B5%89%E2%B4%B7%E2%B4%BC%E2%B5%8F-%E2%B5%8F-%E2%B5%93%E2%B5%8F%E2%B5%8F%E2%B4%B0%E2%B5%8D-%E2%B5%8F-%E2%B5%93%E2%B5%A5%E2%B5%95%E2%B4%BC-%E2%B5%8F-%E2%B5%9C%E2%B5%8E%E2%B5%99%E2%B5%99%E2%B5%8F%E2%B5%9C%E2%B5%89%E2%B5%8F-%E2%B4%B0%E2%B5%8F%E2%B5%A3%E2%B4%B0-%E2%B5%8F-%E2%B5%9C%E2%B5%A5%E2%B5%95%E2%B5%89%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%89%E2%B5%94%E2%B4%B0%E2%B5%8F-%E2%B4%B0%E2%B4%B7-%E2%B5%9C%E2%B5%8F%E2%B4%BD%E2%B5%94-%E2%B5%99