ⵉⴳⵔ ⵏ ⵜⵏⵖⵎⴰⵙⵜ ⵜⴰⵎⵖⵔⴰⴱⵉⵜ ⵉⵙⵙⵓⴽⵉ ⵡⴳⴳⴰⵔ ⵏ 240 ⵓⵎⵍⵢⵓⵏ ⵏ ⴷⴷⵔⵀⵎ ⴳ ⴽⵕⴰⴹ ⵉⵢⵢⵉⵔⵏ ⵙⴳ ⵓⴱⴰⵢⵢⵓⵕ "ⴽⵓⵕⵓⵏⴰ" (ⴰⵙⵇⵇⵉⵎ ⴰⵏⴰⵎⵓⵔ ⵏ ⵜⵏⵖⵎⴰⵙⵜ)

09 ⵢⵓⵍⵢⵓⵣ 2020 Version Imprimable

ⵕⵕⴱⴰⵟ - ⵉⵏⵏⴰ ⵡⵙⵇⵇⵉⵎ ⴰⵏⴰⵎⵓⵔ ⵏ ⵜⵏⵖⵎⴰⵙⵜ ⵎⴰⵙ ⵉⵙⵙⵓⴽⵉ ⵢⴳⵔ ⵏ ⵜⵏⵖⵎⴰⵙⵜ ⵜⵎⵖⵔⴰⴱⵉⵜ ⵙⴳ ⵓⴱⴰⵢⵢⵓⵕ "ⴽⵓⵕⵓⵏⴰ" ⵍⴰⵃⵡⴰⵍ ⵏ 243 ⵓⵎⵍⵢⵓⵏ ⵏ ⴷⴷⵔⵀⵎ ⴳ ⴽⵕⴰⴹ ⵉⵢⵢⵉⵔⵏ ⴷⴼⴼⵉⵔ ⵍⵍⵉⵖ ⵜⴱⵉⴷⴷ ⵜⵙⴳⴳⵉⵣⵜ ⵏ ⵜⵏⵖⵎⴰⵙⵜ, ⵎⴰⴷ ⵢⵉⵡⵉⵏ ⵉⵎⴰⴽⵏ ⵉⵛⵇⵇⴰⵏ ⵉ ⵢⵎⵙⵡⵡⵓⵔⵉⵏ ⴳ ⵎⵏⵏⴰⵡ ⵏ ⵜⵎⵔⵙⵍⵉⵏ, ⴷ ⵜⵓⴳⴳⴰⵣ ⵏ ⵜⵢⴰⴽⴽⴰⵏⵉⵏ ⵏ ⵓⵙⵙⵓⵙⵏ ⴳ ⵜⵏⵖⵎⴰⵙⵜ ⵙ ⵓⵙⵖⵏ ⵏ 110% ⴳⵔ 18 ⵎⴰⵕⵚ ⴷ 18 ⵎⴰⵢⵢⵓ 2020, ⴰⵎⵎ ⴰⵣⵎⵣ ⴰⵏⵏ ⵏⵉⵜ ⴳ ⵓⵙⴳⴳⵯⴰⵙ ⵏ 2019.

ⵉⵙⴷⴷⵉⴷ ⵓⵙⵇⵇⵉⵎ, ⴳ ⵢⴰⵜ ⵜⵏⴰⴹⵜ ⵅⴼ ⵜⵍⴽⴰⵎⵉⵏ ⵏ ⵉⴳⵔ ⵏ ⵜⵏⵖⵎⴰⵙⵜ ⵜⵎⵖⵔⴰⴱⵉⵜ, ⵎⴰⵙⵙ ⵎⵇⵇⴰⵔ ⵍⵍⵉⵖ ⵜⴳⴰ ⵜⵙⵙⴰⵙⵜ ⴰⴽⵓⴷ ⵉⵣⵔⵉⵏ, ⵔⴰⴷ ⵜⴰⵡⵉ ⵜⵍⴽⴰⵎⵉⵏ "ⵉⴷⴷⵓⵙⵏ" ⴷ ⵔⴰⴷ ⵜⵖⴱⵓ ⵜⵙⵙⴰⵙⵜ ⵜⴰⵏⴳⵔⴰⵡⵜ ⵏ ⵜⵏⵖⵎⴰⵙⵜ ⵜⵎⵖⵔⴰⴱⵉⵜ.

ⴼ ⵖⵉⴽ ⴰⵏⵏ, ⵉⵙⵎⵏⴷ ⵓⵙⵇⵇⵉⵎ ⵍⴰⵃⵡⴰⵍ ⵏ 30 ⵓⵎⴰⴽ ⵏ ⵜⵉⴷⴷⵜ ⵏ ⵓⵙⵏⵙⵉ ⵏ ⵜⵉⵍⴰⵜ ⵜⴰⵏⵎⵓⵏⵜ ⵍⵍⵉ ⴰⵔ ⵜⵙⴽⴰⵔ ⵜⵏⵖⵎⴰⵙⵜ ⴳ ⵙⵎⵎⵓⵙ ⵏ ⵉⵙⴳⵓⵎⵏ ⵉⵥⵍⵉⵏ ⵙ ⵓⵏⴰⵍ ⵏ ⵜⵖⵔⵉ ⴷ ⵜⵏⴽⵔⴰ ⵙ ⵓⵏⵏⴰⵍ ⴰⴳⴷⵓⴷⴰⵏ ⴰⴷ ⴷ ⵓⵙⵏⵎⴰⵍⴰ ⵏ ⵓⴳⴷⴰⵣ ⵏ ⵜⵙⴳⵓⵔⵉ ⵜⴰⵙⴱⴱⴰⴱⵜ ⴷ ⵓⵍⵍⴰⵙ ⵏ ⵜⵏⴰⵢⵜ ⵏ ⵓⵙⵎⵎⵓⵜⴳ ⴷ ⵜⵏⴽⵔⴰ ⵙ ⵉⵙⴰⴳⵎⵏ ⵉⵏⴼⴳⴰⵏ ⴷ ⵓⵙⵎⵏⵉⴷ ⵏ ⵜⵓⴳⵉ ⵏ ⵜⵎⴳⵓⵔⵉ ⵜⵏⵖⵎⴰⵙⵜ ⵜⵎⵃⵉⵣⵡⴰⵔⵜ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%89%E2%B4%B3%E2%B5%94-%E2%B5%8F-%E2%B5%9C%E2%B5%8F%E2%B5%96%E2%B5%8E%E2%B4%B0%E2%B5%99%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%89%E2%B5%99%E2%B5%99%E2%B5%93%E2%B4%BD%E2%B5%89-%E2%B5%A1%E2%B4%B3%E2%B4%B3%E2%B4%B0%E2%B5%94-%E2%B5%8F-240-%E2%B5%93%E2%B5%8E%E2%B5%8D%E2%B5%A2%E2%B5%93%E2%B5%8F-%E2%B5%8F-%E2%B4%B7%E2%B4%B7%E2%B5%94%E2%B5%80%E2%B5%8E-%E2%B4%B3-%E2%B4%BD%E2%B5%95%E2%B4%B0%E2%B4%B9-%E2%B5%89%E2%B5%A2%E2%B5%A2%E2%B5%89%E2%B5%94%E2%B5%8F-%E2%B5%99%E2%B4%B3