ⵓⵎⵥⵏⵜ ⵙⵎⵎⵓⵙⵜ ⵏ ⵜⵡⵓⵔⵉⵡⵉⵏ ⵏ ⵉⵎⵙⵓⴼⵖⵏ ⵉⵎⵖⵔⴰⴱⵉⵢⵏ ⵜⵉⴳⴳⴰⵣⵉⵏ ⵏ ⵜⵎⵔⵙⴰⵍⵜ ⵏ ⴷⴷⴰⵡⵃⴰ ⵏ ⵍⴰⴼⵍⴰⵎ ⵅⴼ ⵜⵙⵓⵜⵍⵜ ⵏ ⵜⴼⵙⵓⵜ 2020

01 ⵢⵓⵍⵢⵓⵣ 2020 Version Imprimable

ⴷⴷⵡⵃⴰ - ⵓⵎⵥⵏⵜ ⵙⵎⵓⵙⵜ ⵏ ⵜⵡⵓⵔⵉⵡⵉⵏ ⵏ ⵉⵎⵙⵓⴼⵖⵏ ⵉⵎⵖⵔⴰⴱⵉⵢⵏ ⵜⵉⴳⴳⴰⵣⵉⵏ ⵏ ⵜⵎⵔⵙⴰⵍⵜ ⵏ ⴷⴷⴰⵡⵃⴰ ⵏ ⵍⴰⴼⵍⴰⵎ (ⵜⴰⵎⵏⴱⴰⴹⵜ), ⵅⴼ ⵜⵙⵓⵜⵍⵜ ⵏ ⵜⴼⵙⵓⵜ ⵏ 2020, ⴳⵔ 39 ⵓⵙⵏⵜⵉ ⵏ ⵉⵎⴳⵓⵔⵉⵏ ⵏ ⵍⴰⴼⵍⴰⵎ ⵍⵍⵉ ⵙⴽⵔⵏ ⵉⵔⵉⵎⵏ ⴰⵎⵣⴰⵡⵔⵓ ⴷ ⵡⵉⵙⵙ ⵙⵉⵏ ⵏⵏⵙⵏ ⴳ ⵓⵎⵙⵙⵓⴼⵖ ⵙⴳ ⵎⵛⵜⴰ ⵏ ⵉⵏⵙⴰⵏ ⵏ ⵓⵎⴰⴹⴰⵍ.

ⵜⴼⵔⴰ ⵜⵏⵏⴰ ⵜⵎⵔⵙⴰⵍⵜ, ⴳ ⵢⴰⵏ ⵓⵙⵉⵡⴹ, ⵎⴰⵙ ⵉⴳⴰ ⵍⵃⴰⵍ ⴽⵕⴰⴹ ⵏ ⵜⵎⵙⵙⵓⴼⵉⵖⵏ ⴽⵛⵎⵏⵜ ⵜⵡⵓⵔⵉⵡⵉⵏ ⵏ ⵙⵏⴰⵜ ⴷⵉⴳⵙⵏ ⴳ ⵓⵙⵎⵍ ⵏ ⵍⴰⴼⴰⵍⴰⵎ ⵏ ⵓⵜⵉⵎ ⵉⵖⵣⵣⵉⴼⵏ, ⵎⴰ ⵢⴰⴷ ⵉⴳⴰⵏ ⵜⴰⵎⵙⵙⵓⴼⵖⵜ ⴷⴰⵍⵉⵍⴰ ⵉⵏⴰⴷⵔⵉ ⵅⴼ ⵜⴽⵍⵉⵜ ⴷⴼⴼⵉⵔ ⵏ ⵓⵙⵢⴰⴼⵓ ⵏ ⵜⵡⵓⵔⵉ ⵏⵏⵙ "ⵊⵉⵏ ⵊⵓⵏⵉⵜ, ⴱⴰⴱⴰⵙ ⵏ ⵓⵊⴷⴷⵉⴳ" (ⵜⴰⵙⵢⴰⴼⵓⵜ ⵉⵛⵛⴰⵔⵏ ⵜⴰⵎⵖⵔⴰⴱⵉⵜ-ⵜⴰⴼⵕⴰⵏⵚⵉⵚⵜ-ⵜⴰⵇⴰⵟⴰⵕⵉⵜ), ⴷ ⵜⵎⵙⵓⴼⵖⵜ ⵕⴰⵛⵉⴷⴰ ⵍⵖⵕⵕⴰⵏⵉ ⵅⴼ ⵜⵉⴽⵍⵉⵜ ⵏ ⵜⵙⵢⴰⴼⵓⵜ ⵏ ⵍⴼⵉⵍⵎ ⵏⵏⵙ "ⴳ ⵜⴰⴷⴷⴰⵔⵜ ⵏ ⴱⴰⴱⴰ ⵏⵏⵓ" (ⵜⴰⵙⵢⴰⴼⵓⵜ ⵉⵛⵛⴰⵔⵏ ⵜⴰⵎⵖⵔⴰⴱⵉⵜ-ⵜⴰⴱⵍⵊⵉⴽⵉⵜ-ⵜⴰⵇⴰⵟⴰⵕⵉⵜ), ⴷ ⵉⵜⵜⵢⴰⴽⴽⴰ ⵡⵏⵏⴰⵍ ⵏ ⵜⴽⵍⵉⵜ ⵏ ⵜⵙⵢⴰⴼⵓⵜ ⵏ ⵍⴼⵉⵍⵎ "ⴰⵙⵡⵏⴳⵎ ⵏ ⵜⵃⵍⵉⵊⵉⵏ" (ⵜⴰⵙⵢⴰⴼⵓⵜ ⵉⵛⵛⴰⵔⵏ ⵜⴰⵎⵖⵔⴰⴱⵉⵜ-ⵜⴼⵕⴰⵏⵚⵉⵚⵜ-ⵜⴰⵇⴰⵟⴰⵕⵉⵜ) ⴳ ⵓⵙⵎⵍ ⵏ ⵍⴰⴼⵍⴰⵎ ⵏ ⵓⵜⵉⵎ ⴰⵇⵓⴹⴰⴹ ⵏ ⵜⵎⵙⵙⵓⴼⵖⵜ ⵚⵓⴼⵢⴰ ⵍⵅⵢⵢⴰⵔⵉ.

ⴷ ⵜⵜⵓⴼⴽⴰ ⵜⴳⴳⴰⵣⵜ ⵏ ⵓⵣⵔⴼ ⵏ ⵜⴽⵍⵉⵜ ⴷⴼⴼⵉⵔ ⵏ ⵜⵙⵢⴰⴼⵓⵜ ⵉ ⵍⴰⴼⵍⴰⵎ "ⵓⵔ ⵉⵎⵎⵓⵜ ⴱⴰⴱⴰ ⵉⵏⵏⵓ" (ⵜⵙⵢⴰⴼⵓⵜ ⵜⴰⵎⵖⵔⴰⴱⵉⵜ-ⵜⴰⵇⴰⵟⴰⵕⵉⵜ) ⴳ ⵓⵙⵎⵍ ⵏ ⵍⴰⴼⵍⴰⵎ ⵉⵖⵣⵣⵉⴼⵏ ⵏ ⵓⵎⵙⵙⵓⴼⵖ ⵄⴰⴷⵉⵍ ⵍⴼⴰⴹⵉⵍⵉ, ⴷ ⵍⴼⵉⵍⵎ "ⵉⴹⴰⵏ ⵏ ⵜⵎⴳⵔⵜ" ⵏ ⵜⵙⵢⴰⴼⵓⵜ ⵜⵎⵖⵔⴰⴱⵉⵜ-ⵜⴰⴼⵕⴰⵏⵚⵉⵚⵜ-ⵜⴰⴱⵍⵊⵉⴽⵉⵜ-ⵜⴰⵇⴰⵟⴰⵕⵉⵜ, ⴰⵎⵎⴰⵙ ⵏ ⵓⵙⵎⵍ ⵏ ⵍⴰⴼⵍⴰⵎ ⵏ ⵉⵔⵉⵎⵏ ⵉⵖⵣⵣⵉⴼⵖⵏ ⴽⴰⵎⴰⵍ ⵍⵥⵕⵇ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%93%E2%B5%8E%E2%B5%A5%E2%B5%8F%E2%B5%9C-%E2%B5%99%E2%B5%8E%E2%B5%8E%E2%B5%93%E2%B5%99%E2%B5%9C-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%89%E2%B5%8E%E2%B5%99%E2%B5%93%E2%B4%BC%E2%B5%96%E2%B5%8F-%E2%B5%89%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%A2%E2%B5%8F-%E2%B5%9C%E2%B5%89%E2%B4%B3%E2%B4%B3%E2%B4%B0%E2%B5%A3%E2%B5%89%E2%B5%8F-%E2%B5%8F-%E2%B5%9C%E2%B5%8E%E2%B5%94%E2%B5%99%E2%B4%B0%E2%B5%8D%E2%B5%9C-%E2%B5%8F-%E2%B4%B7%E2%B4%B7%E2%B4%B0%E2%B5%A1%E2%B5%83%E2%B4%B0-%E2%B5%8F-%E2%B5%8D%E2%B4%B0%E2%B4%BC%E2%B5%8D%E2%B4%B0%E2%B5%8E