ⴰⴳⴰⴷⵉⵔ: ⵉⵎⵓⵙⵙⵓⵏ ⵉⴷⵍⵙⴰⵏ ⴷ ⵉⵏⴰⵥⵓⵕⵏ ⴳ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 75 ⵏ ⵓⵙⵎⵏⵉⴷ ⵏ ⵜⵏⵜⴰⵎⵜ ⵏ ⵜⵓⵜⵔⴰ ⵏ ⵜⵙⵉⵎⴰⵏⵜ ⴷ ⵓⵙⴳⴳⵯⵙ ⴰⵎⴰⵣⵉⵖ ⴰⵎⴰⵢⵏⵓ 2969

09 ⵉⵏⵏⴰⵢⵔ 2019 Version Imprimable

ⴰⴳⴰⴷⵉⵔ - ⵔⴰⴷ ⵜⵙⵏⵎⴰⵍⴰ "ⵜⵎⵙⴰⵎⵓⵏⵜ ⴰⵖⵉⵔ ⵏ ⵓⴳⴰⴷⵉⵔ", ⴷ "ⵜⵎⵙⵎⵓⵏⵜ ⵜⴰⵡⴰⴷⴰ ⵏ ⵉⵣⵣⵓⵍⴰⵏ ⵏ ⵜⴳⵎⵔⵜ ⵜⴰⵖⴰⵔⵜ ⴳ ⵉⴼⴼⵓⵙ", ⵡⵙⵙⴰⵏ ⵏ 18 ⴷ 19 ⵉⵏⵏⴰⵢⵔ ⴰⴷ, ⵎⵏⵏⴰⵡ ⵏ ⵉⵎⵓⵙⵙⵓⵏ ⵉⴷⵍⵙⴰⵏ ⴷ ⵉⵏⴰⵥⵓⵕⵏ ⴳ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 75 ⵏ ⵓⵙⵎⵏⵉⴷ ⵏ ⵜⵏⵜⴰⵎⵜ ⵜⵓⵜⵔⴰ ⵏ ⵜⵙⵉⵎⴰⵏⵜ, ⵍⵍⵉ ⵔⴰⴷ ⵢⵙⴼⵓⴳⵍⵓ ⵡⵎⴰⴷⴰⵏ ⴰⵎⵖⵔⴰⴱⵉ ⴰⵙⵙ ⵏ 11 ⵉⵏⵏⴰⵢⵔ, ⵉⵍⴰ ⴰⵙⴼⵓⴳⵍⵓ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2969.

ⴳ ⵓⵙⴰⵜⵉ ⴷⵖ, ⵉⵏⵏⴰ ⵢⴰⵏ ⵓⵙⵉⵡⴹ ⵎⴰⵙ ⵉⵎⵓⵙⵙⵓⵏ ⴰⴷ, ⵍⵍⵉ ⵜⵜⵓⵙⵏⵎⴰⵍⴰⵏ ⵙ ⵜⴷⵔⴰⵡⵜ ⵏ ⵜⴽⵓⵏⴼⵉⴹⵉⵕⴰⵍⵉⵜ ⵜⴰⵏⴰⵎⵓⵔⵜ ⵏ ⵜⴳⵎⵔⵜ ⵜⴰⵖⴰⵔⵜ ⴳ ⵉⴼⴼⵓⵙ, ⵔⴰⵏ "ⴰⴷ ⵉⵜⵜⵓⵙⵙⴰⵏ ⴰⵢⴷⴰ ⴰⴷⵍⵙⴰⵏ ⴰⴷⵖⵔⴰⵏ, ⴷ ⵜⴰⵏⴰⵢⵜ ⵏ ⵜⵎⵢⵓⵏⵉⵏ ⵜⵉⵇⴱⵓⵔⵉⵏ ⵉⵎⴰⵣⵉⵖⵏ ⵉⵇⴱⵓⵕⵏ, ⴷ ⵜⴰⴷⵔⴰⵡⵜ ⴳ ⴰⵏⵜⵎ ⵏ ⵓⵙⴽⵜⵉ ⵏ ⵜⴳⵎⵔⵜ ⵜⴰⵢⵍⴰⵏⵜ ⵙ ⵓⵙⵎⵖⵔ ⵏ ⵉⵔⴳⴰⵣⵏ ⴳ ⵉⴳⵔ ⴰⴷ ⴷ ⵓⵔⴰⵔ ⵏ ⵜⵓⵙⵙⵏⴰ ⵙ ⵏⵏⵙⵏ.

ⴳ ⵓⵣⵎⵎⵣⵓ ⴷⵖ, ⵉⵜⵜⵓⵖⵜⵙ ⴰⴷ ⵉⵜⵜⵓⵙⵏⵎⴰⵍⴰ ⵢⴰⵏ ⵓⵎⴳⵔⴰⵡ ⵅⴼ ⵓⵙⴳⵓⵎ "ⵎⵎⴰⴷ ⵜⵜⴰ ⵜⵉⵍⵉⵍⵜ ⵏ ⵉⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ ⴳ ⵓⵙⴷⵔⴼⵉ ⵏ ⵜⵙⴳⵡⵉⵏ ⵏ ⵉⴼⴼⵓⵙ ⵏ ⵍⵎⵖⵔⵉⴱ", ⵔⴰⴷ ⴳⵉⵜ ⴷⵔⵓⵏ ⵎⵏⵏⴰⵡ ⵏ ⵉⵎⵉⵏⴰⴳⵏ ⵍⵍⵉ ⵔⴰⴷ ⵙⴰⵡⵍⵏ ⵅⴼ ⵎⵏⵏⴰⵡ ⵏ ⵉⵙⴳⵓⵎⵏ ⵉⴳⴳⵔⵏ ⵉ ⵢⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⵉⵍⴰⵍⵜ ⵏⵏⵙ ⴳ ⵓⵙⵙⵓⴼⵖ ⴳ ⵍⵎⵓⵙⵜⵄⵎⵉⵕ ⴰⵚⴱⵍⵢⵓⵏⵉ.

Dernière modification : 03 ⵢⵓⵍⵢⵓⵣ 2020

Source URL: https://www.mapnews.ma/am/dossier/%E2%B4%B0%E2%B4%B3%E2%B4%B0%E2%B4%B7%E2%B5%89%E2%B5%94-%E2%B5%89%E2%B5%8E%E2%B5%93%E2%B5%99%E2%B5%99%E2%B5%93%E2%B5%8F-%E2%B5%89%E2%B4%B7%E2%B5%8D%E2%B5%99%E2%B4%B0%E2%B5%8F-%E2%B4%B7-%E2%B5%89%E2%B5%8F%E2%B4%B0%E2%B5%A5%E2%B5%93%E2%B5%95%E2%B5%8F-%E2%B4%B3-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%93%E2%B5%99%E2%B4%BD%E2%B5%9C%E2%B5%89-%E2%B5%A1%E2%B5%89%E2%B5%99%E2%B5%99-75-%E2%B5%8F-%E2%B5%93%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%9C%E2%B5%8F%E2%B5%9C%E2%B4%B0%E2%B5%8E%E2%B5%9C-%E2%B5%8F-%E2%B5%9C%E2%B5%93%E2%B5%9C%E2%B5%94%E2%B4%B0-%E2%B5%8F-%E2%B5%9C%E2%B5%99%E2%B5%89%E2%B5%8E%E2%B4%B0%E2%B5%8F%E2%B5%9C